Свет
Нетанјаху ја осуди коалицијата на Лапид, нарекувајќи ја опасна левичарска влада
Израелскиот премиер Бенјамин Нетанјаху ги повика сите членови на парламентот избрани со десничарски гласови да се спротивстават на новата коалиција, чие формирање беше објавено доцна синоќа од мандатарот Јаир Лапид, лидерот на партијата на центарот Јеш Атид (Има иднина). Тој ја нарече новата влада опасна и левичарска.
Во првата реакција во јавноста откако Лапид го извести израелскиот претседател Ревен Ривлин дека ја исполнил задачата што му била доверена, што може да доведе до соборување на Нетанјаху по 12 последователни години како премиер, Нетанјаху ја нарече владата на Лапид „опасна“.
„Сите членови на Кнесетот (парламентот) избрани со десничарски гласови мора да се спротивстават на оваа опасна левичарска влада“, напиша Нетанјаху на „Твитер“.
Во низата коментари на социјалните мрежи Нетанјаху го обвини лидерот на десничарската партија Јамина, Нафтали Бенет, кој влезе во коалиција со Лапид и ќе биде првиот премиер во ротирачката влада, дека се продал на исламската партија Обединета арапска листа.
Нетанјаху тврди дека Бенет, пак, ѝ ветил на партијата, која исто така влезе во коалицијата и ќе биде првата партија на израелските Арапи во израелската влада, дека ќе го исполни барањето за замрзнување на планот за уривање на бесправно изградените бедуински села и буџетот за Арапска заедница.
Официјални лица од таа партија постојано повторуваат дека понудите на конзервативниот Ликуд на Нетанјаху биле многу подарежливи отколку она што им го понудиле Лапид и Бенет, пренесоа израелските медиуми.
Блок партии кои се противат на Нетанјаху најави договор за коалиција пред истекот на рокот во среда пред полноќ.
Таа коалиција има најмало можно мнозинство со 61 од вкупно 120 пратеници во Кнесетот.
Во новата влада, врз основа на договорот за ротација, Бенет ќе биде премиер во првите две години, а Лапид од 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Хрватска со најголем пораст на цените на пицата во Европа
Во последната година Хрватска бележи најголем раст на цените на пицата меѓу европските држави, покажуваат податоците на Евростат, пренесе „24сата.хр“.
Според анализата, во август 2024 година пицата била поскапа за 7,2 проценти во однос на истиот месец лани. Зад Хрватска се наоѓа Летонија со раст од 6,6%, а потоа следуваат Грција, Романија и Унгарија со поскапување меѓу 5 и 5,3%.
Тоа се правда со зголемените цени на брашното, сирењето, месото, зеленчукот и енергенсите. Сепак, спротивно, во Луксембург, Данска и Ирска цените на пицата дури се намалиле – од 1,8 до 2,9 проценти.
Во познатата пулска пицерија „Ин Форно“, сопственикот Морено Марини изјавил дека не ги зголемиле цените, бидејќи голем дел од квалитетните состојки ги набавуваат директно од Италија, каде што се поевтини и до 40 проценти.
„Користиме само најдобро брашно и вистинска моцарела. Сакам подобар квалитет и фер цена за гостите“, изјавил Марини за 24сата, додавајќи дека и покрај растот на трошоците, ќе се обиде да ги задржи сегашните цени.
Свет
Трамп: Имам многу добар однос со кинескиот претседател, сакам да ми помогне со Русија
Американскиот претседател Доналд Трамп изјави дека се надева на помош од Кина во решавањето на ситуацијата со Русија и завршување на војната во Украина, пренесе Би-би-си.
Трамп зборуваше во претседателскиот авион „Ер форс уан“ на пат за Азија, каде што ќе се сретне со кинескиот лидер Шји Џинпинг.
„Би сакал Кина да ни помогне со Русија“, рече тој.
Изјавата доаѓа во период кога Вашингтон одбива да ѝ испорача на Украина ракети „Томаховк“. Трамп, сепак, воведе нови санкции кон две руски нафтени компании, додека од Кремљ порачаа дека се имуни на мерките.
Иако средбата со Шји првенствено ќе биде посветена на трговијата, Трамп најави дека ќе разговараат и за Украина.
„Имам многу добар однос со претседателот Шји, и верувам дека и тој сака војната да заврши“, изјави Трамп.
Свет
Крстевски: Во првиот круг Росоман покажа дека сака промени, а во втор круг уште помасовно да излеземе и да го заокружиме бројот 9 за општината да се развива
Денес Росоман повторно покажува дека не се плаши од промени, дека знае да се бори за својата иднина. Во првиот круг ја видовме силата на народот со јасна порака: Росоман сака промени! Росоман сака работа и резултати, вели кандидатот за градоначалник на ВМРО-ДПМНЕ за општина Росоман, Ѓорѓи Крстевски на денешниот настан во општина Росоман, под слоганот „Вистинскиот избор! Твојот човек! Твоето место! За твојата иднина!“, во рамките на изборната кампања за вториот круг од локалните избори кои ќе се одржат 2 ноември.
Крстевски посочи дека тие што со години владееле со лаги, со притисоци и со страв нека знаат дека времето им завршува, дека народот се биди и не се заплашува, а кога Росоман ќе се разбуди, тогаш нема сила што може да го запре.
Понатаму, Крстевски додаде дека во вториот круг нема калкулации и дека има само две страни, едната на страната на народот, а другата на страната на корупцијата, на страната на иднината, или на страната на минатото.
Ние стоиме со народот, вели Крстевски и затоа, пред сите вас, ветувам дека во наредниот период ќе реализираме проекти што ќе ја променат општината.
„Заедно со градоначалникот Митко Јанчев и општина Кавадарци, ќе воведеме годишна карта за Паркинг од 800 денари за сите жители на општина Росоман и бесплатен превоз за сите пензионери кои ќе го користат Јавниот превоз. Ќе обезбедиме храна за дечињата во основното училиште, а не како сега во спотови. Ќе се обезбедат бесплатни униформи а не како до сега родителите да бидат изложени на дополнителни трошоци притиснати од раководството на општината. Заедно со АД Водостопанство ќе отвориме подрачна канцеларија во Росоман, ќе се воспостави кол центар 24/7 каде граѓаните ќе ги пријават своите проблемите, а за сите семејства од социјален ризик ќе воведеме бесплатна градинка“, рече Крстевски.
Додаде дека заедно со Владата и министерството за транспорт и врски, се обврзуваме дека ќе ја направиме клучката и долгоочекуваниот проблем во Сирково, конечно да се реши.
„Ова не се само ветувања ова се конкретни дела што ќе ги почувствува секое семејство, секој земјоделец, секој млад човек што сака да остане во Росоман. Ќе изградиме општина која ќе биде пример за чесност, работа и одговорност. Ќе ставиме крај на расипништвото, на поделбите, на стравот. Ќе покажеме дека кога народот се обединува, нема сила што може да го победи“, истакна Крстевски.
Крстевски повика на 2 ноември да се излезе масовно на гласање и да се заокружи бројот 9, за да покаже Росоман дека избира иднина, не минато, а со тоа ќе се покаже дека народот е посилен од партиските вработувања, од притисоците и од лагите.

