Свет
Ники Хејли го нападна Трамп поради смртта на Навални: Тој е на страната на Путин

Ники Хејли, кандидат за републиканска номинација за претседателските избори, денеска го критикуваше својот противкандидат Доналд Трамп за неговите пријателски врски со Владимир Путин, откако најлутиот противник на рускиот претседател Алексеј Навални почина во казнена колонија.
„Доналд Трамп продолжува да застанува на страната на Владимир Путин – човек кој ги убива своите политички противници, ги држи американските новинари како заложници и никогаш не ја криел својата желба да ја уништи Америка“, рече Хејли во изјавата објавена од нејзината кампања.
Трамп повремено го фалеше Путин низ годините, нарекувајќи го „генијалец“ во 2022 година поради неговата одлука да ја нападне соседна Украина, предизвикувајќи војна која сè уште беснее.
Смртта на Навални ја објави руската затворска управа. 47-годишниот адвокат стана познат пред повеќе од една деценија со јавно осудување и документирање на, како што рече, распространетата корупција и огромното богатство меѓу „измамниците и крадците“ кои ја сочинуваа елитата на Путиновата Русија.
Многу западни лидери го обвинија Кремљ за смртта на Навални. Тие не презентираа докази, но непријателите на Путин имаат историја на умирање под неразјаснети околности.
Коментарите на Ники Хејли доаѓаат кога таа ги засили критиките кон Трамп, обидувајќи се да го поткопа убедливото водство на поранешниот претседател според сите предизборни анкети.
Putin did this. The same Putin who Donald Trump praises and defends.
The same Trump who said:
“In all fairness to Putin, you’re saying he killed people. I haven’t seen that.” https://t.co/o1v3wBz1t7— Nikki Haley (@NikkiHaley) February 16, 2024
Во посебна објава на „Икс“, Хејли го обвини Путин за смртта на Навални и уште еднаш го нападна Трамп.
„Путин го направи ова. Истиот Путин што Доналд Трамп го фали и брани“, напиша таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Маск ќе поминува помалку време работејќи за администрацијата на Трамп почнувајќи од мај

Извршниот директор на Тесла и близок советник на американскиот претседател Доналд Трамп, Илон Маск, рече дека почнувајќи од мај ќе посвети многу помалку време на водењето на Комисијата за владина ефикасност (DOGE), која Трамп ја основа за да ги намали федералните трошоци.
„Веројатно почнувајќи од следниот месец, почнувајќи од мај, времето што ќе го посветам на DOGE ќе биде значително намалено“, рече Маск на конференцијата посветена на резултатите од првиот квартал на Тесла.
Тој додаде дека од мај ќе му посвети многу повеќе време на Тесла, тврдејќи дека „клучната работа“ на комитетот „во голема мера е завршена“.
Тесла вчера објави полоши од очекуваните резултати за првиот квартал, значително под влијание на соработката на Маск со администрацијата на Трамп.
Продажбата на Тесла ширум светот падна нагло од очекуваното во првиот квартал, со само 336.681 испорачани возила во април, што е пад од 13 отсто на годишно ниво.
„Како што е познато, моето време во владата го направи своето“, рече Маск. „Работата што ја работиме таму е навистина многу важна за контролирање на дефицитот што ја влече нашата земја, Соединетите Американски Држави, кон уништување“, тврди тој.
Тој додаде дека DOGE постигнал голем напредок во елиминирањето на отпадот и измамите и ги обвини „оние кои ги добиваат тие пари“ дека се причина за одмазда против Тесла и напади врз него и поврзаните со него.
Според финансискиот директор Ваибхав Танеја, неоправданото непријателство кон Тесла и нејзините вработени „имало влијание на некои пазари“. И покрај тоа, додаде тој, „успеавме да ги продадеме сите залихи на стари модели во САД, Кина и неколку други пазари во светот“.
Свет
(Видео) Илјадници луѓе се молат за папата Франциско на плоштадот Свети Петар

Илјадници католици присуствуваа на молитвата за папата Франциско на плоштадот Свети Петар во Ватикан во знак на почит на поглаварот на Римокатоличката црква кој почина во понеделникот.
Голем број новинари се собраа во близина на плоштадот, кампуваа да ги следат случувањата околу погребот на папата.
Thousands pray for Pope Francis in St. Peter's Square pic.twitter.com/wm6VVNCC51
— Catholic Arena (@CatholicArena) April 21, 2025
Папата Франциско (88) почина во понеделникот рано наутро од последици на мозочен удар и срцева слабост.
Последното збогување ќе се одржи во сабота на 26 април, по миса што ќе започне во 10 часот по локално време. Ковчегот ќе биде пренесен во базиликата Света Марија Велика во Рим каде ќе биде погребан папата.
Папата е роден во Буенос Аирес на 17 декември 1936 година од родители италијански имигранти. Студирал во Аргентина, а подоцна и во Германија.
Во текот на повеќе од една деценија од неговото папство, папата Франциско се обиде да ја реформира бирократијата на Ватикан, да се справи со корупцијата и да одговори на некои од најитните предизвици на Црквата.
Иако беше пофален за неговата понизност и посветеност на социјалната правда, неговото раководство, исто така, наиде на жестоко противење од конзервативците во и надвор од Црквата.
Свет
Израелската војска: Од Јемен е истрелана ракета кон Израел

Израелската војска во средата објави дека „најверојатно успешно пресретнала“ ракета истрелана од Јемен кон Израел.
Поради лансирањето на ракетата, прогласена е воздушна тревога во Хаифа и уште неколку места на северот на Израел. „Пресретнувачот е лансиран кон проектилот и веројатно успешно го пресретнал“, објави војската на Телеграм.
Од почетокот на војната во Газа, која започна со напад на Хамас врз Израел на 7 октомври 2023 година, Хутите во Јемен поддржани од Иран извршија десетици ракетни и беспилотни напади врз Израел.
Овие напади престанаа со прекинот на огнот кој стапи на сила на 19 јануари, но Хутите ги продолжија нападите откако Израел ја продолжи офанзивата врз Газа на 18 март.