Свет
Николас Мадуро ја откри високата цена за обидот за негов атентат со дрон

Претседателот на Венецуела, Николас Мадуро, обвини припадник на опозицијата за кражба на големата сума пари наменета за неуспешен обид за атентат врз него минатиот август, пренесува „Спутник“.
Мадуро претходно тврдеше дека Колумбија и САД се вклучени во заговор за убиство, што двете земји го негираа. Еден пребеган Венецуелец во март обелодени дека беспилотните летала биле купени во САД и доведени до Колумбија пред нападот.
„Денес знаеме како бил подготвен нападот во Колумбија и кој го финансирал“, рече Мадуро на воената церемонија во Каракас во понеделникот.
„Операцијата за атентатот чинела неколку милиони долари, има шпекулации за сума од 20 милиони долари“, рече Мадуро. „Овие пари“, додаде тој, „исчезнаа бидејќи биле земени од опозицискиот пратеник Хулио Борхес“.
На 4 август 2018 година две вооружени беспилотни летала полетаа за време на воената парада во Каракас додека Мадуро држеше говор. Претседателот го избегна нападот неповреден, но експлозијата, која се случи предвреме, повреди неколку војници.
Мадуро првично ги обвини за нападот Колумбија и САД, двете земји што имаат ледени односи со Венецуела по смртта на Хуго Чавез. И Вашингтон и Богота ги отфрлија обвинувањата.
Малку познатата тајна група наречена „Фланел солџерс“ ја презеде одговорноста за нападот следниот ден велејќи дека снајперисти пукале во беспилотните летала натоварени со „C-4“.
Четири дена по нападот, венецуелскиот Врховниот суд нареди апсење на Хулио Борхес, поранешен шеф на Националното собрание, обвинувајќи го за обид за убиство и предавство во врска со нападот на беспилотни летала.
Борхес, кој живее во егзил во Колумбија, ги отфрли тврдењата како апсурдни и го опиша инцидентот како обид од Мадуро да го одвлече вниманието на населението од влошената социјална и економска ситуација во земјата. Венецуела ја повика Колумбија да го екстрадира Борхес, но Богота му даде статус на бегалец.
Дури во март 2019 година еден од наводните сторители објави информации за операцијата. Неименуван човек, чие лице не беше прикажано, изјави за Си-ен-ен дека беспилотните летала биле купени преку интернет во САД и донесени во изнајмена куќа во Колумбија.
Тој исто така тврдел дека се сретнал со неколку американски официјални лица трипати по нападот. Средбата била договорена за да се соберат и да се проучат информации за операцијата, но сè останало на тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Работата во Газа не е завршена, втората фаза од мировниот договор започнува веднаш

Претседателот на САД, Доналд Трамп, изјави дека работата во Газа не е завршена, бидејќи телата на починатите заложници не се вратени како што беше ветено, објави вечерва „Тајмс оф Израел“.
„Сите 20 преживеани заложници се вратија и се чувствуваат добро, како што може да биде. Тешкиот товар е отстранет, но работата не е завршена. Телата не се вратени, како што беше ветено“, напиша Трамп на социјалната мрежа „Truth Social“.
Договорот потпишан од Израел и Хамас минатата недела значеше дека Хамас ќе ги ослободи сите 48 заложници во рок од 72 часа од стапувањето во сила на прекинот на огнот.
Рокot истече во понеделникot напладне и Хамас ослободи 20 заложници живи, но ги врати само телата на само четворица од 28-те што загинаа во Газа, додека вечерва најави предавање на уште четворица.
Дадениот рок во договорот важи и за телата, пишува „Тајмс оф Израел“, но се чини дека на Хамас му треба повеќе време за да ги лоцира, па затоа е формирана заедничка работна група за да помогне во пронаоѓањето на телата што не се вратени во рок од 72 часа.
„Втората фаза започнува веднаш“, додаде Трамп, алудирајќи на делови од неговиот план од 20 точки за повоено управување и реконструкција на Газа, кој ќе го води преодна влада на палестински технократи и ќе го надгледува мировен комитет со кој претседава американскиот претседател и поранешниот британски премиер Тони Блер.
Првата фаза, според Трамп, вклучува ослободување на заложниците, повлекување на Израел од Газа и обезбедување хуманитарна помош, додека Хамас сè уште не се согласил со втората фаза, која вклучува нивно разоружување.
Фото: принтскрин
Свет
Сикорски: Европа мора да се подготви за „длабок“ руски напад

Полскиот министер за надворешни работи Радослав Сикорски денес предупреди дека Европа мора да биде подготвена за руски напад длабоко на нејзина територија. Тој оцени дека е „неодговорно“ што не гради одбранбени системи како што е „ѕид од беспилотни летала“ на неговото источно крило.
Во Лондон, каде што го претстави иранскиот дрон „Шахед-136“ соборен во Украина, Сикорски ги повика европските земји да „останат доследни“ во својата поддршка за Украина, наведувајќи дека се надева дека американскиот претседател Доналд Трамп ќе ги стави на располагање ракетите Томахавк со долг дострел на таа земја, пренесува Ројтерс.
Тој процени дека снабдувањето на Украина со дополнителна муниција за противвоздушна одбрана, како и оружје со краток и среден дострел, е неопходно за да се помогне во заштитата на Европа, наведувајќи ги како примери упадите на руски беспилотни летала над Полска и борбените авиони над Естонија.
Тој рече дека сè уште не е познато дали беспилотните летала забележани над Копенхаген биле руски.
Запрашан за можноста за проширување на иницијативата „ѕид од беспилотни летала“ за да се спротивстави на идните упади, Сикорски за Ројтерс изјави дека руските напади „за жал би можеле да стигнат длабоко во Европа“.
„Треба да бидеме подготвени да се спротивставиме на тоа и затоа мислам дека би било неодговорно ако не изградиме капацитети против беспилотни летала денес“, рече Сикорски, пренесува Танјуг.
Фото: принтскрин
Свет
Силен земјотрес во Турција

Земјотрес со јачина од 4,1 степени според Рихтеровата скала вечерва ја погоди западна Турција, објави Европско-медитеранскиот сеизмолошки центар (EMSC).
Во соопштението се наведува дека епицентарот на земјотресот бил на длабочина од девет километри.
Засега нема информации за евентуални повредени или штети.