Свет
Нов вооружен инцидент во САД: Девет годишно момче ја затрела својата 13-годишна сестра поради видео игра
Тринаесет годишно девојче во сојузната американска држава Мисисипи загинало кога нејзиниот 9-годишен брат ја застрелал со пиштол, заради видео игра, соопшти полицијата. Според информациите, момчето зело пиштол и ја застрелало од зад грб, откако неговата сестра одбила да му го даде управувачот за играта.
Локалниот шериф објави дека тинејџерката од претрепните повреди во мозокот, починала во болница во Мемфис. Останува нејасно, од каде му било оружјето на момчето, ниту со какви последици ќе се соочи со оглед дека има само 9 години.
Додека се случувал овој ужасен инцидент, мајката на децата, како што пренесе полицијата, била во другата соба и ги хранела другите деца. Полицијата ги истражува околностите за пукањето, вклучително и како оружјето – пиштол калибар 25, се нашол во рацете на толку мало дете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.