Поранешниот генерален секретар на НАТО, Јенс Столтенберг, предложи Украина „привремено“ да направи територијални отстапки кон Руската Федерација со цел што поскоро да се воспостави примирје. Своите ставови ги објасни во интервју за „Табела“, германска медиумска куќа.

Тој нагласи дека дипломатските преговори и компромисот можат да го отворат патот за договор кон прекин на огнот.

„Потребна ни е линија за прекин на огнот, и секако  ова треба да ги вклучи сите области кои моментално се под руска контрола. Но, гледаме дека тоа можеби нема да биде реално остварливо во блиска иднина. Ако линијата за прекин на огнот значи дека Русија продолжува да ги контролира сите окупирани територии, тоа не значи дека Украина мора засекогаш да се откаже од територијата“, рече Столтенберг.

Тој ја истакна важноста за обезбедување безбедносни гаранции за Киев во замена за какви било територијални размислувања како дел од договорот за прекин на огнот. Иако членството во НАТО е опција, поради што Украина денеска испрати своевиден „ултиматум“, тој наведува дека „има и други начини за поддршка на Украина“.

Портпаролката на руското Министерство за надворешни работи, Марија Захарова, денеска праша дали Западот ќе воведе санкции кон Јужна Кореја откако влезот во зградата на јужнокорејскиот парламент беше блокиран, а земјата прогласи воена состојба.

„Што одлучија Литванија, Латвија и Естонија за ова? Дали ќе се воведат санкции против Сеул? Или Јужна Кореја ќе има повеќе среќа од Грузија?“, изјави Захарова на каналот Телеграм.

Јужнокорејскиот претседател Џун Сук-Јол најави воведување воена состојба претходно денеска, „за искоренување на про-севернокорејските сили и заштита на слободата и уставниот поредок“, а активностите на парламентот, политичките партии и здруженијата во Јужна Кореја се суспендирани до нејзиното укинување.

Претходникот на Јун, Мун Џе-ин, од Демократската партија, во објава на мрежата Х рече дека демократијата во земјата е во криза.

„Се надевам дека Националното собрание ќе дејствува брзо за да ја заштити нашата демократија од распаѓање“, напиша тој во објавата.

„Ги замолувам граѓаните да ја заштитат и спасат демократијата со заеднички сили и да му помогнат на Народното собрание нормално да функционира“, додаде тој.

Претседателот на Јужна Кореја, Јун Сук Јеол денеска прогласи воена состојба велејќи дека мерката е неопходна за да се заштити земјата од комунистичките сили.

„Со цел да се заштити либералната Јужна Кореја од заканите од комунистичките сили на Северна Кореја и да се елиминираат антидржавните елементи… прогласувам вонредна воена состојба“, рече Јун во телевизиско обраќање во живо до нацијата обвинувајќи ги опозициските сили за контролирање на парламентот, сочувство со севернокорејскиот режим и парализирање на владата со антидржавни активности“.