Свет
Обилни дождови во Пакистан: поплавени улици, автомобили блокирани од вода
Монсунските дождови во Пакистан го отежнуваат нормалниот живот на жителите во многу поплавени градови вклучувајќи го и градот Равалпинди во провинцијата Пенџаб, јавува „Анадолија“.
Во овој град улиците се поплавени, автомобилите се блокирани од вода, а некои од жителите се обидуваат да се движат со автомобили, мотори и пеш.
Според пакистанското Министерство за животна средина и климатски промени, во оваа сезона на монсуните паднале 87 отсто повеќе дожд отколку минатата година.
Најтешко беа погодени југозападната провинција Балучистан и северниот регион Гилгит-Балтистан, каде што минатата недела дождовите и поројните поплави уништија мостови и куќи, предизвикаа лизгање на земјиштето и ги отсекоа градовите и селата од остатокот од земјата.
Од 11 јуни до 11 јули, 147 лица, меѓу кои 88 жени и деца, загинаа во несреќи предизвикани од обилните врнежи во Пакистан.
Метеоролозите најавуваат продолжување на врнежите до 19 јули, пренесе „Дневен аваз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.