Свет
Објавени морничави сведоштва за злоставување на деца во новозеландските цркви и установи
Околу 250.000 деца, но и ранливи возрасни лица биле злоупотребени во верските и државните установи за нега на Нов Зеланд во последните неколку децении, откри истрагата објавдена денеска.
Внатрешен извештај на Кралската истражна комисија за злоупотреба на деца во државни установи за грижа проценува дека биле злоупотребени до 256.000 деца помеѓу 1950 и 2019 година.
Тој број опфаќа скоро 40 проценти од вкупно 655.000 луѓе сместени во институциите во тој период.
„Траумата и вознемиреноста предизвикана во минатото во Нов Зеланд се непростливи“, рече секретарот за јавни служби Крис Хикинс.
„Сите деца во државните институции треба да бидат заштитени од повреди, но сведочењата премногу често покажуваат дека вистината е токму спротивна“.
Во извештајот се вели дека повеќето преживеани од злоупотребата биле на возраст од 5 до 17 години, но биле злоупотребени и 9-месечни бебиња, како и млади под 20 години. Повеќето страдале од злоупотреба од 5 до 10 години.
Злоупотребата вклучува физички напад и сексуално злоставување. Вработените во некои психијатриски установи ги принудиле машките пациенти да силуваат жени-пациенти. Злоупотребата исто така вклучува несоодветни медицински процедури, како што се електрошокови на гениталиите и нозете, несоодветни физички прегледи на пациенти и вагинални прегледи, вербално малтретирање, расистички навреди.
„Понекогаш ми даваа електрошокови двапати на ден“, раскажува Ана, која била сместена во психијатриска установа на 17-годишна возраст во 1979 година.
„Во документите пишуваше дека ослепев, а потоа тие повторно ми дадоа третман со електрошок“, рече таа во истрагата.
Премиерката Јасинда Ардерн ја најави кралската комисија во 2018 година, велејќи дека земјата треба да се соочи со „мрачното поглавје“ во својата историја, а подоцна го прошири и на црквите и другите верски институции.
Во извештајот се вели дека веројатноста за злоупотреба на деца и млади во верските институции се движи од 21 до 42 проценти.
„Ова е сериозен и долгогодишен социјален проблем што треба да се реши“, се вели во извештајот, додавајќи дека постојат докази дека злоупотребата продолжува и денес.
Извештајот доаѓа по приватните и јавните сослушувања на кои преживеаните храбро сведочеа за физичко и сексуално злоставување.
Еден преживеан од во истрагата изјавил дека тој го возел својот автомобил до карпа во обид за самоубиство за да избегне злоупотреба.
„Не сакав повеќе да живеам. По патот се удрив во оградата. Ако некој само запреше и прашаше зошто, ќе смислев нешто, но не прашаа“, рече тој.
Католичката црква во Аотеароа, Нов Зеланд, соопшти дека ќе го проучи извештајот за да научи како да постапува со поплаки и да спречува злоупотреба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Иран: Непријателите треба да знаат, нашата нуклеарна програма има длабоки корени, не може да биде уништена со воени напади
Шефот на Организацијата за атомска енергија на Иран, Мохамад Еслами, на годишната генерална конференција на Меѓународната агенција за атомска енергија (МААЕ) во Виена изјави дека нуклеарната програма на Иран нема да биде уништена со воена акција. Во исто време, тој ги обвини Израел и Соединетите Американски Држави за нелегални напади врз неговите објекти, пишува Иран Интернешнл.
„Непријателите на Иран треба да знаат дека нашата нуклеарна програма има длабоки корени и не може да биде уништена со воена акција“, рече Еслами во обраќањето пред 69-та Генерална конференција. Тој додаде дека Иран нема да попушти пред политичкиот или воениот притисок и нема да се откаже од своите права.
Шефот на Организацијата за атомска енергија на Иран рече дека соработката на Техеран со МААЕ е „широка и конзистентна“, но ја обвини агенцијата дека не ги осуди она што тој го нарече акти на агресија против нуклеарните објекти на Иран.
„И покрај нашите официјални барања, агенцијата не ги осуди нападите на САД и Израел врз нуклеарните објекти на Исламската Република“, рече тој. „Ова молчење и неактивност ќе останат дамка во историјата на агенцијата“.
Еслами, исто така, ги критикуваше европските напори за активирање на механизам за „враќање“ за повторно воведување на санкциите на Обединетите нации врз Иран, нарекувајќи ги нелегални.
Тој рече дека нуклеарниот договор од 2015 година, официјално познат како Заеднички сеопфатен план за акција (JCPOA), покажал дека дипломатијата може да успее, но тврдеше дека бил поткопан од западните земји. „Денес, на годишнината од JCPOA, гледаме нелегални обиди за активирање на механизмот за враќање“, рече тој. „Овие напори се исмејување на Резолуцијата 2231“.
Еслами, исто така, рече дека израелските напади врз нуклеарните објекти на Иран беа насочени не само кон инфраструктурата, туку и кон самата дипломатија.
„Целта на ционистичкиот режим не е само да ги уништи нашите нуклеарни центри, туку и да го блокира патот кон дипломатијата и мирот“, рече тој. Еслами објави дека Иран ќе поднесе резолуција на конференцијата со која ќе се забранат нападите врз нуклеарните постројки и ќе одржи состаноци со земјите што соработуваат со Техеран.
Фото: принтскрин
Свет
Рубио во Израел: Сите заложници мора веднаш да се вратат дома
Државниот секретар на САД, Марко Рубио, изјави дека сите заложници мора веднаш да се вратат дома и дека Хамас мора да биде „уништена“ како вооружена група.
Зборувајќи на прес-конференција во Ерусалим, Рубио рече дека американскиот претседател Доналд Трамп е сè уште посветен на овие цели, објавува „Тајмс оф Израел“. Рубио, исто така, истакна дека Иран им се заканува не само на Израел и САД, туку и на сојузниците од Персискиот Залив и Европа. Тој рече дека нуклеарниот Иран е „неприфатлив ризик“ за светот.
Рубио го критикуваше Хамас за неговиот „неспоредлив варваризам“ и додаде дека народот на Газа не може да има мир или подобра иднина сè додека Хамас не биде разоружан и сите заложници не бидат вратени дома. „Фокусирани сме на тоа што ќе се случи следно“, рече американскиот државен секретар Марко Рубио, осврнувајќи се на израелскиот напад во Доха минатата недела.
Државниот секретар на САД пристигна во Израел за да му го пренесе на израелскиот премиер Бенјамин Нетанјаху незадоволството на САД од неодамнешниот израелски напад врз Доха, Катар, под изговор дека го напаѓа седиштето на Хамас. Пред состанокот, тој најави дека ќе разговара со Нетанјаху за воените планови на Израел за окупирање на градот Газа, како и за намерата на Израел да анектира делови од окупираниот Западен Брег.
Фото: принтскрин
Свет
Трамп: Важниот состанок со Кина помина исклучително добро, договорот е блиску
Претседателот на САД, Доналд Трамп, објави на својата мрежа Truth Social по трговскиот состанок меѓу САД и Кина во Европа, нагласувајќи дека преговорите поминале исклучително добро и дека е постигнат прелиминарен договор.
„Големиот трговски состанок во Европа меѓу Соединетите Американски Држави и Кина помина многу добро. Договорот ќе биде финализиран наскоро. Постигнавме и договор за компанија што младите луѓе во нашата земја сакаат да ја зачуваат. Тие ќе бидат многу среќни. Ќе разговарам со претседателот Шји во петок. Односот меѓу нашите две земји останува силен“, напиша Трамп на Truth Social.
Аналитичарите веруваат дека Трамп веројатно мислел на „Tик-ток“.
Американскиот министер за финансии, Скот Бесент, потврди дека за време на преговорите во Мадрид е постигнат рамковен договор во врска со оваа апликација, што би можело да овозможи нејзино пренесување во американска сопственост. Деталите ќе бидат разјаснети на претстојниот состанок меѓу Трамп и кинескиот претседател Џјинпинг во петок, пренесуваат медиумите.
Фото: принтскрин
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
