Свет
Одбележување на Денот на човековите права
![](https://makfax.com.mk/wp-content/uploads/2017/04/lugje-redica-1.jpg)
Во светот денеска се одбележува Денот на човековите права. По повод одбележувањето на денот, високата претставничка на ЕУ за надворешни работи и безбедност, Федерика Могерини, рече дека пред 70 години земјите членки на ОН се собраа да ја усвојат Универзалната декларација за човекови права, нагласувајќи дека овој чин го обединил светот по најголемата трагедија во историјата на човештвото, Втората светска војна.
„Оттогаш постигнавме значителен напредок, а Универзалната декларација се покажа како камен-темелник на меѓународното право за човековите права, врз основа на која многу држави имаат изградено силна и еластична структура за заштита на човековите права. Денес бројот на оние што живеат со соодветни човекови права е поголем од кога било досега во историјата на човештвото. Седумдесеттата годишнина од Универзалната декларација е момент да се потсетиме дека човековите права имаа сеопфатно влијание врз нашите општества “, рече Могерини во изјавата што ја даде во име на Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Орбан воведе придонеси за одбрана на банките и големите компании: „Мораме да ја зајакнеме армијата“
![](https://makfax.com.mk/wp-content/uploads/2024/07/ungarska-armija.jpg)
Унгарската влада воведе обврска за банките, енергетиката и мултинационалните компании да плаќаат придонеси за финансирање на одбраната, изјави шефот на кабинетот на премиерот Виктор Орбан.
Унгарија во мај 2022 година воведе дополнителен данок на добивка од 2,8 отсто за банките, осигурителите, малопродажните и енергетските компании, телекомуникациите и авиокомпаниите, велејќи дека ќе ги искористи приходите за поддршка на комуналните услуги и за финансирање на одбраната во услови на скокови на цените поради руската инвазија на Украина.
„Војната се одолговлекува, нема знаци на подобрување на политиката на санкции што ја спроведува Брисел и тоа ќе доведе до драстично зголемување на цените“, рече Орбан во мај 2022 година.
Унгарија ги регулира цените на енергенсите за домаќинствата, па комуналните претпријатија беа под притисок и мора „веднаш да ја зајакнат армијата“, рече унгарскиот премиер, додавајќи дека трошоците ќе се финансираат од данокот на дополнителна добивка што ќе се собира за 2022 година и 2023 година.
Во 2024 година, даночната стапка на дополнителна добивка требаше да се намали од 2,8 на еден процент, при што владата забележа дека инвестициите и истражувањето ќе бидат услов.
Денеска владата објави дека компаниите и оваа година ќе плаќаат дополнителен данок на добивка со стапка од 2,8 отсто, изјави шефот на кабинетот на премиерот Виктор Орбан, Гергели Гуљас.
Свет
Лидерите на самитот на НАТО загрижени за здравјето на Бајден и можното враќање на Трамп
![](https://makfax.com.mk/wp-content/uploads/2024/07/hfgh.jpg)
Европските лидери внимателно ќе го следат американскиот претседател Џозеф Бајден на самитот на НАТО во Вашингтон бидејќи неговиот несигурен настап во ТВ-дебата со ривалот Доналд Трамп ја зголеми веќе постојната загриженост кај Европејците, кои ги гледаат САД како непредвидлив сојузник, пишува „Гардијан“.
Самиот Бајден се надева дека неговата лидерска улога на самитот може да ја спаси неговата кампања од Трамп во услови на бранови загриженост за возраста и за менталната состојба на претседателот.
Некои европски претставници, сепак, изразија загриженост во приватни разговори за неизвесниот јавен настап на Бајден, како и големата веројатност Трамп да добие втор мандат.
Свет
(Видео) Орбан неочекувано се појави во мировна мисија во Кина
![](https://makfax.com.mk/wp-content/uploads/2024/07/orban-kina.jpg)
Кинеските државни медиуми јавија за пристигнувањето на унгарскиот премиер Виктор Орбан во Пекинг. И тој самиот објави на платформата Х, „Мировна мисија 3.0 #Пекинг“, заедно со фотографија со Хуа Чунјинг, заменичка на министерот за надворешни работи на Кина, која го пречека на аеродромот.
Peace mission 3.0 #Beijing pic.twitter.com/DZZFv4qAEH
— Orbán Viktor (@PM_ViktorOrban) July 7, 2024
Подоцна, тој објави и фотографија од средбата со шефот на кинеската партија и држава, Шји Џјинпинг, украсена со хаштагови #HU24EU и #peacemission, со порака дека „Кина е клучна сила за создавање услови за мир во војна меѓу Русија и Украина“.
#China is a key power in creating the conditions for #peace in the #RussiaUkraineWar. This is why I came to meet with President Xi in Beijing, just two months after his official visit to Budapest. #HU24EU #peacemission pic.twitter.com/6UcFkb4ynQ
— Orbán Viktor (@PM_ViktorOrban) July 8, 2024
Кинеската новинска агенција „Ксинхуа“ објави дека Орбан се сретнал со шефот на кинеската држава и партија и дека главна тема била војната на Русија против Украина. Кинеските медиуми исто така објавија дека Шји Џјинпинг се изјаснил за прекин на огнот во Украина и мировни преговори потоа. Ова ќе биде од корист за интересите на сите страни, ги пренесува „Ројтерс“ тврдењата на кинеските државни медиуми.
Меѓународната заедница мора да создаде услови Русија и Украина да влезат во директен дијалог, изјави Шји Џјинпинг, според овие извори, и дека за тоа е потребна „позитивна енергија“. Како тоа треба да се случи и кои актери се важни за тоа, Шји не кажа.
President Xi made it clear to me today that #China will continue its efforts aimed at creating the conditions for #peace. We are not alone!
Peace mission to be continued… pic.twitter.com/TNz1GcwIgB— Orbán Viktor (@PM_ViktorOrban) July 8, 2024
Заедно со Орбан во Кина замина и унгарскиот министер за надворешни работи, Петер Сијарто, за што тој самиот објави на „Фејсбук“. Сијарто првично требаше да се сретне со германската министерка за надворешни работи, Аналена Баербок, во Будимпешта, но средбата беше откажана. Унгарското Министерство за надворешни работи ова го објасни како „непредвидлива промена“ во распоредот на Сијарто, пишува „Дојче веле“.
Во оваа насока, германското Министерство за надворешни работи објави дека „сериозен и искрен личен разговор меѓу двајцата министри за надворешни работи ќе биде важен со оглед на ненадејното заминување на премиерот Орбан во Москва, кое не беше координирано со партнерите“.
Кина е најважниот сојузник на Русија. Народна Република има блиски економски и политички односи со Москва. Затоа се верува дека Пекинг може да влијае на Русија во врска со војната во Украина. Кина сака да се претставува како неутрална во оваа војна. Сепак, западните земји постојано ја обвинуваат дека ја поддржува руската индустрија за оружје, а со тоа и војната во Украина со извоз на важна технологија и опрема.
Пекинг го откажа учеството на неодамнешната мировна конференција за војната во Украина што се одржа во Швајцарија, велејќи дека нема услови за учество на Кина и дека кинеската влада сама ќе работи на постигнување мировен договор. Експертите претпоставуваат дека главната причина за откажувањето на учеството на Кина на конференцијата е фактот што Русија не учествуваше на неа.
Откако Унгарија го презеде претседавањето со Советот на Европската унија на 1 јули, унгарскиот премиер ненадејно отпатува за Киев, за прв пат од почетокот на руската агресија врз таа земја. После тоа, и Орбан ненадејно отпатува за Москва, каде се сретна со рускиот претседател Владимир Путин. Голем број водечки политичари на ЕУ ја критикуваа посетата.
The Russia-Ukraine war, in addition to the loss of lives and terrible destruction, threatens to divide the world into blocs again. It is in Hungary’s interest to maintain open, peaceful and dynamic economic relations with the countries of the world. The countries of the… pic.twitter.com/2HpZus3xoE
— Orbán Viktor (@PM_ViktorOrban) July 6, 2024
Претседателката на Европската комисија, Урсула фон дер Лајен изјави дека соло акцијата на Орбан ја гледа како опасност за кредибилитетот на Европската унија. Германскиот канцелар Олаф Шолц јасно стави до знаење дека Орбан отпатува во Москва како унгарски премиер, а не како надворешнополитички претставник на Европската унија.