Свет
Одбила да го нарече Мексиканскиот Залив „американски“: На агенцијата АП и е забранет влез во Овалната соба и претседателскиот авион

Кабинетот на американскиот претседател објави дека на агенцијата Асошиејтед прес и е забрането влегување во Овалната соба и официјалниот авион на Доналд Трамп, до понатамошно известување, бидејќи одбила да го нарече Мексиканскиот залив „Американскиот залив“.
„Асошиетед прес продолжува да ја игнорира законската промена на географското име во Американскиот залив“, напиша заменик-шефот на кабинетот на Белата куќа Тејлор Бадович во петокот на „Икс“.
Ако првиот амандман на американскиот Устав за слободата на говорот „го штити нивното право на неодговорно и нечесно известување, тој не им ја гарантира привилегијата на неограничен пристап до ограничените простори, како што се Овалната соба и Ер Форс 1“, нагласи тој.
Во иднина, овие простори ќе бидат отворени за илјадници новинари, а новинарите и фотографите на АП ќе продолжат да имаат акредитација за комплексот на Белата куќа, објасни тој.
АП објасни дека декретот за промена на името на Мексиканскиот Залив важи само во Соединетите Држави, додека Мексико и другите земји и меѓународни организации не го признале.
„Асошиејтед прес ќе го нарекува со неговото оригинално име, притоа признавајќи го новото име избрано од Трамп“, додава агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.