Свет
(Од час во час) Британски специјалци обучуваат војници во Киев, на Борис Џонсон му е забрането да влезе во Русија
Од минута во минута ја следиме состојбата во Украина
Клучни настани:
- Утрово и во текот на ноќта во Киев одекнаа нови експлозии
- Руското Министерство за одбрана објави дека руските сили ја уништиле фабриката за оклопни возила во Киев и фабриката за поправка на воена опрема во Николаев
- Кличко: Во синоќешниот ракетен напад врз Киев загина најмалку едно лице
- Германската влада вели дека планира да издвои повеќе од милијарда евра воена помош за Украина
- Припадниците на САС (Special Air Service), најелитната единица на британските специјални сили, обучуваат украински војници во Киев, објави британски „Тајмс“
- Украина речиси целосно одговорила на прашалникот за пристапување во Европската унија
- Забрана за влез во Русија за британскиот премиер Борис Џонсон
Најновите вести:
20:53 Украина: Денеска се евакуирани 1.449 лица
Вкупно 1.449 луѓе се евакуирани од украинските градови денеска преку хуманитарни коридори, изјави Кирило Тимошенко, заменик-шеф на украинскиот претседател.
20:20 (Видео) Русија објави снимка од морнарите од потонатиот брод Москва
Шефот на руската морнарица, адмиралот Николај Евменов, се сретна со членовите на екипажот на потонатиот крстосувач Москва, пренесе агенцијата Тасс.
First footage of the rescued Moskva crew in Sevastopol. No information yet regarding casualties pic.twitter.com/OSSOVHHNg2
— Pjotr Sauer (@PjotrSauer) April 16, 2022
19:40 Зеленски: Ќе ги прекинеме преговорите ако Русите ги елиминираат украинските борци во Мариупол
Украинскиот претседател Володимир Зеленски изјави дека елиминирањето на украинските борци во Мариупол ќе стави крај на преговорите со Русија.
„Сакам да кажам дека елиминацијата на нашата армија, нашите момци, ќе стави крај на сите преговори“, рече Зеленски.
18:00 Село во Шпанија од солидарност го сменило името во Украина
Мирното село Фуентес де Андалузија на југот на Шпанија го промени своето име во Украина во знак на солидарност со погодените од конфликтот на повеќе од 4.000 километри.
На таблата на кружниот тек на влезот во селото, натписот Украина го замени Фуентес де Андалузија, а до него беше насликано сино-жолто знаме, пренесе Ројтерс.
17:33 Советникот на Зеленски: Бараме едно оружје, а ЕУ ни испраќа друго
Клучниот советник на украинскиот претседател Володимир Зеленски и шефот на преговарачкиот тим на Украина е фрустриран од напредокот во трансферот на оружје од Европската унија во Украина.
Михајло Подољак рече дека „Украина, откако побара оружје од Европа, не го доби она што го побара и дека предолго се чека да пристигне“.
1. Ukraine asks Europe for weapons.
2. Europeans support the call for their governments.
3. ?? gives ?? weapons, not the ones we asked for.
4. Weapons take too long to arrive
Democracy won’t win from playing this game. ?? needs weapons. Not in a month. Now.— Михайло Подоляк (@Podolyak_M) April 16, 2022
Рускиот сервис на Радио Слободна Европа (RSE) и Schemes (истражувачки проект на украинскиот сервис RSE) спроведоа истрага за телефонски разговор во кој руска државјанка му кажала на својот сопруг, војник, дека му е дозволено да силува Украинки.
16:40 Ле Пен: Вашингтон да му исплати отштета на Париз ако ЕУ го забрани рускиот гас
САД треба да и’ платат отштета на Франција за загубите доколку ЕУ ги забрани руските дистрибутери на енергија, изјави француската претседателска кандидатка Марин Ле Пен.
„Американците, кои ќе ни продаваат течен гас и од него ќе остварат солидна добивка, би можеле да ги префрлат парите во Франција како компензација за антируските санкции“, изјави Ле Пен за телевизијата БМФ.
Таа истакна дека Вашингтон врши притисок врз руските енергетски дистрибутери.
16:30 Русите проектил погодиле пазарот кај Харков. Едно лице загина, а 18 се повредени
Едно лице загина, а 18 се повредени по руски ракетен напад на пазар во Лисичанск во областа Харков, соопштија украинските пожарникари.
Нападот бил извршен претходно денеска, соопштија спасувачите.
15:17 САД: Украина треба брзо да набави повеќе муниција, се очекуваат тешки борби
Постои зголемена загриженост за потребата од поскора набавка на повеќе муниција, особено артилерија за украинските сили, бидејќи се очекува тешка копнена битка против руската војска во наредните денови, изјави американски претставник.
Соединетите Држави и доставуваат на Украина нови количини на оружје како дел од новата безбедносна помош објавена оваа недела од администрацијата на Бајден, која би можела да биде потрошена во рок од неколку дена, бидејќи украинските сили сега веројатно ќе останат без муниција, вели функционерот, пренесе „Индекс“.
Оксана Марченко, сопругата на опозицискиот украински политичар, Виктор Медведчук, кој неодамна беше фатен во Украина, објави видео во кое им се обраќа на семејствата и пријателите на Ејден Аслин и Шон Пинер, британски доброволци кои неодамна беа заробени од руските сили.
„Во ваша моќ е да побарате од британскиот премиер Борис Џонсон да влијае врз украинското раководство и да ги ослободи Ајден и Шон со тоа што ќе ги размените за украинскиот опозициски политичар уапсен од украинските власти, мојот сопруг Виктор Медведчук“, рече Оксана Марченко.
14:00 Руските напади се интензивираат
Руските сили синоќа ги засилија нападите врз Украина, особено на истокот на земјата, каде се очекува голема руска офанзива. Во текот на ноќта три региони биле особено силно гранатирани – Харков, Доњецк и Луганск, наведуваат украински извори. Освен тоа, Русите рано утринава нападнаа фабрика за оклопни возила во предградието на Киев, соопшти руското Министерство за одбрана.
Експлозии се слушнаа и во Лавов во западна Украина. Според Украинците, Русите истрелале неколку проектили од авионот Су-35, кои биле соборени од украинската воздушна одбрана кај Лавов. Украинците објавија дека одбиле 10 руски напади во Доњецк и Луганск, региони на исток каде се очекуваат најжестоки борби кога ќе започне големата руска офанзива.
Си-Ен-Ен информира дека интензивирањето на нападите може да значи подготовка за голема офанзива во источниот дел на земјата.
13:03 Порошенко: Најкраткиот пат до мирот е испораката на оружје
Поранешниот украински претседател Петро Порошенко апелираше до меѓународната заедница да и обезбеди повеќе оружје на неговата земја и да продолжи со санкциите против Русија поради нејзината инвазија на Украина.
12:50 Кличко: Едно лице загина, а неколку се повредени во ракетен напад врз Киев
Во синоќешниот ракетен напад врз Киев загина најмалку едно лице, објави градоначалникот на главниот град на Украина, Виталиј Кличко.
Повеќе луѓе се повредени и пренесени во болница, каде лекарите се борат за нивните животи, рече Кличко. Градоначалникот на Киев изјави дека од безбедносни причини нема да ја соопшти локацијата на нападот.
11:53 Забрана за влез во Русија за Борис Џонсон и британските министри
Русија му забрани на британскиот премиер Борис Џонсон и на некои членови на неговата влада да влезат во земјата поради, како што е наведено, „непријателскиот однос“ на Обединетото Кралство за војната во Украина.
Покрај Џонсон, забранет влез во Русија добија и британските министри за внатрешни и надворешни работи, одбрана, правда, транспорт и финансии, пренесоа руските агенции Интерфакс и РИА Новости.
11:20 Досега во Хрватска дошле 14.340 бегалци од Украина, главно жени и деца
По руската инвазија, во Хрватска досега влегле вкупно 14.340 раселени лица од Украина, главно жени и деца, покажуваат денешните податоци на Дирекцијата за цивилна заштита.
Најмногу жени дошле во Хрватска од Украина, 7.044 или 49,1 отсто и деца 5.242 или 36,6 отсто и 2.054 или 14,3 отсто мажи.
10:30 (Видео) Русија објави снимка: Погодивме фабрика за оклопни возила во Киев
Руското Министерство за одбрана објави дека руските сили со високопрецизно оружје со долг дострел лансирано од воздух ја уништиле фабриката за оклопни возила во Киев и фабриката за поправка на воена опрема во Николаев.
Портпаролот на руското Министерство за одбрана изјави дека Русите со ракетни напади и артилерија нападнале 811 украински воени цели.
10:00 Украина се приближива кон членството во ЕУ
Украина речиси целосно одговори на прашалникот за пристапување на Европската унија, рече претседателот Володимир Зеленски во видео порака доцна синоќа.
„Работата е речиси завршена и наскоро ќе ги доставиме нашите одговори до претставниците на Европската унија“, рече претседателот Зеленски.
Претседателката на Европската комисија Урсула фон дер Лајен минатата недела во посета на Киев го предаде прашалникот кој служи како почетна точка за Европската унија да започне пристапни преговори.
09:50 Девет нови хуманитарни коридори, од Мариупол може да се излезе само со автомобил
Вицепремиеркатана Украина Ирина Верешчук соопшти дека за денеска се договорени девет хуманитарни коридори за евакуација на цивили, а меѓу нив е и целосно уништениот пристанишен град Мариупол, кој со недели не добива хуманитарна помош.
Можно е да се напушти Мариупол со приватни автомобили, рече таа.
Во изјавата, Верешчук рече дека пет од деветте коридори се договорени за регионот Луганск на исток, кој е под силно бомбардирање.
Руската армија постави мински замки во автомобили и куќи на цивили пред да го напуштат регионот на Киев, тврдат украинските власти.
Началникот на полицијата во Киевската област, Андриј Небитов, извести за голем број инциденти во кои се повредени лица од локалното население, а најмалку едно загинало.
Небитов ги повика граѓаните да избегнуваат области кои не се деминирани, вклучително и шуми и патеки, како и области кои претходно биле под руска окупација.
09:30 Украинска армија: Одбивме 10 руски напади на исток во последните 24 часа
Украинците тврдат дека во последните 24 часа одбиле 10 руски напади во источните региони Доњецк и Луганск. Уништени се три тенкови, еден оклопен транспортер и три артилериски системи, велат Украинците, додавајќи дека заробиле и руски оклопен транспортер.
09:20 Елитни британски специјалци во Киев обучуваат украински војници, пишува Тајмс
Припадниците на САС (Special Air Service), најелитната единица на британските специјални сили, обучуваат украински војници во Киев, објави британски „Тајмс“.
Тие ги учат како да ги користат британските рачни противтенковски ракети NLAW. Ова е првпат од почетокот на руската инвазија, припадниците на британската армија во Украина да ги обучуваат своите украински колеги, пишува Тајмс.
09:10 Германија испраќа 1 милијарда евра воена помош за Украина
Германската влада вели дека планира да издаде повеќе од милијарда евра воена помош за Украина.
Министерот за финансии на земјата, Кристијан Линднер, потврди дека владата одлучила да ја зголеми меѓународната помош за одбранбениот сектор на 2 милијарди евра, а повеќето од нив ќе бидат наменети за Украина како воена помош.
Die Medienberichte sind zutreffend: Im #Ergänzungshaushalt wird die militärische #Ertüchtigungshilfe auf 2 Milliarden Euro angehoben. Die Mittel kommen weit überwiegend der #Ukraine zugute. Der @Bundeskanzler hatte dies frühzeitig angefordert. CL
— Christian Lindner (@c_lindner) April 15, 2022
09:00 Зеленски објави колку украински војници загинале во војната
Украинскиот претседател Володимир Зеленски доцна синоќа и’ се обрати на нацијата, велејќи дека е тешко да се предвиди колку долго ќе трае војната
08:40 Британското разузнавање: Русите ја уништија инфраструктурата, тешко е да се достави помош
Штетата на транспортната инфраструктура на Украина како резултат на руските напади претставува „значаен предизвик“ за секој што се обидува да достави хуманитарна помош во северна Украина, соопшти британското Министерство за одбрана во најновиот извештај на своето разузнавање.
08:20 Утрово и во текот на ноќта во Киев, главниот град на Украина, одекнаа нови експлозии
Градоначалникот на Киев, Виталиј Кличко, објави дека спасувачките служби работат на местото на експлозиите што одекнаа во Дарницки, предградие на Киев, во текот на ноќта и рано утринава.
08:00 ОН: Околу пет милиони бегалци ја напуштија Украина
Повеќе од пет милиони бегалци досега ја напуштиле Украина по руската инвазија, покажуваат најновите податоци објавени од ОН.
Високиот комесаријат за бегалци на ОН (УНХЦР) објави дека повеќе од 4,7 милиони бегалци ги преминале украинските граници, пренесува Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нови откритија за Епстин и елитата: објавени документи за контакти со Бил Гејтс, политичари, принц – тврдел и дека цимерот во затворот сакал да го убие
Американското Министерство за правда објави нови милиони документи поврзани со случајот на Џефри Епстин, со што повторно се отворија прашањата за неговите врски со влијателни личности, околностите на неговата смрт и заштитата на жртвите.
Во објавената преписка, Епстин во 2011 година му пишувал на британскиот политичар Питер Манделсон дека имал „монструозна забава“ со Бил Гејтс во Сиетл. Во документите има и фотографија од Гејтс, кој претходно изјави дека средбите со Епстин биле „голема грешка“ и дека не бил вмешан во нелегални активности.
Дополнително, Хауард Латник, американски министер за трговија во администрацијата на Доналд Трамп и поранешен директор на финансиската компанија Кантор Фицџералд, со години бил сосед на Џефри Епстин на Менхетен. Иако Латник претходно тврдеше дека по една средба го прекинал секој контакт со Епстин, згрозен од она што го видел, новооткриените документи покажуваат дека години подоцна го поканил на донаторска вечера за Хилари Клинтон, објави Си-Ен-Ен.
Според е-пошта од неодамна објавените списи на Епстин, Латник во ноември 2015 година испратил порака до долгогодишната асистентка на Епстин, со која го поканил на донаторска вечера на Демократската партија за Хилари Клинтон, која тој ја организирал.
Не е познато дали Епстин присуствувал на настанот.
Во друг сет документи, Кети Румлер, главна правна советничка во Голдман Сакс и поранешна советничка на Белата куќа во администрацијата на Барак Обама, во преписка од декември 2015 година го нарекла Џефри Епстин „прекрасен“ и напишала дека го „обожава“, објави Си-Ен-Ен.
Од е-поштата произлегува дека во тој период Епстин ѝ резервирал и платил патување во Европа во прва класа.
Документите откриваат и дека Илон Маск во 2013 година разменувал пораки со Епстин и договорил ручек на кој разговарале за „Тесла“. Маск подоцна јавно изјави дека објавите за него се „лажни“, при што беше нагласено дека спомнувањето во документите не значи вмешаност во кривични дела.
Посебно внимание предизвикаа и нови детали за престојот на Епстин во затворот во Њујорк, каде тој тврдeл дека цимерот сакал да го убие. Еден документ содржи сведочење на неименуван затворски капетан, кое ФБИ го забележал во 2019 година. Во него се опишуваат движењата на Епстин во рамки на посебен оддел, како и неговото ставање под надзор поради ризик од самоубиство, како и подоцнежното укинување на таа мерка. Сведокот тврди дека Епстин „не сакал да има цимер“ и дека „се однесувал манипулативно за да го избегне тоа“. Наводно барал и разговори со психолог.
Понатаму се наведува дека околу 23 јули 2019 година Епстин бил „пронајден без свест на подот од својата ќелија, со парче ткаенина на градите“. Постоеле сомнежи дека можеби „глумел несвестица“, бидејќи „било забележано дека ги отвора очите и прави други сомнителни движења кои не се во согласност со несвесна состојба“. Според документот, самиот Епстин тврдел дека неговиот цимер се обидел да го убие.
Во списите стои и дека управникот на затворот советувал Епстин да не биде сам во ќелија и ја нагласил потребата од „проверки на секои 30 минути“ и „ненајавени обиколки“. На денот на смртта на Епстин, 10 август 2019 година, сведокот бил информиран дека затвореникот е пронајден без свест.
Тој изјавил дека бил „изненаден“ кога слушнал дека Епстин во тој момент немал цимер. Подоцна било евидентирано дека „вработените признале дека не ги извршиле обиколките“ во 3:00 и 5:00 часот наутро и дека камерите во тој оддел биле исклучени во времето на смртта на Епстин.
Меѓу откритијата се и е-маилови кои покажуваат дека поранешниот принц Принц Ендру го поканил Епстин на вечера во Бакингемската палата, како и документи за апсењето на неговата блиска соработничка Гислејн Максвел, чија адреса била заведена на злогласиот остров Little St. James.
Свет
Зеленски обвинува: Европа ја остави Украина без противвоздушна одбрана, земјата на работ на целосен мрак
Украинскиот претседател Володимир Зеленски ги обвини европските партнери дека ја оставиле противвоздушната одбрана на неговата земја на цедило, што ѝ овозможило на Русија со балистички ракети тешко да ја оштети енергетската инфраструктура и да ја доведе Украина „на работ на целосен мрак“.
Поради задоцнети уплати од Западот, тврди Зеленски, клучните одбранбени системи „биле неупотребливи“.
Во разговор со новинарите во Киев синоќа, украинскиот претседател изјави дека ракетите-пресретнувачи PAC-3 за системите „Патриот“, кои ги ветиле европските партнери, пристигнале со еден ден задоцнување поради пропуштена уплата. Според неговите зборови, тоа оставило голем број Украинци без струја, греење и вода среде најстудената зима од почетокот на војната.
„Уплатата во рамки на иницијативата PURL не беше извршена. Ракетите не пристигнаа“, рече тој, без да наведе која земја е одговорна за пропустот.
Зеленски, како што изгледа, мислел на рускиот напад од 20 јануари, во кој, според украинските воздухопловни сили, врз Украина биле истрелани 34 балистички и крстосувачки ракети. Муницијата PAC-3 е единствената во украинскиот арсенал што може да соборува балистички ракети.
Тој уште на 16 јануари предупредил дека резервите на муниција за противвоздушна одбрана се опасно ниски, наведувајќи дека до тоа утро неколку системи останале без ракети.
Својот остар говор на Светскиот економски форум во Давос овој месец, во кој ги критикуваше европските сојузници, Зеленски го објасни со фрустрацијата поради неизвршената уплата.
„Русија успеа да го наруши снабдувањето на Киев со струја и вода затоа што нашите единици за одбрана од балистички напади се празни – едноставно празни“, рече тој.
„Обидете се да замислите: знам дека балистички ракети летаат кон нашата енергетска инфраструктура, знам дека системите ‘Патриот’ се поставени и знам дека нема да има струја затоа што немаме ракети за да ги пресретнеме“, ја опиша ситуацијата.
„Во таква ситуација се најдов. И преговарам за ракети PAC-3 кои пристигнуваат еден ден откако бевме доведени на работ на целосен колапс на системот.“
Тој призна дека зборува „емотивно“, но нагласи дека е важно Украина и Европа „да бидат на иста бранова должина за сè да може да биде ефикасно и навремено“.
Иницијативата PURL (Prioritised Ukraine Requirements List) минатата година ја покренаа САД и НАТО, со цел со средства од европските држави да се набавуваат американски системи за противвоздушна одбрана и друго клучно оружје за одбраната на Украина.
Меѓу државите што придонесуваат во иницијативата се Германија, Норвешка, Полска, Холандија, Белгија, Канада, Луксембург, Португалија, Словенија и Шпанија.
Двајца западни функционери запознаени со функционирањето на иницијативата изјавиле дека обвинувањето на Зеленски не е точно, но одбиле да изнесат детали. НАТО не одговори веднаш на барањето за коментар.
Во меѓувреме, високата претставничка на ЕУ за надворешна политика Каја Калас изјави дека европските престолнини „мора да навлезат подлабоко во сопствените резерви на противвоздушна одбрана“, бидејќи Украина оваа зима се соочува со „хуманитарна катастрофа“.
Изјавите на Зеленски доаѓаат во момент кога Кремљ објави дека американскиот претседател Доналд Трамп побарал од рускиот претседател Владимир Путин еднонеделно примирје во нападите врз Киев поради исклучително ниските температури.
Портпаролот на Кремљ, Дмитриј Песков, додаде дека целта на Трамп била „создавање поволни услови за одржување преговори“ меѓу руски и украински претставници во Абу Даби. Кремљ денеска потврди дека Путин се согласил на прекин на огнот до 1 февруари.
Двете страни минатата недела одржаа трилатерални разговори со САД во главниот град на Емиратите, а нов круг треба да се одржи подоцна во февруари. Украинските претставници ја обвинуваат Русија за „енергетски терор“ во време кога администрацијата на Трамп се обидува да поттикне мировни преговори и да ја заврши војната која следниот месец влегува во петтата година.
Самиот Трамп го потврди повикот за време на состанок на кабинетот во четврток.
„Лично го замолив претседателот Путин една недела да не го гаѓа Киев и другите градови и населби за време на оваа исклучителна студенило. И тој се согласи. Морам да ви кажам, тоа беше многу љубезно од негова страна“, рече Трамп.
Во текот на ноќта кон петок, сирените за воздушна опасност во Киев не се огласија, а се чини дека Русија се придржувала до договорот. Украинските воздухопловни сили не забележале напади со ракети или беспилотни летала врз поголемиот дел од земјата, вклучително и главниот град.
Сепак, врз подрачјата околу источните боишта биле лансирани 111 дронови и еден проектил, а засега не е познато дали била целена критична инфраструктура.
Свет
САД објавуваат милиони документи за Џефри Епстин: Над 2.000 видеа и 180.000 фотографии
Американското Министерство за правда го заврши прегледот на документите поврзани со Џефри Епстин и во текот на денот ќе објави повеќе од три милиони страници, изјави заменик-главниот државен обвинител Тод Бланш.
На прес-конференција, Бланш соопшти дека ќе бидат објавени над 2.000 видеоснимки и околу 180.000 фотографии, при што вкупниот материјал изнесува приближно три и пол милиони страници, подготвени во согласност со законот.
Со оваа објава, според Министерството, треба да завршат повеќемесечните тензии меѓу Министерството за правда, федералните судии и дел од пратениците околу тоа дали и како да се објават документите од истрагата против Епстин.
Сепак, останува нејасно дали објавата ќе ги задоволи критичарите, кои тврдат дека ветувањата за целосна транспарентност не биле исполнети, особено во врска со тврдењата за наводна „листа на клиенти“.
Бланш изјави дека Министерството не штитело никого, вклучително и Доналд Трамп, и дека целта била документите да се објават што е можно поотворено. Тој нагласи дека приоритет била заштитата на жртвите, поради што бил потребен темелен преглед на огромниот обем материјали.
Зборувајќи за жртвите на Епстин, Бланш изрази надеж дека објавата на документите ќе им донесе одредено чувство на завршница, истакнувајќи дека нивната болка не смее да се оспори.
Нови откритија за Епстин и елитата: објавени документи за контакти со Бил Гејтс, политичари, принц – тврдел и дека цимерот во затворот сакал да го убие
Американското Министерство за правда објави нови милиони документи поврзани со случајот на Џефри Епстин, со што повторно се отворија прашањата...
Заврши мониторингот за Македонија од страна на Советот на Европа, за Мицкоски тоа е историски момент и признание за нивото на демократија
Премиерот Христијан Мицкоски денеска одговарајќи на новинарско прашање во однос на тоа дека заврши мониторингот за Македонија од страна на...
ССМ следната недела ќе го блокира Собранието: Пратениците ќе мораат на работа пеш и без патни трошоци, ќе ги удриме по џебот како тие нас
Прва институција која ќе ја блокираат работниците како продолжение на протестот за 600 евра минимална плата и зголемување од 100...
Кремљ: Путин се согласи на привремен прекин на огнот
Кремљ соопшти дека рускиот претседател, Владимир Путин, се согласил да ги запре нападите врз украинските градови до 1 февруари. Портпаролот...
Левица: ДПМНЕ со 2,2 милиони денари ја почестиле фирмата на синот на антикорупционерката Ристовска
Само во 2024 година, во рамки на изборната кампања за претседателските избори, една од фирмите на синовите на Цвета Ристовска...
Утре посебен сообраќаен режим во Скопје поради протестниот марш „Стоп за Цементара“
Утре, со почеток во 12:00 часот ќе се одржи протестен марш „Стоп за Цементара“ со траса на движење од пред...
Изгласана Резолуцијата за затворање на постмониторинг дијалогот со Македонија: „Ова е потврда за напредокот на државата“
Во текот на јануарската сесија на Парламентарното собрание на Советот на Европа, на која учествуваат пратениците Иванка Василевска, Беким Ќоку...
Мишел го критикува Руте: Престани да бидеш американски агент и обедини го НАТО
Генералниот секретар на НАТО, Марк Руте, треба да престане да биде „американски агент“ и да го обедини расцепканиот воен сојуз...
Кривична пријава за „проневера во службата“ против претседател на ловечко друштво од Струмица
СВР Струмица до Основното јавно обвинителство Струмица поднесе кривична пријава против 41-годишниот Д.Р. од Струмица, поради постоење на основи на...
Стармер ја посети Кина, односите меѓу двете земји се зајакнуваат; Трамп: Она што го прават е многу опасно
Американскиот претседател Доналд Трамп изјави дека е „многу опасно“ за Велика Британија да соработува со Кина, додека британскиот премиер Кир...
САД се закануваат со царини за увозниците на нафта за Куба: „Очекувам Куба наскоро да пропадне“
Американскиот претседател Доналд Трамп се закани со нови царини за земјите што испорачуваат нафта на Куба, засилувајќи го притисокот врз...
Нова анкета: Довербата во Трамп опадна, поддршката губи и кај републиканците
Една година по неговиот втор мандат, ставовите на Американците за претседателот Доналд Трамп, кои и претходно беа повеќе негативни отколку...
Голем одрон кај село Ратево, магла на патниот правец Тетово – Гостивар
На патниот правец Р-1302 Берово – Струмица (кај село Ратево) поради поголем одрон сообраќајот се одвива по направена девијација во...
(Видео) Русите се предадоа на украински вооружен робот
Додека руската инвазија на Украина влегува во својата четврта година, далечински управуваните копнени роботи стануваат вообичаена глетка на бојното поле....
Мицкоски: Ако заѕиданите пари биле од продажба на нива, што би барале во ѕидот?
Којзнае колку илјадници евра биле заѕидани, изедени и потрошени, ова е последица на антиуставниот имплант СЈО, вели премиерот Христијан Мицкоски....
Грипот стивнува, намалени бројките на новозаболени, но остануваат препораките за маска во простории со многу лица
Институтот за јавно здравје и оваа недела пријави помал број новозаболени од грип и заболувања слични на грип. Директорката Марија...
Брисел ги прифати барањата, возачите се признаени како професионалци, го решаваме проблемот со превозниците, објави Николоски
Вицепремиерот и министер за транспорт и врски Александар Николоски соопшти дека од Брисел пристигнале, како што вели, „одлични вести“ во...
(Видео) Филипче: Техничката влада мора да остане, не се созреани условите за укинување
Претседателот на СДСМ, Венко Филипче истакна дека техничката влада мора да остане затоа што не се созреани условите за нејзино...
Бислимоски и РКЕ очекуваат расчистување на случајот со „Тритерол Петрол“: Постапено е согласно закон
Регулаторната комисија за енергетика, водни услуги и услуги за управување со комунален отпад (РКЕ) и претседателот Марко Бислимоски се отворени...
Мицкоски: Нема да има уставни измени без загарантираните права на Македонците во Бугарија и без гаранции дека нема да се соочуваме со блокади од субјективни причини
На денешната собраниска седница за пратенички прашања премиерот Христијан Мицкоски одговарајќи на пратеничко прашање на пратеникот Скендер Реџепи околу уставните...
