Свет
(Од минута во минута) САД испраќа повеќе артилерија во Украина, Канада воведува санкции за ќерките на Путин
Од минута во минута ја следиме руската инвазија на Украина.
Клучни моменти:
Владимир Зеленски вели дека битката за Донбас е започната
Украина тврди дека руското прегрупирање на исток е завршено и дека е во тек голема офанзива
Путин ја одликуваше бригадата обвинета за масакрот во Буча
Украина објави снимка од уапсен олигарх кој го моли Путин за размена. Русите објавија снимка од уапсени Британци кои бараат замена од Џонсон
Од минута во минута:
21.20 Џозеф Бајден: САД ќе испратат повеќе артилерија во Украина
Американскиот претседател Џозеф Бајден денеска изјави дека САД ќе испратат повеќе артилериски системи во Украина, која се соочува со обнова на руската офанзива на исток
21.00 Ослободени 76 Украинци во размена на затвореници со Русија
Во новата размена на затвореници со Русија ослободени се 76 Украинци, објави Киев, не прецизирајќи го бројот на Русите што ѝ ги предал на Москва
20.50 Речиси 120 цивили денеска го напуштија Мариупол
Речиси 120 цивили, кои живеат во близина на фабриката за челик „Азовстал“, во опколеното украинско пристаниште Мариупол, ги напуштија хуманитарните коридори, објави новинската агенција „Интерфакс“ цитирајќи ја руската државна телевизија
20.40 Ердоган очекува разговори со Путин и Зеленски
Турскиот министер за надворешни работи, Мевлут Чавушоглу, во вторникот изјави дека турскиот претседател Реџеп Таип Ердоган очекува телефонски разговори со рускиот и со украинскиот претседател, Владимир Путин и Володомир Зеленски.
18.45 Земјите од НАТО нема да учествуваат во воените дејствија во Украина
Земјите од НАТО продолжуваат да се придржуваат до ставот дека алијансата не треба да стане страна во непријателствата во Украина, изјави германскиот канцелар Олаф Шолц по телефонскиот разговор со американскиот претседател Џо Бајден и лидерите на Г7 и ЕУ.
18.35 Гутереш повика на четиридневен Велигденски прекин на огнот во Украина
Генералниот секретар на ОН, Антонио Гутереш повика на четиридневен велигденски хуманитарен прекин на огнот во Украина, почнувајќи од 21 април
18.20 Канада воведува санкции за ќерките на Путин
Канада соопшти дека вовела насочени санкции за 14 лица во рускиот режим, вклучително и две ќерки на рускиот претседател Владимир Путин, се вели во соопштението на канадското Министерство за надворешни работи
18.00 Медведев: Треба да бидеме подготвени за можни агресивни дејствија на НАТО
За зајакнувањето на присуството на силите на НАТО на границата со Русија повеќе не може да се разговара фигуративно, а Москва треба да биде подготвена за можни агресивни дејствија, изјави денеска заменик-претседателот на Советот за безбедност на Русија, Дмитриј Медведев
17.45 Русија протера холандски и белгиски дипломати – прогласени се за персона нон грата
Русија протера 15 холандски дипломати и неодреден број белгиски дипломати и ги прогласи за персона нон грата
17.30 Сергеј Лавров: Ние не сме за промена на режимот во Украина, сме кажале многу пати
Русија не се стреми кон промена на режимот во Украина, Украинците сами да одлучат како ќе живеат, изјави денеска рускиот министер за надворешни работи Сергеј Лавров и посочи дека нема да користи нуклеарно оружје во Украина.
17.00 Градоначалникот на Харков: Нема да му дадеме шанса на рускиот агресор да го преземе
Градоначалникот на Харков изјави за Би-Би-Си дека е убеден дека украинските сили ќе го бранат градот. Најмалку три лица загинаа, а 16 се ранети во гранатирањето на вториот по големина град во Украина, изјави регионалниот гувернер.
14:55 Лавров за Зеленски: Многу зборува во зависност од тоа што пиел или пушел
Рускиот министер за надворешни работи Сергеј Лавров даде долго интервју за „Тајмс оф Индија“.
Во него, меѓу другото, најави дека Русија нема да користи нуклеарно оружје во Украина, но и дека специјалната воена операција влегува во втората фаза.
Тој го коментираше и украинскиот претседател Володимир Зеленски. „Многу зборува. Во зависност од тоа што пие или пуши“, рече Лавров за изјавата на Зеленски дека Русија има намера да користи нуклеарно оружје.
Journalist: #Zelensky said #Russia plans to use chemical weapons in Ukraine#Lavrov: “Zelensky says many things, depends on what he drinks or smokes”. Ask you boss, Sergey, on what does he consume? pic.twitter.com/PfY9kjLmUG
— Giorgi Revishvili (@revishvilig) April 19, 2022
13:30 Шојгу: САД имаат намера да се борат до последниот Украинец
САД и западните земји кои ги контролираат прават сè за да ја продолжат специјалната операција на руските вооружени сили и да ја поттикнат борбата до последниот Украинец, изјави денеска рускиот министер за одбрана, Сергеј Шојгу.
Тој на колегиум на военото раководство рече дека зголемените испораки на странско оружје јасно ги покажуваат намерите на западните земји да го испровоцираат режимот во Киев да се бори до последниот Украинец, пренесува РИА Новости.
12:50 Кадиров: До крајот на денот „Азовстал“ ќе биде во наши раце
Чеченскиот лидер Рамзан Кадиров вели дека украинските борци кои уште се борат во Мариупол ќе бидат „докрајчени“ до крајот на денот.
„На радост на сите оние кои чекаат мир и стабилност во Украина, денес, со помош на Семоќниот, ќе завршиме со бандеровците во Мариупол и целосно ќе го заземеме ‘Азовстал’“, посочи Кадиров на „Телеграм“.
12:06 Захарова: Гутереш не се обидел да разговара со Путин
Генералниот секретар на ОН Антонио Гутереш не се обидел да стапи во контакт со рускиот претседател од почетокот на руската воена операција во Украина, рече портпаролката на руското Министерство за надворешни работи, Марија Захарова.
11:47 Политиколог: Луѓето над 50 години полесно веруваат во дезинформациите за Украина
Генерацијата што не се спои со дигиталната ера е најранлива на влијанието на лажните вести, вели Јозеф Холнбургер, директор на германскиот непрофитен центар за мониторинг, анализа и стратегија, кој се занимава со теории на заговор и екстремистичка содржина.
11:15 Нов руски ултиматум за бранителите на Мариупол: Предадете се и ќе останете живи
Русија ги повика украинските борци и странските платеници да ја напуштат металуршката фабрика „Азовстал“ во опколениот град Мариупол до пладне по локално време.
„Ги гарантираме животите на сите оние кои ќе го положат оружјето“, соопшти руското Министерство за одбрана. Претходно денеска проруските сепаратистички сили објавија дека се обидуваат да ja заземат „Азовстал“, пренесе РИА, повикувајќи се на портпаролот на сепаратистите Едуард Басурин.
Од друга страна украинскиот мајор, Серхиј Волјна, командант на 36-та поморска бригада, која и натаму се бори во Мариупол, во отворено писмо побара помош.
„Со тешко оружје може да се спасат бранителите на Мариупол. Мариупол може да се спаси. Подготвени сме да се бориме до последната капка крв, но мора да знаеме дека светот направи сè што е можно. Тогаш можеме да направиме невозможни работи за нашата земја“, посочи тој.
11:04 Трет ден нема договор за хуманитарен коридор
Украина трет ден по ред не може да обезбеди договор со Русија за воспоставување хуманитарни коридори за евакуација на цивилите кои се блокирани во градовите и населбите поради војната, изјави денеска вицепремиерката Ирина Верешчук, пренесува „Ројтерс“.
10:25 Грција заплени руски танкер
Грција заплени руски танкер за превоз на сурова нафта, изјави претставник на грчкото Министерство за поморство.
Пловилото „Пегаз“ под руско знаме со 19 руски членови на екипажот е запленетo во близина на островот Евија.
9:47 Француски министер: Подготвуваме европско ембарго за руската нафта
Францускиот министер за финансии Бруно Ле Мер рече дека се подготвува ембарго на руската нафта на ниво на ЕУ, додавајќи дека и францускиот претседател Емануел Макрон го сака овој потег.
9:44 Сепаратисти: Започна нападот на Азовстал
Претставникот на проруската сепаратистичка милиција од Доњецк, Едуард Басурин за руската телевизија изјави дека, според неговите информации, нападот на Азовстал започнал.
8:57 Јермак: Почна втората фаза од војната во Украина
Шефот на кабинетот на украинскиот претседател, Андриј Јермак денеска изјави дека е започната втората фаза од војната, мислејќи на новиот напад на Русија на истокот на Украина.
8:46 Русите поставија статуа на Ленин во окупиран украински град
Според фотографии објавени на социјалните мрежи, Русите поставиле статуа на поранешниот советски лидер Владимир Ленин во окупираниот украински град Хеническ.
На покривот на зградата може да се види руското знаме.
8:41 Бајден на состанок со сојузниците за украинската криза и воените злосторства
Американскиот претседател Џозеф Бајден денеска преку видеоврска ќе одржи состанок со сојузниците, на кој ќе се разговара за украинската криза, како и за начините за координирање на напорите Русија да биде повикана на одговорност, соопшти Белата куќа.
„Претседателот ќе одржи безбеден видеоповик со сојузниците и партнерите за да разговара за нашата континуирана поддршка за Украина и напорите Русија да биде одговорна во рамките на нашата тесна координација“, се вели во соопштението.
8:33 (Видео) Потресна слика во Ирпин – пронајдени 269 тела, брзо се копаат гробови
Десетици нови гробници беа ископани на гробиштата во предградието на Ирпин и покриени со венци. Придружувани од погледите на неколку нажалени луѓе, работниците набрзина ги закопаа загинатите.
8:20 Русите испратија авион по протераните дипломати – поради забраната леташе по многу подолга рута
Руски авион испратен од Москва да ги земе протераните руски дипломати од Шпанија и Грција бил принуден да лета по обиколна рута, долга 15.000 километри поради забраната за летови кон ЕУ, покажуваат податоците објавени од „Флајт Радар“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп тврди дека Путин се согласил на прекин на огнот, пристигна првата реакција на Зеленски
Претседателот на САД, Доналд Трамп, изјави дека неговиот руски колега, Владимир Путин, се согласил со неговото барање да не се напаѓа Киев и другите украински градови и места една недела.
„Јас лично го замолив претседателот Путин да не го напаѓа Киев и другите градови и места една недела“, рече Трамп на брифинг за медиумите, нагласувајќи дека Украина се соочува со екстремно ниски температури. „И тој се согласи. Морам да ви кажам, тоа беше многу убаво. Многу луѓе ми рекоа – не губете време на тој повик. Но, јас го направив тоа“, додаде тој.
Претседателот на САД не разјасни кога или на кој начин го упатил тоа барање до Путин, ниту на кој датум треба да стапи на сила наводното прекин на огнот. Коментарите на Трамп, исто така, следеа по шпекулациите дека Киев и Москва се согласиле на пауза во нападите врз енергетската инфраструктура на другата страна, иако ниту една страна не ги потврди тврдењата ниту ја коментираше изјавата на Трамп.
Во меѓувреме, украинските воздухопловни сили објавија дека московските сили лансирале повеќе од 100 беспилотни летала во Украина преку ноќ, при што се регистрирани 18 погодоци во различни области.
По објавата на Трамп, се огласи украинскиот претседател Володимир Зеленски.
„Важна изјава од американскиот претседател за можноста за обезбедување безбедносна заштита на Киев и другите украински градови во текот на овој екстремен зимски период. Снабдувањето со електрична енергија е основа на животот. Ги цениме напорите на нашите партнери кои ни помагаат да ги заштитиме животите. Ви благодариме, претседателе Трамп! Нашите тимови разговараа за ова во Обединетите Арапски Емирати. Очекуваме спроведување на постигнатите договори. Чекорите кон деескалација придонесуваат за вистински напредок кон завршување на војната“, напиша Зеленски.
An important statement by @POTUS about the possibility of providing security for Kyiv and other Ukrainian cities during this extreme winter period. Power supply is a foundation of life. We value the efforts of our partners to help us protect lives. Thank you, President Trump! Our…
— Volodymyr Zelenskyy / Володимир Зеленський (@ZelenskyyUa) January 29, 2026
Претходно денес, рускиот министер за надворешни работи, Сергеј Лавров, изјави дека Русија го смета примирјето што го бара украинскиот претседател Володимир Зеленски за неприфатливо.
Претходно, се појавија непотврдени извештаи дека и руските и украинските сили добиле наредби привремено да ги запрат нападите врз енергетската инфраструктура. Информациите беа раширени преку воени блогови и канали на Телеграм, без официјална потврда од Москва или Киев, а беа објавени од „Киев Пост“.
Според про-Кремљ блогерот Владимир Романов, на руските сили наводно им било забрането да напаѓаат инфраструктурни објекти низ цела Украина, вклучувајќи го Киев и неговата околина, како и трафостаници, термоцентрали, хидроелектрани и објекти за складирање гас, нафта и гориво.
Забраната, според овие тврдења, требало да трае до 3 февруари. Во исто време, украинскиот канал Супернова+ објави дека слична усна инструкција наводно стигнала до украинските војници, со повик да не се напаѓа руската енергетска инфраструктура.
Овие извештаи потоа беа поврзани со трилатерални разговори одржани во Абу Даби на 23 и 24 јануари, во кои беа вклучени и САД.
„Фајненшл тајмс“ објави дека се водени разговори за евентуално запирање на руските напади врз украинските енергетски објекти во замена за воздржување на Киев од напади врз руските нафтени објекти и танкери. Сепак, некои украински канали предупредија дека нема конечен договор и дека секоја пауза ќе биде краткотрајна.
Украина се подготвува за екстремен студен бран, при што температурите во некои делови од земјата веројатно ќе паднат на -30 степени Целзиусови во наредните денови.
фото/Depositphotos
Регион
Загреб доделува по 800 евра за новороденче
Градското собрание на Загреб денес на седница донесе одлука за зголемување на финансиската помош за новороденчиња од 600 на 800 евра, за зголемување на рокот за нејзина реализација од шест на 12 месеци по раѓањето на детето, како и посвоените деца да го остваруваат ова право до 15-годишна возраст.
Изменетата одлука за финансиска помош за новороденчиња, која на Градското собрание му беше предложена за усвојување од Клубот на градски советници „Можемо!“ и Клубот на градски советници на СДП, беше усвоена на седницата со 36 гласа „за“, а шест пратеници се воздржаа од гласање.
Опозицијата обвини дека станува збор за социјална, а не за демографска мерка.
Предлогот на владејачките партии во градот наиде на остри критики од опозицијата, која го нарече зголемувањето на финансиската помош за новороденчиња популистичка мерка, и социјална, а не демографска мерка, бидејќи нема да има демографски ефект, иако ситуацијата е „алармантна“.
Претседателот на Клубот на градски советници на HDZ-DP-HSU, Марио Жупан, истакна дека веруваат дека предложениот износ на финансиска помош, особено имајќи го предвид зголемувањето на семејните трошоци, не ги одразува потребите на семејствата со две, три или повеќе деца. За целите на политиката на пронатализам, тие побараа во амандмани финансиската помош за првото дете да биде 900 евра, за второто дете 1.200 и за третото и секое следно дете 1.500 евра, но овие амандмани не беа прифатени – 16 беа „за“, 25 против и еден воздржан.
Тие предупредија дека во Загреб, главниот град на Република Хрватска, во 2024 година се родени 6.862 деца, што е за 1,9 проценти помалку отколку во 2023 година, а пад на новороденчињата е забележан и низ цела Хрватска и Европа.
Пратеникот Томислав Јелиќ од Клубот на градски советници „Једино Хрватска!“, предупреди дека оваа финансиска помош за новороденчиња е „срамно ниска“. Тој рече дека и предлагачите од Можемо! и СДП му потврдија дека станува збор за социјална мерка, што значи дека Градот Загреб воопшто нема демографски мерки, иако ситуацијата е „алармантна“. Тој истакна дека 90 проценти од градовите и општините во Хрватска имаат неколку пати поголеми бенефиции за новороденчиња од Градот Загреб.
Претставникот Јосип Периша од Клубот на градски претставници „Марија Селак Распудиќ – Независна листа“ тврдеше дека зголемувањето од 600 на 800 евра не е доволно и дека тоа е само измама на социјалната политика, со оглед на тоа што основните и суштинските потреби за новороденчето во семејството надминуваат 1.500 евра, а големиот проблем е што нема зголемување за секое следно дете.
фото/ Depositphotos
Свет
Остар пад на цената на златото
Цените на златото и среброто денес забележаа остар пад, по период на силен раст што ги донесе скапоцените метали на рекордни нивоа. Златото падна под 5.300 долари за унца, додека среброто потона од рекорднаta вредност од над 80 долари. Ова е сигнал дека порастот на цените влегол во она што аналитичарите го предупредуваат како „опасна фаза“.
Пресвртот на пазарот ги натера инвеститорите да бидат претпазливи по месеци раст поттикнат од побарувачката од Кина, купувањата од централните банки и геополитичките тензии, пишува Yahoo Finance.
Аналитичарите велат дека корекцијата била очекувана со оглед на брзината и силата на претходниот раст.
„Има сè помалку простор за понатамошен раст на цените на златото и среброто по неодамнешните рекорди“, рече Карстен Фрич, аналитичар во Комерцбанк. „Јасно е дека инвеститорите сè повеќе профитираат, а целиот раст е на стаклени нозе“, додаде тој.
Рајан Мекеј, виш стратег за стоки во TD Securities, се согласува, велејќи дека растот на цените е „одвоен од фундаменталните фактори“. Според неговите зборови, „корекцијата е одамна задоцнета“. Мекеј, исто така, забележува дека физичката побарувачка од Кина и Индија, клучни двигатели на растот, сега „слабее“ поради исклучително високите цени.
Мицкоски: Ако заѕиданите пари биле од продажба на нива, што би барале во ѕидот?
Којзнае колку илјадници евра биле заѕидани, изедени и потрошени, ова е последица на антиуставниот имплант СЈО, вели премиерот Христијан Мицкоски....
Грипот стивнува, намалени бројките на новозаболени, но остануваат препораките за маска во простории со многу лица
Институтот за јавно здравје и оваа недела пријави помал број новозаболени од грип и заболувања слични на грип. Директорката Марија...
Брисел ги прифати барањата, возачите се признаени како професионалци, го решаваме проблемот со превозниците, објави Николоски
Вицепремиерот и министер за транспорт и врски Александар Николоски соопшти дека од Брисел пристигнале, како што вели, „одлични вести“ во...
(Видео) Филипче: Техничката влада мора да остане, не се созреани условите за укинување
Претседателот на СДСМ, Венко Филипче истакна дека техничката влада мора да остане затоа што не се созреани условите за нејзино...
Бислимоски и РКЕ очекуваат расчистување на случајот со „Тритерол Петрол“: Постапено е согласно закон
Регулаторната комисија за енергетика, водни услуги и услуги за управување со комунален отпад (РКЕ) и претседателот Марко Бислимоски се отворени...
Мицкоски: Нема да има уставни измени без загарантираните права на Македонците во Бугарија и без гаранции дека нема да се соочуваме со блокади од субјективни причини
На денешната собраниска седница за пратенички прашања премиерот Христијан Мицкоски одговарајќи на пратеничко прашање на пратеникот Скендер Реџепи околу уставните...
Силувале 13-годишно девојче, ја удирале и навредувале: осомничени четири лица од Неготинско
Јавен обвинител од Основното јавно обвинителство Кавадарци донесе Наредба за спроведување истражна постапка против четири лица за кои постои основано...
Зголемена опасност од лавини на Шар Планина: Националниот парк со предупредување, посетителите да постапуваат претпазливо
Националниот парк Шар Планина информира дека на територијата на паркот во моментов е присутна висока лавинска опасност, особено во деловите...
Стефковски: Општина Гази Баба треба да врати 127 милиони денари за Скопски саем
Градоначалникот на општина Гази Баба Бобан Стефковски се обрати до граѓаните, а по повод пресудата на Апелациониот суд во Скопје...
АХВ доби поддршка: Изградбата на гробишта за домашни миленици претставува решавање на деценискиот проблем
Директорот на Агенција за храна и ветеринарство (АХВ) Оливер Миланов и стручни лица од Агенцијата, неделава одржаа работни состаноци со...
Злоупотреби во Прилепската болница: меѓу обвинетите за проневера и поранешната директорка
Основното јавно обвинителство Прилеп поднесе Обвинителен акт против 8 физички и едно правно лице за продолжени кривични дела – Проневера...
Кривична пријава за „даночно затајување“ против фирма од Струмица и двајца управители
СВР Струмица до Основното јавно обвинителство Струмица поднесе кривична пријава против правно лице од Струмица, В.Ј. (35) и С.П. (44),...
Граѓаните да ги ажурираат своите податоци за „Безбеден град“ на посебниот шалтер во МТВ или во станиците за технички преглед
Министерството за внатрешни работи ги потсетува граѓаните дека на посебниот шалтер во Одделот за граѓански работи, во зградата на МТВ...
Америка сериозно размислува за напади врз Иран, има неколку опции, објави Ројтерс
Американскиот претседател Доналд Трамп разгледува опции против Иран, кои вклучуваат целни напади врз безбедносните сили и нивните водачи за поттикнување...
(Видео) Агентите на Служба за имиграција добија нови инструкции по смртта на двајца Американци: „Избегнувајте контакт“
Агентите на американската Служба за имиграција и царина (ICE) во среда добија нови инструкции да избегнуваат контакт со „агитатори“ додека...
(Видео) Откриено каква течност е употребена за напад врз американската конгресменка
Еден маж е уапсен откако ја испрскал американската конгресменка Илхан Омар со течност за која подоцна се утврдило дека е...
Мерц: Влезот на Украина во ЕУ во 2027 година не доаѓа предвид, тоа не е можно
Германскиот канцелар Фридрих Мерц изјави дека пристапувањето на Украина во Европската Унија во блиска иднина не е можно. „Пристапувањето на...
Индија ги намалува царините за увоз за европски луксузни автомобили
Индија веднаш ќе ги намали царините за луксузни европски автомобили од 110 проценти на 30 проценти според новиот трговски договор...
Поради протест блокирани повеќе гранични премини за влез и излез од државата на товарни возила
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
