Свет
Од Реган до Трамп – кралицата со американските претседатели низ времето

Додека кралицата се подготвува за средба со Џо Бајден, британски медиуми се навратија на некои моменти со фотографии потсетувајќи како нејзиното височество ги забавуваше американските претседатели, од јавање коњи со претседателот Роналд Реган до танцување со претседателот Џералд Форд.
Кралицата и претседателот Хари Труман на Националниот аеродром во Вашингтон, октомври 1951 година
Кралицата и претседателот Џон Ф Кенеди за време на државната вечера во Бакингемската палата, јуни 1961 година
Кралицата и претседателот Ричард Никсон во Бакингемската палата, февруари 1969 година
Кралицата танцува со претседателот Џералд Форд на државната вечера во Белата куќа, јули 1976 година
Кралицата и претседателот Џими Картер во Бакингемската палата, мај 1977 година
Војводата од Единбург, Хилари Клинтон, кралицата и претседателот Бил Клинтон во Бакингемската палата, Ноември 1995
Претседателот Роналд Реган и кралицата јаваат коњи во замокот Виндзор, јуни 1982 година
Кралицата и претседателот Џорџ В. Буш пристигнуваат на официјална вечера во Белата куќа, мај 2007 година
Војводата од Единбург и кралицата ги поздравуваат претседателот Барак Обама и Мишел Обама при нивното пристигнување на приватен ручек во замокот Виндзор, април 2016 година
Претседателот Доналд Трамп и кралицата позираат пред државниот банкет во Бакингемската палата, јуни 2019 година
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.