Свет
Речиси 700 лица приведени за 24 часа во Белорусија поради неодобрени митинзи

Белоруската полиција уапси речиси 700 луѓе во изминатите 24 часа за учество во неовластени митинзи, објави белоруското Министерството за внатрешни работи, пренесува ТАСС.
„Речиси 700 лица се приведени за учество во неовластени масовни собири. Превирањата во земјата не се толку масовни, но нивото на агресија на полицијата останува високо“, се вели во соопштението.
Во меѓувреме, белорускиот Истражен комитет се обрати до граѓаните барајќи помош во потрагата по координаторите на учесниците на масовните немири, новинската агенција „БелТА, цитирајќи ги претставници на агенцијата.
„При прегледот на снимките за видеонадзор истражителите дошле до заклучок дека координаторите професионално ја организирале толпата и ги поттикнале граѓаните на агресивни активности“, посочија претставници на истрагата.
Комитетот исто така објави дека имало вметнати луѓе во толпата, кои го поттикнувале насилството врз полицајците и испровоцирале примена на присилни мерки, а тие самите за време на овие акции стоеле подалеку од местата на конфронтација меѓу граѓаните и интервентната полиција.
Поради тоа, Истражниот комитет јавно побара очевидци на овие настани.
„Ако имате видеоснимки или фотографии од овие лица или ако поседувате информации важни за истрагата за идентитетот на поттикнувачите и на координаторите, ве молиме, известете ги службите во дирекцијата на Истражниот комитет во Минск“, истакна комитетот.
„Само заедно сме во состојба да престанеме со масовните превирања, да осигуриме безбедност за сите и да го вратиме мирот во нашата родна земја“, велат од агенцијата.
Белорусија одржа претседателски избори на 9 август. Според првичните резултати обезбедени од белорускиот Централен изборен комитет, актуелниот претседател на Белорусија, Александар Лукашенко, доби 80,08 отсто од гласовите.
Светлана Тихановскаја, која важеше за негов главен противник, се најде на второ место со 10,09 отсто. Таа изјави дека не ги признава овие резултати сметајќи дека е избрана за шеф на државата и поднесе жалба до Централниот изборен комитет.
По објавувањето на резултатите од анкетите вечерта на 9 август, во центарот на Минск и другите региони во земјата избувнаа протести, што доведе до судири меѓу демонстрантите и полицијата. Протестите продолжија на 10 и 11 август. Како резултат на тоа беа приведени неколку илјади луѓе, а повредени се десетици полицајци и демонстранти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пронајдени се телата на браќата од Хрватска во словенечките Алпи

Словенечките планински спасувачи ја продолжија својата акција утрово под врвот Тошќ, во Јулиските Алпи, каде што вчера лавина затрупа тројца хрватски планинари.
Исчезнатите лица, по кои се трагаше од вчера, за жал се пронајдени мртви, објавува словенечки 24ur. Како што неофицијално дознава словенечкиот медиум, двајца од нив биле браќа.
„Ги пронајдовме двајцата – едниот беше закопан околу еден метар во снегот, а другиот околу метар и пол. Првиот успеавме да го транспортираме во долината со хеликоптер, додека сè уште чекаме транспорт за вториот. Самиот терен е многу тежок бидејќи е карпеста, стрмна клисура со бројни карпести скокови, што ја направи работата опасна и тешка за спасувачите. За жал, ќе кажам дека сите тројца планинари што ги пронајдовме во лавината починаа. Им изразувам искрено сочувство на нивните семејства“, рече тој.
Регион
Се уште трае потрагата по хрватските планинари заробени од лавина на словенечките Алпи

Потрагата по двајцата исчезнати хрватски планинари во Јулиските Алпи продолжи утрово кратко по 7 часот, потврди Словенечката планинска служба за спасување за хрватски Индекс.
Вчера наутро, под врвот Тошќ во Јулиските Алпи беше предизвикана снежна лавина, при што беа затрупани тројца хрватски планинари.
За време на тешкото пребарување и спасување, еден планинар беше пронајден без знаци на живот, додека двајцата мажи сè уште се бараат.
Во потрагата денес е вклучен и хеликоптер.
Екипите веќе тргнаа кон локацијата, но точниот број на вклучени спасувачи сè уште не е познат.
Службата додава дека денешното време дозволува распоредување на хеликоптер, но условите во планините се сè уште нестабилни и постои ризик од нови лавини. Идентитетите на загинатиот планинар и двајцата исчезнати сè уште не се официјално потврдени, но неофицијално хрватските медоуми објавија дека двајцата мажи по кои се трага се браќа.
Шеф на спасувачката служба: Ситуацијата е сложена и опасна
Заменик-шефот на Словенечката планинска спасувачка служба, Клемен Белхар, изјави за ХРТ дека во областа има околу половина метар снег, што не звучи како многу, но создава висок ризик од лавини. Тој додаде дека во планините сè уште има групи алпинисти кои ќе бидат спасени денес и утре.
„Ситуацијата е доста сложена и опасна“, рече Белхар. На прашањето дали има надеж дека преостанатите двајца Хрвати по кои сè уште се трага се сè уште живи, тој одговори: „Секако ќе се однесуваме како да се живи, но колку надеж има, никој не знае“.
Свет
Захарова ја исмеа изјавата на Мерц за руските дронови над Германија

Портпаролката на руското Министерство за надворешни работи, Марија Захарова, одговори со карактеристично остар тон на сугестијата на германскиот канцелар Фридрих Мерц дека Русија би можела да стои зад серијата инциденти со беспилотни летала над Германија, објави рускиот весник „Комерсант“, пренесува „Европска правда“.
Мерц претходно изјави дека верува оти Русија е многу веројатно одговорна за летовите на бројни беспилотни летала забележани над германска територија.
Коментирајќи ја изјавата, Захарова рече дека Германија веројатно ќе ја заврши својата истрага за инцидентите со беспилотни летала во следниот век.
Таа направи паралела со истрагата за експлозиите на гасоводот „Северен тек“, истакнувајќи дека Берлин сè уште не утврдил кој е одговорен, сугерирајќи дека истрагата за беспилотните летала ќе трае исто толку долго.
Изјавите доаѓаат по неодамнешните настани што ги зголемија тензиите. За потсетување, доцна навечер на 2 октомври, аеродромот во Минхен привремено ги прекина операциите поради присуството на едно или повеќе неидентификувани беспилотни летала во негова близина. И покрај инцидентите, германскиот министер за одбрана, Борис Писториус, апелираше до јавноста за смиреност.
Фото: ЕПА