Свет
ОН: Првпат во историјата на Земјата има повеќе старци отколку деца
Големо истражување на Обединетите нации покажа дека животниот век на населението на Земјата е продолжен, но не се раѓаат доволно деца, па, така, на планетата денеска има повеќе стари лица отколку млади потомци, пишуваат британските медиуми.
Кон крајот од 2018 година бројот на лица над 65 години го надминал бројот на помлади од пет години. Во моментот во светот има 705 милиони луѓе постари од 65 години и околу 680 милиони деца до четиригодишна возраст.
До 2050 година разликата ќе биде уште поголема
Научниците предвидуваат дека до 2050 година разликата ќе биде уште поизразена – на едно дете од четири години ќе има две лица постари од 65 години.
Растечкиот јаз, на кој демографите предупредуваат со години, сугерира дека во повеќето земји во светот се живее подолго, но бројот на новороденчиња е помал.
Кристофер Мареј, директор на Институтот за метрика на здравјето при Универзитетот во Вашингтон, предвидува дека во иднина ќе има помалку деца и многу повеќе луѓе над 65 години, што значително ќе влијае на глобалната одржливост на општеството.
Тој потсетува дека во 1960 година стапката на плодност била многу поголема. Во просек на една жена имало по пет деца. Денес, состојбата е сосема поинаква, а стапката на плодност е преполовена на 2,4 деца.
Пониската стапка на раѓања главно е поврзана со економскиот развој – стапката на морталитет кај децата е помала, средствата за контрацепција се подостапни, а одгледувањето и образованието на децата обично се многу скапи. Во развиените земји жените најчесто имаат деца на подоцнежна возраст, а со тоа имаат и помалку деца.
Демографите велат дека социо-економскиот напредок во шеесеттите години ги фаворизирал приновите. Во 1960 година луѓето живееле во просек малку повеќе од 52 години, а просечниот животен век во 2017 година достигнал 72 години.
Постарата популација е помногубројна во развиените земји во светот. Подобриот животен стандард пластично кажано значи дека луѓето во овие земји траат подолго. Најстара популација има Јапонија, каде што просечниот животен век се приближува до бројката од 84 години, што е највисока стапка во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Свет
(Видео) Хаос на првомајскиот протест во Истанбул: Летаa камења, уапсени 210 лица
Бројот на приведени граѓани за време на првомајскиот протест во Истанбул се зголеми на 210, изјави турскиот министер за внатрешни работи Али Јерликаја.
„Приведени се 210 лица кои не ги послушаа предупредувањата и се обидоа да одат на плоштадот Таксим и ги нападнаа нашите полицајци на Денот на трудот и солидарноста, 1 мај во Истанбул“, напиша министерот на платформата „Икс“
Како што јави ТВ каналот ТРТ Хабер, 28 полицајци се повредени кога учесниците на собирот ги нападнале со камења и стапови со знамиња.
На повредените полицајци им била укажана помош во градските болници.
Турската полиција денеска приведе група луѓе кои се обидоа да протестираат на плоштадот Таксим и покрај забраната на владата за првомајски собири, а на неколку претставници на синдикатите им беше дозволен пристап до споменикот на тој плоштад посветен на жртвите од инцидентот на 1 мај 1977 година. кога напаѓач отворил оган кон демонстрантите собрани на тоа место.
Свет
Во Казахстан онлајн се следи судењето на министерот кој до смрт ја претепа сопругата во ресторан
Судењето за убиство на поранешен висок политичар во Казахстан обвинет за претепување на неговата сопруга до смрт го привлече националното внимание и поттикна повици за нова легислатива за справување со семејното насилство. Убиството се случи во ноември минатата година.
За време на судењето на веб-страницата на судот беше прикажано шокантно видео на кое се гледа како казахстанскиот бизнисмен и поранешен министер за економија Куандик Бишимбаев (44) ја тепа својата сопруга во семеен ресторан, пишува „Скај њуз“.
Случајот ја шокираше јавноста бидејќи десетици илјади луѓе потпишаа петиција со која бараат нови закони што ќе спречат вакви случаи во иднина.
Судењето на Бишимбаев е прво во земјата што било емитувано онлајн – што го прави лесно достапно за 19 милиони луѓе во Казахстан. Поранешниот министер веќе беше познат бидејќи во 2018 година беше во затвор поради примање мито. Доби десетгодишна затворска казна, но беше помилуван, па помалку од две години беше зад решетки.
Бишимбаев е обвинет за мачење и убиство на својата сопруга по нејзината смрт во ноември минатата година. Тој со недели тврдеше дека е невин, но минатиот месец пред судот призна дека ја претепал и и’ предизвикал смрт, пишува „Скај њуз“
Неговата сопруга Салтанат Нукенова (31) беше пронајдена мртва во ноември минатата година во ресторан во сопственост на роднина на нејзиниот сопруг.
На вознемирувачко видео од видео надзор се гледа како обвинетиот, татко на четири деца, ја влече својата сопруга за коса, а потоа ја удира со раце и нозе. Жената починала од повреда на мозокот.
Адвокатите на Бишимбаев првично ги оспоруваа медицинските докази кои покажуваат дека Нукенова починала од повеќекратни удари во главата. Таа, исто така, беше прикажана како склона кон љубомора и насилство, иако ниту една од снимките од безбедносните камери на ресторанот прикажани на суд не покажа дека таа го напаѓа сопругот, пренесува Скај.
Според студијата од 2018 година поддржана од UN Women, околу 400 жени годишно умираат како резултат на семејно насилство во Казахстан, иако многу од нив остануваат непријавени.