Свет
(Видео) Орбан неочекувано се појави во мировна мисија во Кина
Кинеските државни медиуми јавија за пристигнувањето на унгарскиот премиер Виктор Орбан во Пекинг. И тој самиот објави на платформата Х, „Мировна мисија 3.0 #Пекинг“, заедно со фотографија со Хуа Чунјинг, заменичка на министерот за надворешни работи на Кина, која го пречека на аеродромот.
Peace mission 3.0 #Beijing pic.twitter.com/DZZFv4qAEH
— Orbán Viktor (@PM_ViktorOrban) July 7, 2024
Подоцна, тој објави и фотографија од средбата со шефот на кинеската партија и држава, Шји Џјинпинг, украсена со хаштагови #HU24EU и #peacemission, со порака дека „Кина е клучна сила за создавање услови за мир во војна меѓу Русија и Украина“.
#China is a key power in creating the conditions for #peace in the #RussiaUkraineWar. This is why I came to meet with President Xi in Beijing, just two months after his official visit to Budapest. #HU24EU #peacemission pic.twitter.com/6UcFkb4ynQ
— Orbán Viktor (@PM_ViktorOrban) July 8, 2024
Кинеската новинска агенција „Ксинхуа“ објави дека Орбан се сретнал со шефот на кинеската држава и партија и дека главна тема била војната на Русија против Украина. Кинеските медиуми исто така објавија дека Шји Џјинпинг се изјаснил за прекин на огнот во Украина и мировни преговори потоа. Ова ќе биде од корист за интересите на сите страни, ги пренесува „Ројтерс“ тврдењата на кинеските државни медиуми.
Меѓународната заедница мора да создаде услови Русија и Украина да влезат во директен дијалог, изјави Шји Џјинпинг, според овие извори, и дека за тоа е потребна „позитивна енергија“. Како тоа треба да се случи и кои актери се важни за тоа, Шји не кажа.
President Xi made it clear to me today that #China will continue its efforts aimed at creating the conditions for #peace. We are not alone!
Peace mission to be continued… pic.twitter.com/TNz1GcwIgB— Orbán Viktor (@PM_ViktorOrban) July 8, 2024
Заедно со Орбан во Кина замина и унгарскиот министер за надворешни работи, Петер Сијарто, за што тој самиот објави на „Фејсбук“. Сијарто првично требаше да се сретне со германската министерка за надворешни работи, Аналена Баербок, во Будимпешта, но средбата беше откажана. Унгарското Министерство за надворешни работи ова го објасни како „непредвидлива промена“ во распоредот на Сијарто, пишува „Дојче веле“.
Во оваа насока, германското Министерство за надворешни работи објави дека „сериозен и искрен личен разговор меѓу двајцата министри за надворешни работи ќе биде важен со оглед на ненадејното заминување на премиерот Орбан во Москва, кое не беше координирано со партнерите“.
Кина е најважниот сојузник на Русија. Народна Република има блиски економски и политички односи со Москва. Затоа се верува дека Пекинг може да влијае на Русија во врска со војната во Украина. Кина сака да се претставува како неутрална во оваа војна. Сепак, западните земји постојано ја обвинуваат дека ја поддржува руската индустрија за оружје, а со тоа и војната во Украина со извоз на важна технологија и опрема.
Пекинг го откажа учеството на неодамнешната мировна конференција за војната во Украина што се одржа во Швајцарија, велејќи дека нема услови за учество на Кина и дека кинеската влада сама ќе работи на постигнување мировен договор. Експертите претпоставуваат дека главната причина за откажувањето на учеството на Кина на конференцијата е фактот што Русија не учествуваше на неа.
Откако Унгарија го презеде претседавањето со Советот на Европската унија на 1 јули, унгарскиот премиер ненадејно отпатува за Киев, за прв пат од почетокот на руската агресија врз таа земја. После тоа, и Орбан ненадејно отпатува за Москва, каде се сретна со рускиот претседател Владимир Путин. Голем број водечки политичари на ЕУ ја критикуваа посетата.
The Russia-Ukraine war, in addition to the loss of lives and terrible destruction, threatens to divide the world into blocs again. It is in Hungary’s interest to maintain open, peaceful and dynamic economic relations with the countries of the world. The countries of the… pic.twitter.com/2HpZus3xoE
— Orbán Viktor (@PM_ViktorOrban) July 6, 2024
Претседателката на Европската комисија, Урсула фон дер Лајен изјави дека соло акцијата на Орбан ја гледа како опасност за кредибилитетот на Европската унија. Германскиот канцелар Олаф Шолц јасно стави до знаење дека Орбан отпатува во Москва како унгарски премиер, а не како надворешнополитички претставник на Европската унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Португалија планира забрана за социјални мрежи за деца под 16 години
Португалија планира да воведе забрана за користење социјални мрежи за деца помлади од 16 години, според предлог-закон поднесен во парламентот по примерот на Австралија и Франција. Со законот се воведува таканаречена „дигитална полнолетност“ на 16 години.
За тинејџерите од 13 до 16 години, пристапот до социјалните мрежи би бил дозволен само со согласност од родителите, а платформите би морале да воведат системи за проверка на возраста и родителско одобрување, усогласени со државниот софтвер.
Предлагачите наведуваат дека научните истражувања покажуваат дека раната употреба на социјални мрежи може негативно да влијае врз социјалниот и когнитивниот развој на децата и да поттикне зависност.
Предлогот е дел од поширок европски тренд за заштита на младите на интернет, откако Австралија воведе ваква забрана, а Франција неодамна изгласа ограничување за деца под 15 години. И други европски земји се залагаат за заедничко решение на ниво на ЕУ.
Свет
Иран изрази подготвеност за преговори со САД за нуклеарната програма
Иран изрази подготвеност за преговори со САД за нуклеарната програма, во време на зголемени воени тензии и засилено американско воено присуство во регионот, пишува Гардијан.
Иранскиот министер за надворешни работи Абaс Аракчи навести дека разговорите би можеле да започнат наскоро, додека американскиот претседател Доналд Трамп изјави дека со Иран се водат „сериозни разговори“.
Според иранската агенција Фарс, претседателот Масуд Пезешкијан дал налог да започнат нуклеарни преговори со САД. Американски и ирански изасланици би можеле да се сретнат во Истанбул, заедно со претставници од неколку арапски и муслимански земји, со цел да се разговара за можен нов нуклеарен договор.
Разговорите доаѓаат по сериозни воени судири и напади врз ирански нуклеарни постројки минатата година, како и по стотици ракетни напади на Израел. САД во меѓувреме распоредија носачи на авиони, воени бродови и борбени авиони во регионот. Трамп бара нов договор со кој би се запрела продукцијата на високо збогатен ураниум.
Истовремено, во Иран расте загриженоста дека евентуален ограничен американски напад би можел да предизвика нов бран протести и дополнителна дестабилизација, додека регионалните актери се подготвуваат за можни сценарија на ескалација.
Свет
Епстин со години се обидувал да дојде до Путин, покажуваат новите документи
Во новообјавените документи на американското Министерство за правда, поврзани со случајот на Џефри Епстин, името на рускиот претседател Владимир Путин се споменува повеќе од 1.000 пати.
Документите содржат бројни електронски пораки во кои Џефри Епстин се распрашува за можноста за средба со Путин и се повикува на лица кои ги опишува како негови блиски контакти.
Во електронска порака од октомври 2010 година, испратена до лице чија адреса е сокриена, тој прашал: „Дали го имаше Путин на својот брод?“.
Подоцна истата година, при поднесување барање за руска виза, наводно напишал: „Дали треба да извадам виза? Имам пријател на Путин, дали него да го прашам?“. Во август 2011 година, на еден бизнисмен од Обединетите Арапски Емирати му напишал дека „Путин можеби доаѓа во САД. Попрво би го видел таму, така што Сочи е малку веројатно“.
Епстин во повеќе наврати му пишувал на Торбјорн Јагланд, тогашен генерален секретар на Советот на Европа и поранешен норвешки премиер, за можноста за средба со Путин. Така, во мај 2013 година му јавил дека Бил Гејтс ќе биде во Париз и додал: „Путин е добредојден да ни се придружи на вечера“.
Во јануари 2014 година го замолил Јагланд да „му објасни на Путин дека на Русија ѝ е потребна понапредна верзија на Биткоин“, а во јули 2015 година напишал дека „сè уште сака да се сретне со Путин и да разговара за економијата“. Во јуни 2018 година напишал дека би „сакал“ да го запознае Путин и понудил средба со рускиот министер за надворешни работи Сергеј Лавров, наведувајќи дека претходно се среќавал со рускиот амбасадор при ОН, Виталиј Чуркин.
Во еден извештај на ФБИ од 2017 година, базиран на доверлив извор, Епстин е наведен како „финансиски советник“ на Путин и на други странски лидери.
Материјалите, кои опфаќаат милиони страници документи, фотографии и видеа, се дел од долготрајната истрага за криминалните активности на Епстин.
„Сè беше легално и со дозволи“: како Македонија учествувала во проектот со мозоци што беше споменат во документите за Епстин
Македонија била вклучена во меѓународен научен проект кој се споменува во документите поврзани со починатиот американски милијардер Џефри Епстин,пишува Дојче...
Вратата кај бината во „Пулс“ служела да излезат малолетниците во случај на полициска рација, сведочи 25-годишниот Петар Марковски
На денешното рочиште за пожарот во кочански „Пулс“ во кој загинаа 63 лица, а над 200 беа повредени, 25-годишниот Петар...
Над 45 милиони денари вратени во државниот буџет; Фетаи: Конфискацијата на нелегално стекнатиот имот дава конкретни и мерливи резултати
Денес се одржа првиот конститутивен состанок на Националниот совет за финансиски истраги и конфискација на имот, со што официјално започна...
Тројца експерти од странство во составот на комисијата за истражување на кардиолошките и кардиохируршките операции, соопшти Министерството за здравство
Странската комисија за истражување на кардиолошките и кардиохируршките операции ја сочинуваат тројца врвни експерти од областа, соопштија од Министерството за...
Нудел 50.000 евра мито за пари од ИПАРД програмата: поднесено обвинение против повеќе лица
По спроведена истражна постапка, јавен обвинител од ОЈО ГОКК денеска до Основниот кривичен суд Скопје поднесе Обвинителен акт против едно...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Не знаеме кого Трендафилов чекал во празна сала, средбата помеѓу премиерот Мицкоски и претставниците на УПОЗ е закажана за во четврток, велат од Владата
Владата, како што соопштија од таму, најостро реагира на обидите за создавање лажна слика за социјалниот дијалог, а во врска...
Владин претставник не дојде во ССМ за зголемување на минималецот: Бегаат од одговорноста како што бегаа цела 2025 година, вели Трендафилов
Со објава на социјалните мрежи утрово претседателот на Сојузот на синдикати на Македонија (ССМ), Слободан Трендафилов извести дека владин претставник...
(Видео) Идентификувани агентите кои го убија Алекс Прети
Владини документи ги открија идентитетите на двајцата федерални полицајци кои го застрелаа и убија Алекс Прети во Минеаполис. Станува збор...
(Видео) Зимската бура во САД не се смирува: стотици илјади луѓе без струја, откажани летови
Тешките зимски услови ги нарушија транспортните и енергетските системи низ САД, приземјувајќи повеќе од 1.200 авиони и оставајќи десетици илјади...
(Видео) Американските ѕвезди на Греми наградите му испратија порака на Трамп: „Ние не сме животни, ICE надвор“
Музичарот од Порторико, Бед Бани, повика на „исфрлање“ на американската Служба за имиграција и царина (ICE) додека ја примаше наградата...
Премиерката Такаичи би можела да оствари убедлива победа на изборите во Јапонија
Партијата на јапонската премиерка Санае Такаичи веројатно ќе обезбеди убедлива победа на изборите за долниот дом на парламентот следната недела,...
Иранскиот демонстрант Ерфан Солтани ослободен со кауција
Иранскиот демонстрант Ерфан Солтани, кој беше уапсен за време на антивладините протести и се стравуваше дека ќе биде осуден на...
Трамп: Мислам дека ќе постигнеме договор со Куба
Американскиот претседател Доналд Трамп изјави дека САД се во дијалог со кубанските власти што би можел да доведе до договор,...
(Видео) Безбеден град денес регистрираше 500 казни
Министерот за внатрешни работи Панче Тошковски вечерва преку објава на социјалната мрежа Фејсбук им порача на граѓаните дека треба да бидат горди...
Бројот на жртви во пожарот во Швајцарија се искачи на 41, меѓу жртвите и 18-годишно момче
Почина осумнаесетгодишно момче кое беше повредено во пожарот во барот во Кран-Монтана, соопшти денеска швајцарската новинска агенција Keystone-SDA, повикувајќи се...
Од денеска во Бугарија задолжително плаќање во евра, левот излегува од употреба
Од денеска, 1 февруари, еврото станува единствена официјална валута во Бугарија, додека левот повеќе нема да биде прифатлив за плаќање...
Мицкоски најави дека ќе се чека уште 11 месеци да стигнат нови камиони на Комунална хигиена
Преку Министерството за транспорт и во соработка со Светската банка ќе се набават 40 нови возила за потребите на ЈП...
(Видео) Сведоштво на мајката и сопруга на уапсените за марихуаната поврзана со Македонија
Членови на семејството Спасојевиќ и нивни соседи се огласија по заплената на повеќе од пет тони марихуана на семеен имот...
Петте тони марихуана откриени кај Крушевац биле набавени во Македонија
Вишиот суд во Белград синоќа им одреди притвор на тројца уапсени по заплената на пет тони марихуана во селото Коњух...
