Американскиот претседател Доналд Трамп синоќа на својата социјална мрежа Truth Social сподели објава во која тврди дека украинскиот претседател Володимир Зеленски „нема да има друг избор освен да ги прифати“ условите на Вашингтон поврзани со договорот за минерали, бидејќи според него Киев не може да издржи војна со Русија без американска поддршка.

Објавата што Трамп ја пренесе првично е напишана од конзервативниот коментатор Мајкл МекКун, а доаѓа само неколку дена по жестоката конфронтација меѓу Трамп и Зеленски во Белата куќа на 28 февруари, која заврши со планираното потпишување на договор за соработка за експлоатација на природните ресурси меѓу САД и Украина.

„Трамп играше како шаховски мајстор. На крајот, Зеленски нема да има друг избор освен да се предаде, бидејќи без американска помош, Украина не може да победи во долготрајната војна против Русија“, се вели во објавата што ја сподели Трамп, пренесуваат медиумите во регионот. Во коментарот се тврди и дека Трамп всушност „ја штити Украина без да ги вовлекува САД во војна“, а самиот договор за минерали е опишан како „генијален потег“.

Конфликтот во Белата куќа се случи откако Зеленски побара безбедносни гаранции за Украина и потсети дека Русија постојано го прекршувала договорениот прекин на огнот, на што Трамп и потпретседателот Џеј-Ди Венс го обвинија дека не е доволно благодарен и дека нема реална позиција.

По средбата Трамп изјави дека Зеленски „не е човек кој сака мир“. „Тој бара нешто што јас не го барам“, им рече Трамп на новинарите и повтори дека Зеленски само сака „ борба“.

Зборувајќи за Фокс њуз, Зеленски ги отфрли обвинувањата на Трамп, велејќи дека Украина е „подготвена за мир, но мораме да бидеме во добра позиција“. „Сакаме мир, затоа дојдов да го видам претседателот Трамп“, рече Зеленски.

Трамп во најавата наведе дека американските деловни интереси во Украина би можеле да бидат доволна безбедносна гаранција, бидејќи секој напад од Русија што ги загрозува американските граѓани ќе предизвика „сериозни меѓународни последици“. „Нападот врз Украина би значел загрозување на животите на Американците – и тоа е нешто што ќе ги принуди САД да реагираат“, тврди Трамп.

По конфронтацијата во Белата куќа, голем број американски функционери и републикански политичари излегоа во одбрана на Трамп, додека продолжија да го критикуваат Зеленски. Некои од нив повторно ја споменаа можноста Зеленски да поднесе оставка.

Претседателот на Претставничкиот дом Мајк Џонсон изјави во интервју за NBC News дека „Зеленски треба да се вразуми и да се врати на масата со поголема благодарност или некој друг ќе мора да управува со земјата“.

Советникот на Трамп за национална безбедност, Мајк Волц, истиот ден изјави дека „На Украина и треба лидер кој може да соработува, да се договори со Русите и да стави крај на оваа војна“.

Еден ден претходно, во интервју за екстремно десничарскиот портал Breitbart News, Валц го спореди Зеленски со „поранешна девојка која се кара за секој збор што го кажувате“.

Лидерот на британската Реформска партија, Најџел Фараж, денеска изјави дека украинскиот претседател Володимир Зеленски треба да потпише мировен договор во спротивно од Русија му се заканува уништување.

Фараж за радио ЛБЦ изјави дека Украина сега е поблиску до потпишување на договорот отколку пред вербалната пресметка во Овалната соба на Белата куќа во петокот додавајќи дека Зеленски треба да се разбуди.

„Всушност, мислам дека нешто добро ќе излезе од настаните во петокот“, рече британскиот политичар и додаде дека Зеленски ќе го потпише договорот.

Четиринаесетгодишно девојче заврши во болница по напад во берлинската населба Нидершонвеиде. Според извештајот на берлинската полиција, група од девет лица ја нападнале малолетничката во саботата доцна вечерта на паркинг во Шнелерштрасе по претходна расправија, пишува „Цајт.де“.

Според досегашната истрага, напаѓачите ја принудиле девојката да клекне на земјата и да му ги бакне рацете и чевлите на еден од напаѓачите. Осомничениот ја удрил со нога по лицето, а потоа другите членови на групата почнале да ја клоцаат и тепаат девојката додека таа беспомошно лежела на земјата.

Полицијата наведува дека еден од напаѓачите го снимал целиот инцидент со телефон, а мобилниот телефон на жртвата бил одземен и фрлен во блиската река Шпре.
Во нападот малолетничката добила повреди на лицето и болки во зглобот и нозете. По инцидентот, таа била пренесена во болница на амбулантско лекување.

Берлинската полиција интензивно работи на откривање на идентитетот на сите осомничени, кои засега се непознати. Истрагата за околностите и мотивите на нападот се во тек.