Свет
Откриена пораката што Епштајн ја испратил неколку часа пред смртта
Осудениот педофил, Џефри Епштајн, испратил СМС порака само неколку часа пред да изврши самоубиство во затвор, тврди авторот Мајкл Волф.
Тој беше во поправниот центар во Њујорк на 9 август 2019 година, кога ја испратил шокантната порака. Следното утро тој бил најден мртов, а сега се појавија бројни теории дека бил убиен за да ги заштити своите богати и моќни клиенти.
Авторот Мајкл Волф, кој исто така напишал книги за американскиот претседател Доналд Трамп, откри дека бил во контакт со Епштајн пред неговата смрт.
„Верувам дека ја добив последната порака од него пред да почине. Тоа беше одговор на моето прашање за тоа како е, тој само испрати: „Сè уште сум тука“, откри Волф.
Она што многумина го протолкуваа како „шега за самоубиство“, бидејќи пораката во оригиналот гласи „”still hanging around”, што во буквален превод на значи „сè уште висам“, му беше проследено на Волф преку адвокатот на Епштајн околу девет часот навечер.
Волф рече дека се сретнал со Епштајн во 2014 година, кога осудениот педофил го замолил да напише книга за него. Иако Волф одбил, тие останале во контакт.
Часови откако Волф ја примил пораката, Епштајн бил пронајден обесен во неговата ќелија.
ФБИ го објави видеото од ќелијата
ФБИ неодамна објави видео кое наводно докажува дека Епштајн се самоубил. Сепак, дополнителни шпекулации беа предизвикани од фактот што ФБИ и Министерството за правда на САД сега тврдат дека не постои „список на Епштајн“, односно список на неговите клиенти.
Главниот обвинител на САД, Пам Бонди, како и директорот на ФБИ, Кеш Пател, претходно тврдеа дека списокот постои и наскоро ќе биде објавен.
Објавеното видео го прикажува Епштајн како го води чувар во ќелија.
Но, на видеото му недостасува една минута помеѓу 11:59 и полноќ, што предизвика повеќе контроверзии и мистерија.
Братот на осудениот педофил не ѝ верува на администрацијата на Трамп
Братот на Епштајн, Марк, рече дека не верува во она што го објави администрацијата на Трамп.
Тој рече дека изјавата на директорот на ФБИ, Пател, била „глупава“ бидејќи не бил во собата кога била извршена обдукцијата.
„Сега, дали Каш Пател бил во таа соба за обдукција? Не. Дали Каш Пател бил во затвор кога го пронашле Џефри? Не, не мислам така, а ако бил таму, тоа поставува уште поголемо прашање“, рече братот на Епштајн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се урна седумкатница во Турција, меѓу загинатите има дете
Седумкатна зграда се урна денеска во северозападниот турски град Гебзе, при што загинаа две лица, а тројца други беа повредени. Службениците потврдија дека сите пет жртви се од исто семејство, објави Euronews. Според државниот радиодифузер ТРТ, станува збор за 43-годишен маж, 37-годишна жена и нивните три деца.
Gebze'de çöken binada 18 yaşındaki Dilara, 8 saat sonra enkaz altından sağ olarak çıkarıldı. https://t.co/z3NhGJtWw4
— Söylenti Haber (@soylentihaber) October 29, 2025
Гувернерот на Гебзе, Илхами Акташ, потврди дека спасувачите го извлекле телото на 12-годишниот Мухамед Емир Билир од урнатините, додека идентитетот на второто починато лице сè уште не е утврден. Стотици вработени во Агенцијата за управување со катастрофи и вонредни состојби (AFAD) беа вклучени во спасувачките операции на местото на несреќата.
Според државната агенција Анадолија, причината за уривањето на зградата во моментов е непозната. Сепак, градоначалникот на Гебзе, Зинур Бујукгоз, им изјави на локалните новинари дека се сомнева дека блиската метро станица може да биде причина.
Овој инцидент се случи само неколку дена откако земјотрес со јачина од 6,1 степени ја погоди западна Турција во понеделникот. Земјотресот предизвика уривање на три згради и една двокатна зграда во градот Синдирги, но официјалните лица разјаснија дека овие згради биле ненаселени по штетите во претходниот земјотрес.
Иако немаше жртви во урнатините на зградите, 22 лица беа повредени во падови предизвикани од паника, потврди Исмаил Устаоглу, гувернер на покраината Баликесир. Земјотресот во понеделник е регистриран во 22:48 часот по локално време на длабочина од речиси 6 км и е почувствуван во Истанбул и околните покраини.
Експертите повторно ги повикаа турските власти да ги спроведуваат модерните градежни прописи, велејќи дека непочитувањето претставува значителен ризик. Во јануари, две лица загинаа откако се урна четирикатна зграда во Коња, а сопствениците на продавници се судат за наводно отстранување на потпорни столбови.
Фото:принтскрин
Свет
Израел изврши нов напад врз Газа
Израелската армија започна нов напад врз Газа, дополнително зголемувајќи ја загриженоста за кревкото примирје со Хамас. Израелските одбранбени сили (IDF) објавија дека целта им била „терористичката инфраструктура“ во областа Беит Лахија во северниот дел на Појасот Газа, објави Sky News.
IDF тврди дека локацијата служела како складиште за оружје „наменето за извршување непосреден терористички напад врз војниците на IDF“.
„Војниците на IDF во Јужната команда остануваат распоредени во согласност со договорот за прекин на огнот и ќе продолжат да работат за да ја елиминираат секоја непосредна закана“, рече портпаролот. Во меѓувреме, жителите на градот Газа пријавија дека слушнале експлозија и виделе облак од чад.
🎯STRUCK: A terrorist infrastructure site in Beit Lahia, northern Gaza, storing weapons and aerial means intended for an imminent attack on IDF soldiers and the State of Israel.
IDF troops in the Southern Command remain deployed under the ceasefire agreement and continue to… pic.twitter.com/WYhRwdAU2k
— Israel Defense Forces (@IDF) October 29, 2025
Нападот се случи откако израелските напади во текот на ноќта убија најмалку 104 лица, вклучувајќи 46 деца, според болнички службеници.
Премиерот Бенјамин Нетанјаху нареди напади откако израелски функционер објави дека војниците биле нападнати во јужна Газа. Израел соопшти дека еден војник бил убиен од „непријателски оган“ во градот Рафа во вторник попладне.
Хамас негираше каква било вмешаност во пукањето во Рафа и ја повтори својата посветеност на прекинот на огнот. Ескалацијата се случи и откако Хамас во понеделник предаде делови од тела за кои Израел вели дека му припаѓаат на заложник чии останки биле делумно пронајдени претходно во конфликтот.
По последните напади, израелската војска соопшти дека ќе продолжи да се придржува до договорот за прекин на огнот, но додаде дека ќе одговори решително на „секое кршење“.
Американскиот претседател Доналд Трамп нагласи дека и покрај новото насилство, прекинот на огнот останува на сила, велејќи дека „ништо нема да го загрози“.
Тој додаде дека Хамас вети дека ќе се придржува до него.
Свет
Калас ги осуди белоруските провокации во Литванија, се закани со дополнителни санкции
Европската унија денес ги осуди „постојаните и провокативни“ дејствија на Белорусија за испраќање балони во литванскиот воздушен простор, што влијаеше на стотици летови и предизвика значителни загуби за аеродромите.
„ЕУ остро ги осудува постојаните и провокативни дејствија на Белорусија против ЕУ и нејзините земји-членки, кои се неприфатливи и се спротивставуваат на претходните изјави на (белорускиот претседател Александар, оп. а.) Лукашенко за подобрување на односите со ЕУ“, се вели во соопштението издадено од високата претставничка за надворешна и безбедносна политика Каја Калас во име на Европската Унија.
Литванија соопшти дека балоните ги испраќаат шверцери на цигари и го обвини белорускиот претседател Александар Лукашенко, близок сојузник на рускиот претседател Владимир Путин, за тоа што не ја спречил практиката.
Литванската премиерка Инга Ругиниене ги нарече инцидентите „хибридни напади“ и најави дека граничните премини со Белорусија ќе бидат затворени за сите освен за дипломати и граѓани на ЕУ што ја напуштаат соседната земја.
Каја Калас во изјава рече дека упадите со балони ризикуваат дестабилизирање на земја-членка на ЕУ и се обид за заплашување на европските граѓани со директни закани за цивилното воздухопловство.
„Овие балони не се само алатки за шверц, туку се одвиваат во контекст на поширока насочена хибридна кампања, заедно со други активности што вклучуваат државно спонзориран шверц со мигранти. Сите овие активности мора веднаш да се запрат. Го повикуваме белорускиот режим без понатамошно одложување да усвои ефикасни мерки за контрола на својот воздушен простор, националните граници и територии, како и да се бори против организираните криминални активности и да ги спречи“, вели шефицата на европската дипломатија.
„ЕУ изразува целосна солидарност со Литванија и сите други земји-членки погодени од хибридните активности на Белорусија. Санкции се воведени врз белорускиот режим, а ЕУ е подготвена да преземе понатамошни соодветни мерки доколку ваквите дејствија продолжат. Нема да толерираме никакви хибридни кампањи насочени против ЕУ или која било од нејзините земји-членки“, изјави Каја Калас.

