Свет
Папата, СЗО и НАТО меѓу номинираните за Нобеловата награда за мир
Британскиот новинар и натуралист Дејвид Атенборо, Светската здравствена организација и белоруската дисидентка Светлана Тихановскаја се меѓу номинираните за годинешната Нобелова награда за мир по добиената поддршка од норвешки пратеници што имаат искуство во изборот на добитникот.
Меѓу кандидатите за ова признание се и Грета Тунберг, папата Франциско, владата на национално единство на Мјанмар, која беше формирана од противниците на минатогодишниот пуч и министерот за надворешни работи на Тувалуа, Сајмон Кофе, се наведува во соопштение на норвешките пратеници, а пренесува „Ројтерс“.
За наградата номинирани се и рускиот дисидент Алексеј Навални, кој е во затвор, Меѓународниот кривичен суд во Хаг, „Викиликс“ и Челси Менинг, НАТО, хуманитарната организација CARE, иранската активистка за човекови права Масих Алинеџад и Арктичкиот совет, кој е меѓувладин форум за соработка на арктичките земји.
Илјадници луѓе во светот, од членови на парламентот до поранешни добитници на оваа награда, имаат право да номинираат кандидати.
Меѓутоа, норвешкиот комитет за Нобеловата награда, кој одлучува кој ќе ја добие наградата, не ги коментира номинациите држејќи ги во тајност имињата на предлагачите и оние што не успеале цели 50 години.
Победникот за 2021 година ќе биде објавен во октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.