Свет
Пациентка со коронавирус избега од московската болница, лекарите бесни поради несовесното однесување

Се чини дека некои Русите навистина не сакаат да бидат ставени во карантин поради Ковид-19. По популарното бегство од болницата во Санкт Петербург минатиот месец, една московска пациентка решила да го следи примерот, пренесува РТ.
„Очигледно незагрижена дали ќе зарази некој друг во главниот град, една жена за која се верува дека има коронавирус избегала од медицинска установа“, вели Денис Проценко, главен лекар во московската болница „Комунарка“.
„Морам да се справувам со несовесното однесување на хоспитализирани пациенти, кои не ги разбираат ситуацијата и опасноста од ширење на Ковид-19 во градот“, рече тој.
Проценко исто така ги замоли жителите на Москва да покажат граѓанска свест.
„Најлошо е што од моментот на неовластено заминување до нивното откривање од страна на полицијата ваквите пациенти претставуваат биолошка закана за ширење на вирусот. Уште еднаш ги повикувам нашите пациенти да бидат опуштени и посвесни и ние ќе продолжиме да работиме за вас“.
Според извештаите на медиумите, жената на крајот била вратена на лекување. Полициски извор за московскиот весник РБЦ изјави дека полицијата ја пронашла пациентката во својот стан во западниот дел од Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Би-би-си: Новиот германски лидер навести сеизмички промени во трансатлантските односи

Фридрих Мерц, кој сигурно ќе биде новиот германски канцелар, не ги дочекал конечните резултати од изборите за новиот Бундестаг одржани во неделата за да најави нова ера во Европа, јавува денеска Би-би-си.
Прогласувајќи ги Соединетите Држави за рамнодушни кон судбината на европскиот континент, Мерц ја доведе во прашање иднината на НАТО и побара Европа да ја зајакне својата одбрана, и тоа брзо, според анализата ден по сојузните парламентарни избори во Германија, на кои синдикатот на Мерц, ЦДУ/ЦСУ, освои најмногу гласови.
„Ваков тон од устата на близок сојузник на САД – Фридрих Мерц, кој инаку е познат како страствен атлантист – би бил незамислив пред само неколку месеци. Ова е сеизмичка промена. Тоа може да се протолкува како претерување, но она што во моментов го доживуваме во трансатлантските односи е без преседан од крајот на 80-те години на британските медиуми“, нагласуваат од британските медиуми.
На третата годишнина од рускиот напад врз Украина Мерц повика Киев да се вклучи во мировните преговори.
Најверојатниот кандидат за иден германски канцелар ја потврди својата континуирана поддршка за Украина.
Свет
Трудо: Војната на Русија во Украина е војна против демократијата, вистината и правдата

Канадскиот премиер во заминување Џастин Трудо денеска изјави дека руската војна против Украина претставува „војна против нашиот начин на живот, војна против демократијата, против владеењето на правото и самоопределувањето, војна против правдата, војна против вистината“.
Зборувајќи во Киев на третата годишнина од почетокот на војната, Трудо ги осуди, како што ги нарече, „гнасните воени злосторства“ на Русија, пишува „Гардијан“.
„Украинците ги загубија животите борејќи се храбро за својата земја, децата беа одземени од нивните семејства, домови и заедници, што е грозоморно воено злосторство“, рече тој. Трудо додаде дека воените заробеници биле изложени на насилство од страна на руските војници.
„Украинците ќе триумфираат затоа што Украинците се борат за она што е исправно, но тие не можат и не треба да го направат тоа сами“, рече Трудо. Вкупно 37 државни лидери ќе учествуваат на самитот во Киев, кој украинскиот претседател Володимир Зеленски го нарече „пресвртница“, од кои 13 ќе присуствуваат лично, а 24 преку видео врска, според УНИАН.
Свет
Путин телефонски го информирал кинескиот претседател за преговорите со САД

Кинескиот претседател Си Џинпинг денеска телефонски разговарал со неговиот руски колега Владимир Путин, јави кинеската државна телевизија CCTV.
Како што се наведува, разговорот бил воден на иницијатива на руската страна.
Портпаролот на Кремљ, Дмитриј Песков, претходно најави дека рускиот претседател денеска ќе оствари меѓународен телефонски разговор во контекст на информирање на руските партнери за преговорите со САД во Ријад.
„Минатата недела претседателот зборуваше за неговата намера да информира голем број земји-партнери за контактите со Американците. Според тоа, овој процес започна денеска“, изјави Песков за новинарите.