Свет
Педофил патувал од едниот до другиот брег на САД за да киднапира девојче

Педофил од американската држава Вирџинија е обвинет за киднапирање 12-годишно девојче. Според Си-eн-eн, 40-годишниот Нејтан Даниел Ларсон моментно е во затвор во Денвер, а шерифот од округот Фресно изјавил дека тој управувал со веб-страница што охрабрува силување деца и објавување такви фотографии и снимки.
Ларсон се запознал со 12-годишното девојче, кое живее на округот Фресно, преку социјалните мрежи во октомври, а за време на два месеца манипулација, тој ја убедил да му испрати свои разголени фотографии. Минатата недела летал кон Фресно и го убедил девојчето да се прикраде од куќата околу 2 часот по полноќ, а потоа повикал такси, со кое стигнале до аеродромот.
Ларсон му ставил перика на девојчето и му речол да се однесува како да е немо за да не разговара со никого.
Полицијата подоцна тој ден објави дека девојчето го нема, а кога детективите дознале дека киднаперот и девојчето се качиле во авион за Вашингтон со трансфер во Денвер, тие контактирале со тамошните власти и побарале да го проверат Ларсон. Полицијата во Денвер го уапси киднаперот, а агентите на ФБИ го спасија девојчето, кое не е повредено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Руски научници развија ново соединение за борба против ракот

Експерти од Државниот универзитет во Мари и Федералниот истражувачки центар Уфа при Руската академија на науките, развија ново хемиско соединение кое би можело да стане основа за создавање иновативни лекови против тумори, објави Министерството за наука и образование на Русија.
Ова соединение делува селективно на туморските клетки, речиси без да ги оштети здравите клетки, а неговата молекуларна структура комбинира фенотијазинска и трифенилфосфониумска група.
Благодарение на оваа комбинација, соединението ја таргетира „слабата точка“ на туморските клетки – митохондриите и ја нарушува нивната работа, објавува РИА Новости.
„Резултатите од истражувањето покажаа дека новото соединение ефикасно го потиснува растот на разни малигни клетки, вклучувајќи рак на црниот дроб, аденокарцином на белите дробови, колоректален карцином и леукемија. Активноста се манифестира дури и при ниски концентрации, што го прави соединението особено ветувачко за развој на лекови“, рече Константин Белослудцев, доктор по биолошки науки и проректор за иновации на Државниот универзитет во Мари, објавува Танјуг.
Како дополнителна предност, Белослудцев ја истакна едноставноста на синтезата на соединението, што овозможува негово производство во доволни количини за претклинички и клинички испитувања. Овие студии се спроведени во рамките на програмата „Приоритет 2030“, пренесува медиумот.
Свет
Стаб: Се надевам дека кај Трамп набргу ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинската држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание по слични најави од Франција и Велика Британија, пренесува „Ројтерс“.
„Ставот на федералната влада е јасен во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин