Свет
Пекинг вети возвратни мерки откако Австралија откажа кинески проект во Викторија
Кинеското Министерство за надворешни работи ја критикуваше одлуката на Австралија да го раскине договорот во рамките на „Белт енд роуд“ потпишан меѓу Кина и австралиската држава Викторија, означувајќи го потегот на Канбера како историски пресврт во билатералните односи, пренесува РТ.
Ванг Венбин, портпарол на кинеското МНР, изјави дека Пекинг има намера решително и силно да возврати на потегот на Канбера да го поништи проектот на иницијативата „Белт енд роуд“ на Кина во Викторија, повикувајќи ја Австралија веднаш да ја повлече својата одлука и додавајќи дека односите меѓу двете земји веќе се соочуваат со тешкотии и ќе продолжат да страдаат поради овој потег.
Ванг рече дека првичниот договор со Викторија, кој беше договорен со меморандум за разбирање во 2018 година, е позитивен потег во односите на двете земји. Сепак, тој тврди дека одлуката на Канбера да го откаже договорот во средата сериозно ја нарушува заемната доверба.
Иницијативата „Белт енд роуд“ е проект вреден повеќе милијарди долари, кој се обидува да ги подобри глобалните трговски патишта и предвидува кинески инвестиции во регионални и национални инфраструктурни проекти, од пристаниште во Пакистан до хидроелектрични проекти во Уганда.
Иако договорот не беше финализиран со Викторија, проектот ќе значеше поголемо учество на Кина во развојот на инфраструктурата на државата, како и отворање нови области на соработка околу производството, биотехнологијата и земјоделството.
Во средата австралиската министерка за надворешни работи, Мариз Пејн, ги искористи своите овластувања да го ревидира и откаже проектот во Викторија.
Односите меѓу двете земји многу се влошија во текот на минатата година, поттикнати од повикот на австралискиот премиер Скот Морисон за независно истражување на изворот на пандемијата со Ковид-19 и одлуката за отфрлање на кинеските фирми од проектите за 5Г во земјата.
Кина возврати со воведување царини за виното и земјоделските производи од Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Вуледар падна, Русите веат знамиња во центарот на градот
Руските сили имаат целосна контрола над градот Вуледар во областа Доњецк во источна Украина, објави утринава каналот SHOT на комуникациската платформа Телеграм и проруските воени блогери.
Ројтерс не може независно да ги потврди извештаите. Руското Министерство за одбрана се уште не го потврди заземањето на градот.
Confirmed. Russia has fully occupied Vuhledar. Russian units from the 36th Separate Guards Motor Rifle Brigade raised their flag over the Vuhledar City Council. Ukrainian forces have withdrawn to Bohoyavlenka, north of Vuhledar. pic.twitter.com/q2OZueh9Gc
— NOELREPORTS 🇪🇺 🇺🇦 (@NOELreports) October 1, 2024
Регионален украински функционер синоќа изјави дека руските сили стигнале до центарот на градот, стратешко упориште кое повеќе од две години се спротивставувало на руските напади. Снимките од руските сили како го веат своето знаме на покривот на административната зграда во центарот на градот во вторникот покажаа дека зградата е делумно претворена во урнатини со скршени прозорци.
Свет
(Видео) Колкава штета нанесе масовниот ирански напад со балистички ракети
Иран вчера истрела околу 200 балистички ракети кон Израел. Тоа е најголемиот воен напад на Иран врз Израел во историјата.
Иран тврди дека е самоодбрана и се закани со многу поголем напад во случај на израелска одмазда.
Израелскиот премиер, Бенјамин Нетанјаху, вчера му порача на Иран дека направил голема грешка за која ќе плати.
Израелските сили за противвоздушна одбрана се пофалија дека во соработка со своите сојузници собориле голем број ирански балистички ракети, но некои од нив не биле погодени во воздух и погодиле на земја.
Засега е познато дека иранските проектили го нападнале седиштето на израелската разузнавачка служба Мосад во Тел Авив, но Израелците тврдат дека во комплексот не паднале проектили. Камерите снимија голем кратер пред седиштето на Мосад.
Outside Mossad HQ, 1050p local: pic.twitter.com/r0iiN6E9O8
— Nick Schifrin (@nickschifrin) October 1, 2024
Покрај тоа, израелската јавна телевизија КАН објави дека во градот Ход Хашарон на северот на Израел, околу 100 домови биле оштетени во ирански напад со балистички ракети.
Регион
(Видео) Во Србија се судри автобус со ученици и автомобил, едно лице загина
Едно лице загина во судир на училишен автобус во кој имало деца и автомобил на патот меѓу Нови Сад и Инѓија во Србија. Несреќата се случила околу седум часот утринава.
Автобусот завршил на страна, а возачот на автомобилот починал на местото на настанот.
Нова.рс пишува дека има повредени и дека се пренесени во болница во Нови Сад.