Свет
Пензионерка од САД со „Ролс-Ројс“ влезе во дворот на соседот и направи штета од 3 милиони долари
Невидна штета во сообраќајна несреќа направи пензионерка од САД, која со својот автомобил „Ролс-Ројс“ вреден 360.000 долари упадна во дворот на нејзиниот сосед, јавува „Си-би-ес“.
Инцидентот се случил на Палм Бич, Флорида. Како што успеала да утврди полицијата, 66-годишната Американка изгубила контрола над луксузниот автомобил на тесна улица, удрила во оградата и влегла во дворот на соседот.
Автомобилот возел низ тревата и соборил уникатна статуа вредна дури 3 милиони долари.
Потоа ја пробила втората оградата и излетала со скапиот автомобил на плажата. Вака урнатиот Ролс-Ројс го пронашла полицијата. За среќа во инцидентот нема повредени.
Пензионерката во полиција изјавила дека не се сеќава на ништо. Таа тврди дека претрпела губење на меморијата и не биле пронајдени траги од алкохол, дрога или лекови во нејзината крв.
Доколку Американката биде прогласена за виновна, таа не само што ќе треба да ги надомести трошоците за скулптурата, туку ќе плати и 10.100 долари за поправка на оградата.
Покрај тоа, на кабриолетот исто така ќе му биде потребна поправка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Насилство на пропалестинските демонстрации во Берлин, полицијата употреби солзавец
На пропалестинските демонстрации во Берлин минатиот викенд, насилство избувна кога демонстрантите почнаа да ја гаѓаат полицијата со камења и шишиња, а полицијата одговори со солзавец.
По повод годишнината од смртоносниот напад на Хамас во Израел, полицијата распореди околу 2.000 свои членови поради најавените протести, пренесува „Берлингер Моргенпост“.
Во саботата пропалестинските демонстранти маршираа од Темпелхоф до Бранденбуршката порта, а во неделата беа одржани демонстрации во Кројцберг и Нојколн, пишува порталот ТРТ Ворлд.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.