Свет
Пензионер се обиде да прегази градоначалник во Холандија
Холандската полиција уапси 76-годишен маж, кој утрово се обиде да го прегази градоначалникот на градот Дримелен, Бој Шолце, со својот автомобил.
Тоа се обидел да го направи ова кога градоначалникот влегувал во градското собрание, објави „НЛ тајмс“.
Градоначалникот се фрлил на страна за да не биде удрен, соопшти полицијата.
Како што наведуваат, човекот за време на нападот извикувал хомофобични забелешки упатени кон Шолце. Министерот за правда во заминување, Дилан Јесилгоз, го нарече нападот врз градоначалникот страшен.
Некои други градоначалници се огласија на социјалните мрежи – Ваутер Колф од Дордрехт го нарече инцидентот бизарен, а Сиерт Потерс од Де Билт напиша дека сите треба цврсто да застанат зад колегата Шолце и никогаш да не отстапуваат пред заплашувањето и насилството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мадуро: САД измислуваат нова војна, носачот на авиони „Џералд Р. Форд“ испратен на Карибите
Претседателот на Венецуела, Николас Мадуро, ја обвини администрацијата на Доналд Трамп дека „измислува нова војна“, откако САД испратија воен носач на авиони во Карипското Море.
Според „Би-Би-Си“, најголемиот американски носач на авиони, USS Gerald R. Ford, кој може да носи до 90 летала, претставува значително зголемување на американското воено присуство во регионот.
Вашингтон тврди дека операцијата е насочена против трговијата со дрога и дека веќе се изведени неколку воздушни напади врз криминални организации. Трамп го обвини Мадуро дека е лидер на нaрко-картел, што венецуелскиот претседател категорично го негира.
Мадуро предупреди дека САД бараат нов вечен конфликт и потсети дека ветиле дека нема да се впуштаат во нови војни. Аналитичарите наведуваат дека толку големо воено присуство не е потребно за операции против дрога и го толкуваат како обид за притисок врз режимот во Каракас.
Американскиот Конгрес, вклучително и дел од републиканците, изразија загриженост за законитоста на нападите и овластувањата на претседателот, предупредувајќи дека Белата куќа ја узурпира контролата врз употребата на воена сила.
Свет
Трамп подготвува нови санкции за Русија
Администрацијата на американскиот претседател Доналд Трамп подготвила пакет нови санкции насочени кон клучни сектори на руската економија, подготвен за активирање доколку Владимир Путин продолжи да одолговлекува со завршувањето на војната во Украина, објави „Ројтерс“.
Според американски извори, санкциите би можеле да ги погодат рускиот банкарски сектор и инфраструктурата за транспорт на нафта. Идејата е да се зголеми економскиот притисок врз Москва, додека Вашингтон размислува и за користење замрзнатиот руски имот во корист на Украина.
Трамп, кој минатата недела за првпат по враќањето на функцијата воведе санкции против Русија, изјавил дека сака да се позиционира како „глобален мировник“, но призна дека прекинувањето на војната е потешко од очекуваното.
Во претходниот пакет, санкции беа воведени против нафтените компании „Лукоил“ и „Роснефт“, што доведе до раст на цените на нафтата за повеќе од два долара по барел.
Иако Трамп не е подготвен да ѝ испорача на Украина ракети Томахок, американските и европските партнери оценуваат дека Вашингтон зазема поцврст став кон Москва.
Според „Ројтерс“, Трамп најверојатно ќе почека неколку недели за да ја процени реакцијата на Русија пред да одлучи дали ќе ги активира новите санкции.
Свет
Турист загина кај Пантеонот во Рим
Јапонски турист, на околу 70 години, починал во Рим откако паднал кај Пантеонот, објави Анса.
Според информациите на италијанските медиуми, човекот не бил на самиот објект, туку на периферниот дел — кај оградениот археолошки простор што го опкружува Пантеонот. Тоа место има камен ѕид висок неколку метри, кој дели рамна површина (каде минуваат туристите) од понизок археолошки дел, нешто како ров.
Се претпоставува дека туристот се потпрел или се наведнал над ѕидот, изгубил рамнотежа и паднал во тој понизок простор, длабок околу 7 метри.
Спасувачките напори не успеале, а пожарникарите морале насилно да ја отворат влезната порта пред Пантеонот за да стигнат до телото.
Полицијата и локалните власти биле на местото на настанот, додека причината за несреќата сè уште не е утврдена.

