Свет
Пенс нема да се повика на 25. амандман за отстранување на Трамп

Американскиот потпретседател Мајк Пенс изјави дека нема да попушти под притисокот од Претставничкиот дом управуван од демократите, да се повика на 25. амандман, тврдејќи дека тој не треба да служи како средство за казнување или за узурпација, пренесува РТ.
Бидејќи Претставничкиот дом беше среде гласање за резолуцијата со која се повикуваше да се искористи 25. амандман во вторникот вечерта, Пенс ја отфрли таквата можност, велејќи во писмото до спикерот Ненси Пелоси дека верува оти ваквата постапка не е во согласност со непосредните интереси на земјата.
As the House of Representatives begins voting on whether to endorse the use of the 25th Amendment to remove President Trump from office, @VP Mike Pence releases a letter informing @SpeakerPelosi that it's not going to happen. pic.twitter.com/okJIgc0vMP
— Sahil Kapur (@sahilkapur) January 13, 2021
„Не верувам дека ваквиот тек на дејствување е во најдобар интерес на нашата нација или дека е во согласност со нашиот Устав“, се вели во писмото.
Пенс направи паралела помеѓу напорот на демократите во последен миг да го принудат Трамп да се повлече од функцијата и барањата тој да го блокира заверувањето на изборната победа на Џо Бајден
„Минатата недела не подлегнав на притисокот да наметнам моќ надвор od моето уставно овластување да го утврдам резултатот од изборите и сега нема да попуштам на напорите на Претставничкиот дом да играм политички игри во едно толку сериозно време во животот на нашата нација“, рече тој.
Пенс ја цитираше Пелоси, која изјави дека подготвеноста на претседателот за функција мора да се утврдува според науката и фактите наместо да се заснова на коментари или однесување што не ни се допаѓа бидејќи тој тврди дека амандманот не бил смислен како средство за казнување или за узурпација.
Иако Пенс одби да ги искористи своите овластувања за да го отстрани Трамп, се очекува Претставничкиот дом да одобри написи за импичмент в среда, бидејќи за тоа е потребно само просто мнозинство во комората под контрола на демократите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.