Свет
Пентагон ги уверува властите во Пјонгјанг дека воената вежба со Јужна Кореја е рутинска
![](https://makfax.com.mk/wp-content/uploads/2017/07/1200px-The_Pentagon_January_2008.jpg)
Пентагон соопшти дека воената вежба во Јужна Кореја била рутинска и од дефанзивен карактер кога Пјонгјанг поради неа го откажа планираниот мировен состанок со Јужна Кореја.
Полковникот Роб Менинг изјавил дека целта на вежбата била да се подобри способноста на САД и Јужна Кореја да дејствуваат заедно, пренесоа светските агенции. Вежбата започнала во понеделникот и се планира да трае до 25 мај.
Менинг додаде дека ова е годишна вежба и дека нејзиниот одбранбен карактер е јасен веќе со децении, односно дека и годинава работите остануваат непроменети во тој поглед.
Северна Кореја претходно соопшти дека морало да ги откаже преговорите со Јужна Кореја, кои се водат на највисоко ниво, поради воените вежби на Јужна Кореја и САД, а се закани и дека ќе се откаже средбата меѓу американскиот претседател Доналд Трамп и лидерот Ким Џонг-ун.
Стејт департментот објави дека нема информации оти Пјонгјанг планира да го откаже планираниот самит меѓу САД и Северна Кореја, кој е закажан за 12 јуни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.