Свет
Пет Американци уапсени во протестите во Хаити

Министерот за надворешни работи на Хаити, Бочит Едмонд, во понеделникот потврди дека петмина Американци на островот биле уапсени.
Тројца други лица, исто така, биле уапсени, додаде тој. Идентитетите на притворените лицата не беа откриени.
Шефот на полицијата на Хаити, Мишел-Анже Гедеон, изјави дека осумте лица биле уапсени за поседување нелегално оружје вклучувајќи пиштоли и автоматско оружје, како и дронови. Претходно, локалните власти изјавија дека Американците се во притвор под обвиненија за заговор.
Во главниот град на државата, Порт-о-Пренс, владеат смртоносните протести од 7 февруари. Жителите се на улиците, каде што палат автомобили барајќи од претседателот Џовенел Моис и премиерот да поднесат оставка.
Администрацијата на Моис се најде на остра критика поради високата инфлација и обвиненијата за корупција.
Во неделата премиерот Жан-Хенри Сеант ѝ се обрати на јавноста, повикувајќи на мир и ветувајќи дека ќе стави крај на корупцијата, која многумина сметаат дека е коренот на проблемите во земјата.
Американскиот Стејт департмент во својата изјава во понеделникот потврди дека петмина американски граѓани биле уапсени во протестите. Претходно, тие издадоа предупредување до своите граѓани да не патуваат во Хаити наведувајќи го „криминалот и граѓанските немири“, како и „широко распространетите, насилни и непредвидливи протести во Порт-о-Пренс и на други места во Хаити“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Торнадо го погоди брегот на Италија: луѓето бегаат од плажата во паника

Плажата Макарезе во близина на Рим викендов беше погодена од виорен ветер познат како пијавица, кој крена песок и ги однесе чадорите.
Иако ударот траеше само неколку секунди, тој беше доволен за да предизвика конфузија, а седум лица беа повредени: шестмина добија помали модринки, додека едно лице доби медицинска помош.
Според написите, погодени беа три плажни комплекси.
Пијавицата накратко се појавила на брегот северно од Рим, а шанкер од едно од кафулињата за порталот „Аднкронос“ изјави дека времето одеднаш се влошило и дека капачите немале време да ја напуштат плажата поради ова.
„Одеднаш, задува силен ветер и почна да носи сè пред себе – чадори летаа низ воздухот. Траеше само неколку минути, но луѓето се испаничија и почнаа да трчаат во засолниште. Веднаш отидов до лежалките за да им помогнам на спасувачите. Брзо ги затворивме сите чадори и се обидовме да ги обезбедиме луѓето. Владееше општ хаос, но за среќа никој не беше сериозно повреден. Наскоро сè се врати во нормала“, рече тој.
Свет
(Видео) Снег предизвика колапс на сообраќајот во Австралија: заглавени автомобили, илјадници луѓе без струја

Неколку градови во источна Австралија беа покриени со најдебелиот слој снег што паднал во последните децении, што предизвика колапс на сообраќајот.
Службата за вонредни состојби на Нов Јужен Велс соопшти дека се очекува околу половина метар снег да падне во некои области во текот на викендот.
Australia’s heaviest snowfall in 40 years blankets New South Wales with 40cm of snow, causing power outages and 1,455 incidents. pic.twitter.com/JQJ8e8MtA8
— Al Arabiya English (@AlArabiya_Eng) August 4, 2025
Во делови од северозападниот регион на Нова Англија, падна најголемиот снег во последните 20 години, објави државниот радиодифузер ABC, додека Sydney Morning Herald објави дека во една област од соседната држава Квинсленд, паднал првиот снег во последните десет години, објавува Ројтерс.
Службите за вонредни состојби соопштија дека реагирале на повеќе од 1.455 инциденти и повеќе од 100 возила биле заробени од снегот, бидејќи бурите оштетиле згради и биле издадени неколку предупредувања за поплави.
#Australia: Parts of New South #Wales in Australia were blanketed by unprecedented snowfall over the weekend. pic.twitter.com/1JEGexzJlv
— CMNS_Media⚔️ #Citizen_Media🏹VEDA 👣 (@1SanatanSatya) August 4, 2025
Десетици илјади потрошувачи ја поминале ноќта без електрична енергија.
Во австралиската федерална држава Нов Јужен Велс, паднале големи количини снег, а илјадници луѓе останале без електрична енергија.
Многу возила се заглавени во снег и мраз, телефонските линии се во прекин, а се очекува илјадници жители да останат без електрична енергија најмалку уште 24 часа, објави Njuz.com.au. На северните висорамнини на Нов Јужен Велс, дебелината на снежната покривка е околу 40 сантиметри, објавија локалните медиуми.
Метеорологот Хелен Рид изјави дека снегот е предизвикан од студен воздушен фронт.
Фото: Принтскрин
Свет
Трамп: Испраќам нуклеарни подморници поради Медведев; Кремљ: Бидете многу, многу внимателни

Портпаролот на Кремљ, Дмитриј Песков, реагираше на изјавата на американскиот претседател Доналд Трамп за испраќање две нуклеарни подморници „во соодветните региони“. Тој рече дека Русија не сака да влезе во контроверзност со Трамп, пренесува Ројтерс.
„Русија многу внимателно пристапува кон прашањето за неширење на нуклеарно оружје. Веруваме дека сите треба да бидат многу, многу внимателни со нуклеарната реторика“, рече Песков, според АФП. Тој исто така го намали значењето на пораката на Трамп, велејќи дека е јасно дека американските подморници веќе се во состојба на борбена готовност.
„Ние совршено добро разбираме кој е Доналд Трамп“
Првата конкретна реакција од Русија претходно ја даде Виктор Водолацки, член на владејачката партија во Државната дума и поранешен заменик-командант на проруските сили во окупираните делови на Украина.
„Во светските океани има значително повеќе руски нуклеарни подморници отколку американски, и тие имаат најмоќно оружје“, изјави Водолацки за државната новинска агенција Тас. Тој исто така рече дека не треба да очекуваме официјален одговор од Русија на изјавите на Трамп.
„Не може да има одговор од наша страна, бидејќи совршено добро разбираме кој е Доналд Трамп. Последните месеци покажаа дека тој се предомислува 24 часа на ден“, изјави тој.
Трамп испрати подморници поради Медведев
Медиумите потсетуваат дека Трамп претходно објави на својата социјална мрежа Truth Social дека наредил две нуклеарни подморници да бидат испратени во „соодветни региони“ поради „многу провокативни изјави“ на поранешниот руски претседател Дмитриј Медведев.
„Врз основа на многу провокативните изјави дадени од поранешниот претседател на Русија, Дмитриј Медведев, кој сега е заменик-претседател на Советот за безбедност на Руската Федерација, наредив две нуклеарни подморници да бидат позиционирани во соодветните региони, за секој случај ако овие глупави и провокативни изјави се повеќе од обична реторика“, напиша тој.
„Зборовите се многу важни и често можат да доведат до несакани последици, се надевам дека ова нема да биде еден од тие случаи“, додаде Трамп.
Дмитриј Медведев, поранешен претседател на Русија од 2008 до 2012 година, сега е заменик-претседател на Рускиот совет за безбедност. По почетокот на руската инвазија на Украина, тој се претвори во еден од најжестоките застапници на екстремната антизападна реторика,анализираат медиумите.
Критичарите го опишуваат како неодговорна и опасна фигура, додека западните дипломати веруваат дека неговите изјави сè повеќе ги одразуваат ставовите на врвните функционери на Кремљ.
Фото: ЕПА