Свет
(Видео) Платеници на „Вагнер“ признале дека убивале деца во Украина, потоа еден се премислил
Двајца руски поранешни осуденици, кои тврдат дека биле команданти во платеничката група „Вагнер“, признале дека убиле стотици цивили, вклучително и деца, во Украина, пренесува „Евроњуз“.
„Вагнер“ е руска приватна платеничка организација, која регрутира илјадници борци од руските затвори во замена за ветувања за помилување или намалени казни ако преживеат.
Поранешните руски осуденици Азамат Улдаров и Алексеј Савичев, кои биле помилувани со декрети на рускиот претседател Владимир Путин минатата година, дале интервју за веб-страницата Gulagu.net, која известува за корупција и за тортура во Русија, а е основана од Владимир Осечкин, протеран руски активист за човекови права.
Осечкин дополнително објавил документи како доказ дека Улдаров и Савичев се бореле во Украина и дека се вратиле во Русија со медали и со пари.
Во едночасовните сведоштва – за кои „Евроњуз“ не можел да добие независна потврда – Улдаров и Савичев ги опишуваат своите дела во Украина откако Русија изврши инвазија во февруари 2022 година, вклучително и егзекуција на 60 ранети затвореници, од кои некои биле руски војници што одбиле да продолжат да се борат.
Според поранешните платеници на „Вагнер“, овие настани се случиле во Соледар и Бахмут – во регионот Донецк во источна Украина – во февруари 2023 година.
И Улдаров и Савичев тврдат дека решиле да проговорат за злосторствата поради чувството на вина истакнувајќи дека наредбите за убиство ги добивале директно од основачот на „Вагнер“, Евгениј Пригожин.
„Кога влеговме во Соледар и Бахмут, добивме наредба да убиваме сите: мажи, жени, деца, старци. Едно девојче врескаше. Сигурно имаше пет или шест години. Го застрелав. Го убив со еден истрел во главата. Следев наредби и со оваа рака убив и деца. Сакам Русија и другите земји да ја знаат вистината“, сведочи Улдаров.
Улдаров подоцна го повлече своето сведоштво во видеоповик со руската новинска агенција РИА-ФАН, која е поврзана со Пригожин, тврдејќи дека бил уценет да го направи тоа.
Во интервјуто за РИА-ФАН, Улдаров вели дека бил пијан кога го дал интервјуто за „Гулаг“ и дека Осечкин го уценувал со видео од неговото затворско минато.
Но, Осечкин, кој живее во Франција, изјави за Си-ен-ен дека стои зад направените интервјуа посочувајќи го повлекувањето на Улдаров како доказ за тоа колку бргу се замолчуваат неистомислениците во Русија. Тој исто така тврди дека на Улдаров и на Савичев им се заканувале со убиство ако не ги повлечат изјавите.
Соочена со овие тврдења, прес-службата на Пригожин објави соопштение на „Телеграм“, во кое се вели:
„Во врска со егзекуцијата на деца, се разбира, никој никогаш не пука во цивили или во деца, немаме потреба да го правиме тоа. Отидовме таму за да ги спасиме Украинците од режимот под кој се наоѓаат“.
Според Пригожин, „Вагнер“ го барал Савичев во последните 24 часа повикувајќи го поранешниот платеник да се јави во седиштето на организацијата и гарантирајќи му дека нема да биде прогонуван ниту судски ниту поинаку.
„Тој мора да објасни зошто лажно сведочел, кој стои зад тоа, како бил уценет и дали му биле дадени други наредби“, рече Пригожин во објава на „Телеграм“.
Видеото предизвика бурни реакции на социјалните мрежи, а на него реагираа и многу политичари. Шефот на кабинетот на украинскиот претседател во порака на „Твитер“ посочи:
„Не е доволно да се исповедаат. Мора да постои и казна. Тешка и фер. И, дефинитивно, ќе бидат казнети. Уште колку вакви злосторства се направени?“
Украинското Обвинителство отвори истрага врз основа на сведоштвата на Улдаров и Савичев, кои доаѓаат откога минатата недела се појави вознемирувачко видео на кое платеник од „Вагнер“ обезглавува украински воен заробеник. Украина вети дека ќе го истражи страшното видео кое кружи на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Украинците дигнаа во воздух два клучни руски моста
Украинските сили спроведоа генијална операција во која уништија два клучни моста на руска територија, користејќи евтини дронови за активирање на експлозиви што претходно биле поставени таму од самите руски сили. Мостовите во близина на границата со регионот Харков биле користени за снабдување на руските трупи, а Русите ги минирале како мерка на претпазливост во случај на ненадеен украински пробив, пишува CNN.
Уништувањето на клучната инфраструктура на сопствената територија за да се забави непријателот е вообичаена воена тактика. Самата Украина го направи ова на почетокот на инвазијата во февруари 2022 година, кога го забави рускиот напредок кон Киев со уништување на мостови и одбрана на главниот град. Сепак, овој пат Украинците ја насочија руската мерка на претпазливост против себе.
💥 The Russians mined a bridge in the Belgorod region, piling TM-62M anti-tank mines under the structure.
Ukrainian drone operators decided it was worth helping the Russians carry out their plan. The bridge exploded with festive fireworks. pic.twitter.com/cKGWGdAICM
— MAKS 25 🇺🇦👀 (@Maks_NAFO_FELLA) August 24, 2025
Членовите на 58-та Одделна моторизирана стрелачка бригада, кои ја спроведоа операцијата, за CNN изјавија дека забележале необична активност околу еден од мостовите.
„Стана јасно дека нешто се случува таму. Не можевме да летаме со обичен извидувачки дрон под мостот бидејќи сигналот едноставно ќе исчезнеше, па затоа летавме со дрон опремен со оптички влакна“, рече портпаролот на бригадата.
Снимките од дрон открија куп противтенковски мини и друга муниција скриена под мостот.
„Ги видовме мините и удривме“, додадоа тие. Видеото нагло се прекинува во моментот на ударот, додека друга камера од далечина покажува силна експлозија.
Украинците, исто така, проверија уште еден мост во близина. „Откривме дека и тој е миниран и удривме. Видовме можност и ја искористивме“, рече портпаролот на бригадата.
Портпаролот на бригадата потврди за CNN дека дроновите што се користеле во нападот чинеле помеѓу 600 и 725 долари, што ја прави операцијата исклучително исплатлива. Рушењето на мост вообичаено бара скапа водечка муниција испукана од софистицирани системи како што се ракетни лансери или авиони.
Свет
Израелска армија: Подготвени сме да ја започнеме офанзивата врз Газа
Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА
Свет
Калас: На Украина ѝ е потребна сета можна воена поддршка
Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Маж ја тепал бремената сопруга: јa притискал за вратот и ја удирал главата од креветот
Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело...
Тројца повредни во пожарот во дискотеката „Пулс“ сè уште се во болница: еден во Истанбул, двајца во „Систина“
Тројца повредени во пожарот во дискотеката „Пулс“, при што загинаа 62 лица, веќе шести месец се на болничко лекување. Директорот...
Полово вознемирувал малолетно девојче: уапсен 75-годишен маж од Тетовско
Вчера во 17:00 часот во СВР Тетово е лишен од слобода З.Б.(75) од тетовско. Тој се сомничи за сторено кривично...
Мицкоски: Почнуваме со проектот за третата фаза од пругата кон Бугарија
„Тоа ќе биде од големо значење за нас како држава, за Македонија како целина, бидејќи на тој начин ќе ја...
И без документи, оние што се сомневаат дека биле непотребно оперирани нека поднесат претставка, повика Клековски
Сите што се сомневаат дека биле непотребно оперирани по скандалот дека се правеле операции на срце само за да се...
Николоски: Почнуваме со реконструкција на обиколницата кај Крива Паланка, активно се работи и на граничниот премин
Имаме рекордни инвестиции во инфраструктурата во Крива Паланка и регионот. Само преку Владата, преку двата јавни повици инвестираме преку 200...
(Видео) Шукова: Преку БРТ-системот јавниот превоз во Скопје ќе го решиме до средината на 2028
Јавниот превоз во Скопје е една од клучните слабости на Градот. ДПМНЕ и Арсовска ветуваа нови еколошки автобуси, бесплатен јавен...
(Видео) Во пукањето во Минеаполис убиени 8-годишниот Флечер и 10-годишната Харпер
Осумгодишниот Флечер Меркел и 10-годишната Харпер Мојски беа убиени во средата за време на мисата во католичкото училиште во Минеаполис....
„Влен“: Арбен Фетаи ги уништи плановите на ДУИ и на заложниците на Ѓока
„Пропагандната машина на ДУИ и нејзините патерици започнаа ниска кампања на клевети и лаги против вицепремиерот, Арбен Фетаи. Криејќи се...
ВМРО-ДПМНЕ: Сериозно се подготвуваме за претстојните локални избори, целта е историски резултат
„ВМРО-ДПМНЕ за четири години локална власт покажа дека општините може да се управуваат без афери, без криминал, злоупотреба на народни...
Целосно изгаснат пожарот во општина Желино, кој се прошири кон месноста Карпалак
Пожарот кој вчера изби на територијата на општина Желино во атарот на село Церово, а подоцна во вечерните часови се...
(Видео) Се урна „Ф-16“ во Полска, пилотот загина
Полски воен авион Ф-16 се урна за време на проба за аеромитинг во Радом, централна Полска, при што загина пилотот,...
Мерц: Очигледно е дека нема да има средба меѓу Путин и Зеленски
Германскиот канцелар Фридрих Мерц повеќе не очекува средба меѓу рускиот и украинскиот претседател Владимир Путин и Володимир Зеленски во блиска...
(Видео) Амбасадата на САД во Украина за рускиот напад: Трамп беше јасен, убиствата мора да престанат
Руските напади врз украинската цивилна инфраструктура се неприфатливи и мора веднаш да престанат, објави амбасадата на САД во Украина на...
Фон дер Лајен: Путин мора да седне на преговарачка маса, Европа ќе ја одигра својата улога
Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд...
21-годишно момче загина а две лица се тешко повредени во сообраќајка кај Градско
Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко...
Битолчанец се удавил во водите на Охридското езеро
Вчера во 12.55 часот во ОВР Струга било пријавено дека во водите на Охридското езеро бил пронајден починат В.Т.(49) од...
Мицкоски до Филипче: Време е да бидат конструктивна опозиција, растот на нето-платата сега е двојно поголем во однос на периодот на Владата на СДСМ
„Добро е да се направи споредба меѓу параметрите што ги прават СДСМ и ДУИ кога тие беа во Владата седум...
Османи: Албанците никогаш нема да прифатат некој друг да одлучува во нивно име
Кандидатот за градоначалник на Чаир од редовите на ДУИ, Бујар Османи, реагираше на последните изјави на премиерот Мицкоски, кој најави...
Арсовска: „Такво време дојде, ем да тепаат жени, ем да глумат жртви дека се тепани“
Градоначалничката на Град Скопје, Данела Арсовска со објава на социјалните мрежи пред утрешното рочиште во Кривичниот суд во Скопје, на...
