Свет
Повеќе од сто милиони луѓе изложени на ризик поради екстремните горештини во светот
Летото само што почна на северната хемисфера, но силниот топлотен бран веќе зафати делови од Европа, Кина и Соединетите Американски Држави, каде што викендов се очекуваат рекордно високи температури, што може да послужи како илустрација за опасностите од глобалното затоплување.
Американскиот метеоролошки институт издаде предупредувања за екстремна топлина за повеќе од 100 милиони граѓани, а особено опасни услови се предвидуваат во сојузните држави Аризона, Калифорнија, Невада и Тексас.
Неколку европски земји, меѓу кои Франција, Германија, Хрватска, Грција, Италија, Шпанија и Полска, истовремено се соочуваат со високи температури.
Тие би можеле да достигнат 48 Целзиусови степени на островите Сицилија и Сардинија, објави Европската вселенска агенција, кои се „потенцијално најжешките температури некогаш забележани во Европа“.
Во Северна Африка е исто така жешко и спарно, а Мароканската метеоролошка служба издаде црвено предупредување за екстремни горештини во јужните делови на земјата.
Некои кинески провинции, вклучително и главниот град Пекинг, исто така се соочуваат со топлотни бранови, а најголемата кинеска енергетска компанија соопшти дека нејзиното производство на електрична енергија достигна рекордно високо ниво за еден ден.
Минатиот месец веќе беше најтоплиот јуни досега, според американската вселенска агенција НАСА и програмата за климатски промени „Коперник“, управувана од Европската Унија.
Екстремните временски услови, кои произлегуваат од сè потоплата клима, „за жал стануваат нова норма“, предупредува Петри Таалас, генерален секретар на Светската метеоролошка организација (СМО).
Екстремните горештини се еден од најсмртоносните метеоролошки настани, според СМО. Една неодамнешна студија проценува дека над 61.000 луѓе починале од топлотен удар за време на рекордното топло лето во Европа минатата година.
Фактор што може да придонесе за високите температури оваа година е климатскиот феномен познат како Ел Нино.
Ел Нино, кој се јавува на секои две до седум години и е обележан со повисоки од просечните температури на површината на морето во централниот и источниот дел на Пацификот во близина на екваторот, трае приближно 9-12 месеци.
Северна Америка веќе се соочи со серија екстремни временски настани ова лето, со чад од шумски пожари, кои продолжуваат да горат надвор од контрола во Канада предизвикувајќи извонредно загадување на воздухот во поголемиот дел од САД.
Североисточниот дел на САД, а особено сојузната држава Вермонт, исто така неодамна беше погоден од обилни дождови, кои предизвикаа разорни поплави.
Според климатолозите, глобалното затоплување може да доведе до пообилни и почести врнежи.
Граѓаните во поголемиот дел од американскиот југ со недели се справуваат со високите температури.
Даниел Свејн, климатски научник од Универзитетот во Калифорнија, Лос Анџелес, рече дека температурите во Долината на смртта би можеле да го достигнат или да го соборат рекордот за највисока температура на воздухот измерена досега на Земјата.
Официјалниот рекорд на WMO е 56,7 Целзиусови степени и е забележан во 1913 година во Долината на смртта, пустина во јужна Калифорнија.
Во Мексикали, град со повеќе од милион жители во северниот дел на Мексико, температурите се искачија на 50 Целзиусови степени оваа недела принудувајќи многу жители да останат дома, а волонтерите и властите се обидуваа да им помогнат на оние што не можеа.
Смртоносниот топлотен бран ги зголеми температурите во Мексико во јуни, но додека последните недели донесе олеснување во повеќе јужни региони, северните држави навикнати на топлина се зафатени од натпросечни температури.
Топлотните бранови обично го погодуваат Мексико во април и мај, според податоците на Националниот универзитет во Мексико УНАМ. Според експертите, топлотниот бран годинава е посилен поради сушата.
Од високите температури не се поштедени ниту океаните.
Температурите на водата во близина на јужниот брег на Флорида надминаа 32 Целзиусови степена, според Агенцијата за океани и атмосфера.
Што се однесува до Средоземното Море, температурите на површината ќе бидат „исклучително високи“ во текот на следните недели, објави WMO, а во некои делови би можеле да надминат 30 Целзиусови степени, што е неколку степени над просекот.
Зголемувањето на температурите на океаните може да има катастрофални последици за морските животни во однос на нивниот опстанок, а може негативно да влијае и на рибарската индустрија.
На другиот крај на планетата, температурата на морскиот мраз на Антарктикот падна на рекордно ниско ниво во јуни.
Светот се загреал во просек за 1,2 Целзиусов степен од средината на 19 век, што довело до поинтензивни топлотни бранови, поголеми суши во некои области и посилни бури поради зголемувањето на нивото на морето.
Сегашниот топлотен бран „ја нагласува зголемената итност да се намалат емисиите на стакленички гасови што е можно побргу и колку што е можно повеќе“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп: Русите знаат дека имаме нуклеарна подморница – најдобрата во светот – веднаш до нивниот брег
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета на нуклеарен погон „не е соодветна“.
„Тие знаат дека имаме нуклеарна подморница – најдобрата во светот – веднаш до нивниот брег. Значи, не ни треба ракета што лета речиси 13.000 километри. Тие не си играат со нас, а ние не си играме со нив.
Постојано правиме ракетни тестови, но како што реков, имаме нуклеарна подморница – не треба да пукаме од таа далечина“, рече Трамп.
Has Trump begun to embark on the path that could take down Putin?
Starting to feel like it..
If so, love it or hate it, there will be golden statues of @realDonaldTrump all over Eastern Europe.
“They know that we have a nuclear submarine — the best in the world — right off… pic.twitter.com/bm8FJZmPWH
— Jay in Kyiv (@JayinKyiv) October 27, 2025
„Патем, тој треба да ја заврши војната во Украина. Војната што требаше да трае една недела сега речиси влегува во својата четврта година. Тоа е она што треба да го прави, а не да тестира ракети“, додаде Трамп во разговор со новинарите на „Ер Форс Уан“.
Путин вчера објави дека Русија успешно ја тестирала својата крстосувачка ракета „Буревестник“ со нуклеарен погон, способна да носи нуклеарна боева глава, за која Москва тврди дека може да избегне секаков одбранбен систем, и дека ќе започне со распоредување на оружјето. Американците ја нарекоа ракетата „летачки Чернобил“.
Свет
Тврдат дека Брижит Макрон е родена како маж, десет лица на судење во Париз
Десет лица треба да се појават на суд во Париз денес под обвинение за сексистичко онлајн вознемирување на Брижит Макрон, во најновиот случај предизвикан од години неосновани тврдења за полот на првата дама на Франција.
Судењето доаѓа неколку месеци откако Брижит и претседателот Емануел Макрон поднесоа тужба за клевета во Соединетите Држави поради гласини на интернет дека Брижит Макрон е родена како маж. Неоснованите тврдења ја следат претседателската двојка со години, со постојани коментари за нивната 24-годишна разлика во години.
Десетте обвинети, осум мажи и две жени на возраст меѓу 41 и 60 години, се обвинети за онлајн вознемирување на Брижит Макрон и се соочуваат со затворска казна до две години доколку бидат осудени. Според обвинителите, обвинетите објавиле бројни злонамерни коментари за полот и сексуалноста на првата дама, а некои ја поврзуваат нивната разлика во години со „педофилија“.
Брижит Макрон поднесе кривична пријава во август 2024 година, што доведе до истраги и апсења во декември 2024 година и февруари 2025 година. Нејзиниот адвокат не одговори на прашањата на АФП, а не е познато дали самата прва дама ќе се појави на рочиштата.
Меѓу обвинетите е и Орелиен Поарсон-Атлан, 41-годишна специјалистка за маркетинг позната на социјалните мрежи под псевдонимот Зои Саган, често поврзана со кругови на теоретичари на заговор. Обвинета е и Делфин Ж., 51-годишна жена која вели дека е духовен медиум и онлајн се претставува под името Амандин Рој.
Во 2021 година, таа објави четиричасовно интервју со „независната новинарка“ Наташа Реј на својот YouTube канал, во кое тврдеше дека Брижит Макрон, моминско Троње, всушност е „Жан-Мишел Троње“, што е името на нејзиниот брат.
Теориите дека Брижит Макрон наводно е родена како маж се појавија за време на претседателската кампања на Макрон во 2017 година, а во последниве години беа ширени од крајно десничарските и заговорничките кругови во Франција и САД, каде што правата на трансродовите лица станаа клучно социо-политичко прашање.
Во јули, претседателскиот пар поднесе тужба за клевета во САД против конзервативната водителка Кандис Овенс, која продуцираше серија наречена „Becoming Brigitte“ и тврдеше дека првата дама е родена како маж. Нивниот американски адвокат рече дека Макрон ќе презентира „научни докази“ и фотографии на судот за да ги побие овие тврдења.
Свет
14-годишно момче нападнато од крокодил додека ловело риба во Австралија
Четиринаесетгодишно момче е хоспитализирано откако завчера попладне било нападнато од крокодил додека ловело риба на плажата Мјал во далечниот северен Квинсленд, Австралија. Тинејџерот претрпел повреди на ногата и торзото, но неговата состојба е стабилна, потврдија локалните власти, пишува Гардијан.
Инцидентот се случил во Кејп Трибулејшн, мала крајбрежна заедница 140 километри северно од Кернс. Според информациите од Министерството за животна средина, туризам, наука и иновации, момчето ловел риба во вода длабока до бутовите пред нападот.
„Службеник потврди дека раните се конзистентни со напад од крокодил“, изјави портпарол на одделот.
По нападот, тинејџерот бил пренесен во блискиот сместувачки капацитет, каде што гостите и локалното население му пружиле прва помош додека не пристигнале службите за итни случаи. Службениците на Министерството за животна средина веднаш започнале потрага по животното користејќи дронови и чамци со рефлектори, но крокодилот не бил пронајден. Поради инцидентот, на плажата се поставени дополнителни знаци за предупредување од крокодили, покрај веќе постоечките трајни ознаки на сите точки за пристап.
Нападот се случил на почетокот на годишната сезона на парење на крокодилите. Според официјалната веб-страница на Министерството за животна средина, мажјаците крокодили „стануваат особено дрски додека бараат партнер“ во овој период, што значително го зголемува ризикот од агресивно однесување. Во изминатиот месец, во областа Кејп Трибулејшн четири пати биле видени крокодили.
фото: принтскрин
(Фото) Општина Центар: Се отстрануваат паднатите дрвја кај училиштето „Киро Глигоров“
Општина Центар информира дека во моментов екипите на ЈП „Паркинзи на Општина Центар“ и ЈП „Паркови и зеленило“ работат на...
(Фото) 30-дневен притвор за скопјанецот кој со пиштол крадеше во филијали за брзи кредити
Вчера во Скопје, полициски службеници од СВР Скопје го лишија од слобода 25-годишниот Б.А. од Скопје. Тој се сомничи дека...
На „Дижонска“ уапсен скопјанецот што пукаше со пиштол во Чаир
Вчера околу 20 часот на улицата „Дижонска“ во Скопје, полициски службеници од СВР Скопје го лишија од слобода 30-годишниот Р.Т....
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен...
Хеликоптер и борбен авион на американската морнарица се урнаа во одвоени инциденти во Јужното Кинеско Море
Два одделни инциденти во кои беа вклучени хеликоптер и борбен авион на американската морнарица се урнаа синоќа во Јужното Кинеско...
Две сообраќајни несреќи и одрон на автопатот Скопје – Велес после патарината Сопот
На автопат Скопје – Велес после патарина Сопот пред тунелите на Башино село поради одрон на левата коловозна лента сообраќајот...
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да...
(Видео) Голем напад со дронови врз Москва, одекнуваат експлозии
Москва беше цел на десетици дронови синоќа, потврди градоначалникот Сергеј Собјанин, кој информира за ситуацијата во текот на целата ноќ....
Скопјанец ограбил две компании за брзи кредити, па го фрлил оружјето од Камени мост и побегнал во Хрватска
Обвинителството поведе истрага против 25-годишен скопјанец, осомничен за две разбојништва извршени во август оваа година во објекти на компанија за...
Мицкоски: Кога Јакимовски бараше поддршка го замолив да нема бетонизација, а потоа ми рече ‘морам од нешто да живеам’
Претседателот на ВМРО-ДПМНЕ, Христијан Мицкоски, од маалска средба во општина Карпош порача дека е време за промена и крај на,...
И меѓународната заедница гледа со неверување дека некој во 21 век може да се однесува така, рече Мицкоски по повиците за етничко гласање во вториот круг
Претседателот на ВМРО-ДПМНЕ, Христијан Мицкоски, денеска од Брвеница испрати порака дека сите кои работат за иднината на државата имаат негова...
(Видео) Филипче најави политички и кадровски промени во СДСМ
Претседателот на СДСМ,Венко Филипче, во изјава за медиумите по првиот круг од локалните избори истакна дека партијата бележи раст во...
(Видео) СДСМ деновиве ќе одлучи кого ќе поддржи во општините каде што нема свој кандидат за градоначалник
Претседателот на СДСМ, Венко Филипче, изјави дека партијата во следните денови ќе одлучи кого ќе поддржи во општините каде што...
Двајца уапсени по спектакуларната кражба во Лувр: полицијата се сомнева на помош од внатре
Француската полиција уапси две лица осомничени за кражба на непроценливи крунски драгоцености од музејот Лувр, извршена на 18 октомври. Истрагата...
Трамп му постави услов на Путин: „Нема да губам време“
Американскиот претседател Доналд Трамп изјави дека нема да се сретне со рускиот претседател Владимир Путин сè додека не се постигне...
Трговските преговори меѓу САД и Кина се во тек
Главниот кинески трговски преговарач Ли Ченгганг и кинескиот вицепремиер Хе Лифенг пристигнаа во Куала Лумпур за вториот ден од трговските...
Метеоролозите најавуваат поинтенезивни врнежи ноќеска и утре, од среда стабилизирање
Времето денес променливо облачно со повремени локални врнежи од дожд, најпрвин во западните делови каде ќе бидат пообилни и поројни...
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување. Јонуз беше активен во политичкиот живот во Македонија...
ВМРО-ДПМНЕ веќе има 35 градоначалници, рече Мицкоски по повлекувањето на опонентите од Могила и Македонски Брод, очекува 59
Премиерот и претседател на ВМРО-ДПМНЕ, Христијан Мицкоски од денешниот митинг во Неготино изрази увереност дека кандидатката од ВМРО-ДПМНЕ која има...
Трамп: Имам многу добар однос со кинескиот претседател, сакам да ми помогне со Русија
Американскиот претседател Доналд Трамп изјави дека се надева на помош од Кина во решавањето на ситуацијата со Русија и завршување...
