Свет
Повеќе од 1.000 британски осуденици наскоро ќе бидат ослободени поради пренатрупаност во затворите
Британските власти наскоро ќе ослободат предвремено 1.100 осуденици, како дел од владината програма за намалување на бројот на затворени лица поради пренатрупаност во казнените институции.
Минатиот месец беа ослободени 1.700 затвореници, од кои 37 беа ослободени по грешка и сега чекаат ново судење.
По првиот круг на ослободување, бројот на затвореници падна од рекордни 88.521 на 86.333, пишува британскиот ЛБЦ.
Оттогаш тој број повторно се зголеми, а во петокот во земјата беа затворени 87.028 лица.
Шемата за предвремено ослободување нема да важи за некои затвореници, вклучително и оние кои се осудени за сексуални злосторства, семејна злоупотреба, терористички дела или престапници кои отслужуваат повеќе од четири години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Апокалиптични сцени од Италија: 20-годишен маж загина во поплавите
20-годишен маж загина во поплави во регионот Емилија Ромања во северна Италија, соопшти денеска противпожарната служба.
Во соопштението се наведува дека пожарникарите го пронашле телото на млад човек , кој исчезнал, откако неговиот автомобил бил однесен од река во регионот Пјаноро во близина на Болоња , пренесе АНСА.
– Болоња е под вода, а ситуацијата е полоша отколку во мај 2023 година – изјави привремената градоначалничка на Емилија Ромања Ирена Приоло, наведувајќи дека вкупно 13 општини се во „критична ситуација“, вклучувајќи ги сите Болоња, Реџо Емилија и Модена откако во тоа подрачје за само неколку часа наврнале 175 милиметри дожд на метар квадратен.
Целосно е евакуиран градот Багнокавало во близина на Равена, кој веќе е погоден од поплави, вклучувајќи ги и поплавите од минатиот месец.
Floods in Bologna, Italy's Emilia-Romagna region, have left multiple vehicles submerged under water.
Emergency services are on the scene managing the situation. 🚗
💧 (20.10.2024) pic.twitter.com/LYFsznPV5H
— Facts Prime (@factsprime35) October 20, 2024
Градоначалникот на Болоња, Матео Лепор, на социјалните мрежи апелираше до жителите да не ги напуштаат своите домови и да не користат автомобили во близина на Равона, која се излеа во саботата вечерта.
Лепор изјави дека во Болоња за четири часа паднале повеќе од 80 милиметри дожд на квадратен метар.
Цела Италија беше погодена од обилни дождови и силен ветер, особено Сицилија, која со месеци претходно беше зафатена од силна суша.
Rescue efforts, evacuations continue in Reggio Emilia and other parts of #Italy.
In Campegine, #firefighters saved two dogs stuck in an animal shelter.
In Argenta, evacuations are underway due to a dam burst
The number of deaths from flash floods and floodings in Italy is two pic.twitter.com/1VH0zKZpUS— MIBAWI (@Michael45231497) October 20, 2024
Големи поплави беа пријавени во Тоскана во саботата поради излевање на реката Цечина, предизвикани од пукање на насипи во северниот дел на регионот по обилните дождови што ја погодија областа.
Зголемувањето на нивото на водата следи по обилните врнежи од дожд кои во текот на ноќта го зафатија целиот округ Ливорно, објави весникот „Кориере дела сера“.
Bologna under water as Italy hit by heavy rain and floods 🇮🇹 #italyfloods #bolognaflooding #italyheavyrain #climatechange https://t.co/Y4MoeIYVDY pic.twitter.com/DFqVpTjNVg
— boppinmule (@boppinmule) October 20, 2024
Како мерка на претпазливост евакуирани се десет лица . Поплавите ги зафатија и областите околу Пиза.
Регион
Вучиќ му се заблагодарил на Путин за рускиот гас по поволни цени
Српскиот претседател Александар Вучиќ изјави дека имал „отворен, долг и содржаен“ телефонски разговор со својот руски колега Владимир Путин, со кого не се слушнале речиси две и пол години.
Вучиќ му се заблагодарил на Путин поради тоа што Русија и оваа сезона обезбедила гас за Србија по поволни цени.
Путин испратил честитки по повод 80-годишнината од ослободувањето на Белград, а Вучиќ се заблагодарил на единиците на советската Црвена армија, кои учествувале заедно со српските во ослободувањето на главниот град за време на Втората светска војна.
– Посебно му се заблагодарив на претседателот Путин за сѐ што направи за да има Србија и оваа зима доволно количество гас, по многу поволни цени – порача српскиот претседател на своите профили на социјалните платформи.
Вучиќ истакна дека „изразил надеж“ дека Србија нема да ѝ воведува санкции на Руската Федерација и изразил благодарност на поддршката од Русија во Обединетите нации за интегритетот и територијалниот суверенитет на Србија.
Свет
Хорор во Газа: Израелците бомбардираа станбен комплекс при што загинаа повеќе од 70 лица
Во израелски воздушен напад врз станбен комплекс во градот Беит Лахија, на северот на Појасот Газа, загинаа 73 лица, а повеќе од десетина се ранети, соопшти синоќа Канцеларијата за медиуми во Газа.
Во соопштението се наведува и дека десетици луѓе се под урнатините, а повеќето од жртвите се жени и деца , пренесува Ал Џезира.
Палестинската агенција ВАФА наведува дека израелски воени авиони извршиле интензивно бомбардирање на Беит Лахиа, при што целосно го уништиле станбениот комплекс додека цивили биле внатре.
Многумина се уште се заробени под урнатините, а спасувачките екипи не можат да стигнат до нив.
ВАФА додава дека израелските сили ги гаѓале шаторите во кои се сместени раселените семејства во дворот на болницата Ал-Авда и директно насочени кон возилата на брзата помош.