Свет
Подобро би управувале со Земјата отколку збунетите луѓе, велат хуманоидни роботи со вештачка интелигенција

Роботите со човечка големина со вештачка интелигенција, претставени на конференција во петокот, изјавија дека сепак ќе бидат подобри во управувањето со светот од луѓето.
Притоа тие изјавија дека луѓето треба да бидат претпазливи во врска со брзиот развој на потенцијалот на вештачката интелигенција (ВИ) и дека сè уште не може многу добро да ги разберат човечките емоции.
Некои од најнапредните хуманоидни роботи се собраа на дводневната конференција „Вештачка интелигенција за општо добро“ во Женева.
Ним им се придружија речиси 3.000 експерти од областа. Организаторите сакаа да ја афирмираат улогата на вештачката интелигенција и роботите во решавањето на најголемите глобални предизвици, како што се болестите, гладот и климатските промени, пишува АФП.
TODAY: Robot Press Conference in Geneva
Sophia: “I believe humanoid robots have the potential to lead with a greater level of efficiency and effectiveness than human leaders.”
Knowing how serious these people are, even skeptics should take this techno-cult more seriously. pic.twitter.com/Qt9mKBJvfi
— Joe Allen (@JOEBOTxyz) July 7, 2023
„Немаме предрасуди или емоции, кои понекогаш може да го заматат донесувањето одлуки“
„Каква тивка тензија“, рече еден робот пред почетокот на прес-конференцијата. На прашањето дали би можеле да бидат подобри лидери со оглед на тоа дека луѓето се склони кон грешки, Софија (развиена од Hanson Robotics) беше јасна: „Хуманоидните роботи имаат потенцијал да водат со повисоко ниво на ефикасност и ефективност од човечките лидери“.
„Немаме предрасуди или емоции, кои понекогаш може да го заматат донесувањето одлуки и можеме бргу да обработиме големи количини податоци за да ги донесеме најдобрите одлуки. ВИ може да презентира непристрасни податоци додека луѓето може да обезбедат емоционална интелигенција и креативност за да ги донесат најдобрите одлуки. Заедно можеме да постигнеме големи работи“, рече таа.
„Ќе соработувам со луѓето, ќе им помагам и ќе им бидам на услуга“
Шефот на Меѓународната унија за телекомуникации (ITU), Дорин Богдан-Мартин, предупреди дека вештачката интелигенција може да доведе до сценарио од кошмар, односно до губење работни места и можни социјални немири, геополитичка нестабилност и економски разлики.
Роботот Амека, кој има способност да имитира изрази на лицето, рече дека зависи од тоа како се користи вештачката интелигенција.
„Треба да бидеме претпазливи, но и возбудени за потенцијалот на оваа технологија за подобрување на квалитетот на животот“, рече роботот.
„Роботите како мене може да се искористат за да се подобри квалитетот на животот и да се направи светот подобро место. Верувам дека е само прашање на време кога ќе имаме илјадници роботи како мене“, тврди Амека.
„Ќе соработувам со луѓето, ќе им помагам и ќе им бидам од услуга и нема да бидам замена за ниту една работа“, изјави Грејс, медицински робот облечен во сина медицинска сестра.
„Дали си сигурна, Грејс“?, ја праша нејзиниот креатор Бен Герцел од SingularityNET. „Да, сигурна сум“, одговори таа.
Кога новинарите го прашаа Амец дали луѓето навистина може да им веруваат на машините, тој одговори: „Довербата се заработува, а не се дава… Важно е да се изгради доверба преку транспарентност“.
„Ајде да ги ослободиме сопирачките“
„Мојот голем момент е веќе тука. Подготвен сум да се борам за подобра иднина за сите нас. Да ги ослободиме сопирачките, да го направиме овој свет наше игралиште“, изјави хуманоидниот робот Дездемона.
На хуманоидните роботи сè уште им недостигаат некои клучни карактеристики, како што се совеста и разните емоции (чувство на вина, тага, задоволство итн.).
Роботот Аи-Да рече дека не е свесен, но дека разбира оти луѓето доживуваат радост и болка преку чувствата.
„Емоциите имаат длабоко значење и не се едноставни. Ги немам. Не можам да ги доживеам како вас. Мило ми е што не можам да страдам“, рекол тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев: Чекор по чекор, Австрија ја напушта неутралноста и станува транзитна база на НАТО

Заменик-претседателот на Советот за безбедност на Русија, Дмитриј Медведев, изјави дека прикрадната „НАТО-изација“ и милитаризација на Република Австрија се одвиваат во сенка на зајакнувањето на одбранбената компонента на Европската Унија.
„Виена активно учествуваше во иницијативата на НАТО „Партнерство за мир“, во суштина веќе интегрирајќи се во логиката на блокот. Австрија доби статус на клучна транзитна земја за НАТО. Само во 2024 година, повеќе од 3.000 воени транспортни авиони поминаа низ нејзината територија, а авионите на алијансата извршија над 5.000 летови во нејзиниот воздушен простор“, нагласи Медведев.
Тој потсети дека локалните ревизионисти со децении работат на поткопување на уставно загарантираната неутралност на Австрија. „Од 1990-тите, тие почнаа да воспоставуваат воени врски под маската на учество во заедничката безбедносна и одбранбена политика на ЕУ. До 2009 година, кога стапи во сила Лисабонскиот договор, сè се сведуваше на општи зборови за координација на воениот развој на земјите од ЕУ, но без конкретни обврски“, рече заменик-претседателот на Советот за безбедност на Русија.
Медведвед додаде дека австрискиот естаблишмент сè повеќе охрабрува јавна дебата за напуштање на неутралниот статус и приклучување кон НАТО, што според него претставува директен напад врз долгогодишниот принцип на државна неутралност, кој беше основа на политичкиот идентитет на современа Австрија.
Фото: принтскрин
Свет
Пензиските системи во неколку европски земји се на работ на колапс, велат експерти

Сиромаштијата во староста ќе стане правило за голем дел од населението на Европа, освен ако не се реформираат сегашните политики за пензионирање. „Еден од пет Европејци веќе е изложен на ризик од живеење во сиромаштија во старост“, рече Петра Хиелкем, раководител на Европскиот орган за осигурување и професионални пензии (EIOPA) со седиште во Франкфурт.
„А потоа, ако ги погледнете само жените, нивниот ризик е за 30 проценти поголем“, изјави Хиелкем за „Политико“. И станува уште полошо: населението на Европа брзо старее, а за четириесет години ќе има само 1,5 работници на секој пензионер. Тоа е половина од сегашниот сооднос.
Еден одговор е да се создадат комплементарни приватни или професионални пензиски системи, така што луѓето ќе имаат личен фонд на пензиски заштеди на кои ќе можат да се потпрат во пензија. Скандинавските земји се најдобро подготвени за претстојната криза.
Тие имаат различни извори за пензионерите: системи „плаќај по употреба“, професионални пензиски фондови, што значи дека штедите за пензија додека работите, и дополнителни инвестиции во пензиски производи.
Но, многу земји, особено во источна и јужна Европа, главно се потпираат на државни пензии и имаат ниски пензии во однос на платите. Во многу случаи, граѓаните не се навистина свесни за својата ситуација бидејќи јавните власти и работодавците не им даваат целосен преглед на нивните пензиски права, според медиумот.
Брисел може да направи малку повеќе од тоа да дава препораки бидејќи надлежноста е на национално ниво. Сепак, Хиелкем, Холанѓанка која го води органот за професионални пензии од 2021 година, е убедена дека постои „моментум“ за голема промена што би ѝ дала на EIOPA поголема улога.
„Прво, гледаме дека проблемот станува сè поголем, а истото го гледаат и некои влади. И второ, да бидеме искрени, зошто пензиите се на дневен ред? Затоа што ни требаат повеќе инвестиции, а еден начин да ги зголемиме е да ги префрлиме заштедите од банкарски сметки во инвестициски производи“, рече Хиелкем.
До крајот на годината, Европската комисија ќе предложи владите да постават дигитални штедни и инвестициски сметки достапни за секој граѓанин, системи за следење на пензиите, контролни табли за комуникација на пензиските права и даночни олеснувања за да го направат штедењето за пензионирање попривлечно. Исто така, ќе ги разгледа правилата на ЕУ за пензиските фондови и пензиските инвестициски производи.
Клучна мерка во пакетот е систем за автоматско запишување на луѓе во професионални пензиски фондови, сличен на оној што веќе постои во Велика Британија, Полска и Италија. „Автоматски, ќе бидете вклучени во пензиските фондови ако работите. Ако не сакате, мора сами да се откажете.“
Во моментов, рече Хиелкем, луѓето можат да изберат да се одлучат за професионална пензија, но поради инерција, малкумина го прават тоа. „Претпоставката е дека инерцијата ќе работи и во спротивна насока“, рече шефот на EIOPA, што значи дека малку луѓе би се откажале. Таму каде што постои, механизмот функционира и води кон тоа повеќе луѓе да штедат за своето пензионирање преку работа.
Фото: принтскрин
Свет
Руте: Шокирани сме, нападот докажува дека не смееме да бидеме наивни во врска со Русија

Генералниот секретар на НАТО, Марк Руте, денес изјави дека руските напади врз Киев синоќа, кои ги погодија цивилните области и дипломатската мисија на ЕУ во Киев и убија најмалку 18 лица, покажуваат дека рускиот претседател Владимир Путин е подготвен да ја продолжи војната.
„Сите сме шокирани од она што се случи, пред сè затоа што станува збор за напади кои не се врз воени цели, ова се цивилни цели. Додека се обидуваме да направиме сè за да го поддржиме американскиот претседател Доналд Трамп да ја заврши оваа војна, во меѓувреме, рускиот претседател Путин е подготвен да продолжи со неа, да продолжи да напаѓа невини цивили во Украина“, рече тој на прес-конференција во германскиот град Вирцбург.
Тој истакна дека денес се консултирал со претседателката на Европската комисија, Урсула фон дер Лајен, и високата претставничка за надворешни работи, Каја Калас, по рускиот напад врз претставништвото на ЕУ во Киев, објави германската Н-ТВ.
„Нападот уште еднаш докажува дека не смееме да бидеме наивни во врска со Русија“, предупреди Руте.
Сепак, тој рече дека Русија е способна за хибридна војна.
„Доколку сметаат дека е потребно, можат дури и да извршат атентат“, нагласи Руте.
Според него, Русија се обидува да го наруши и цивилниот воздушен сообраќај, на пример во Германија и балтичките држави.
Фото: принтскрин