Свет
Пожарникари апелираат граѓаните да не стерилизираат маски во микробранова печка
На некои работи како јајца, стиропор или гумени кукли не им е местото во микробранова печка, а пожарникарите на оваа листа ги додадоа и заштитните маски, поради пандемијата на коронавирусот.
Пожарникарите се соочиле со пожари по наводите на социјалните мрежи дека маските можат да се дезинфицираат во микробранова печка.
Со зголемената препорака од здравствените служби и властите ширум светот да се носат заштитни маски, луѓето бараат лесен начин да ги исчистат по употреба, а на многумина микробрановата печка им се видела како добра можност за тоа.
„Тоа е лоша идеја и претставува голем ризик од пожар“, предупредува протвпожарната служба од сојузната држава Вирџинија на „Твитер“.
There are reports of masks being sanitized in microwaves, this is a major fire hazard, please DO NOT place masks in the microwave for any period of time. Instead, follow CDC mask cleaning guidance https://t.co/8jKq2rxKS9. Thanks and stay safe. pic.twitter.com/2ps1B98q3y
— Arlington Fire (@ArlingtonVaFD) April 20, 2020
„Ве молиме НЕ ставајте маски во микробранова печка, дури и за кратко време“.
Пожарникарите во Масачусетс објавија фотографија од запалената кујна, предупредувајќи ги луѓето за загрижувачкиот тренд на ставање маски во микробранови печки во обид да се убијат бактериите собрани на нив.
Проблемот, меѓу другото, е во тоа што некои маски имаат метална жица што ги обликува кога ќе се стават преку носот, со цел подобро да стојат на лицето.
Германските противпожарни служби предупредуваат дека овој метал може да заискри во микробрановата печка и да ги запали маската и микробрановата, а во најлош случај и целата куќа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.