Министерството за одбрана на Естонија ја објави патеката на летот на трите руски воени авиони кои го нарушиле естонскиот воздушен простор.

Во соопштението се наведува дека италијански борбени авиони на НАТО ги придружувале руските летала при напуштање на територијата.

„Нарушувањето“ се случило над Финскиот Залив, северно од главниот град Талин, соопшти министерството.

Објаснуваат дека руските авиони од типот МиГ-31 летале „паралелно со државната граница, од исток кон запад“.

Се додава дека тие навлегле помалку од 10 километри во естонскиот воздушен простор.

Претседателот на Украина, Володимир Зеленски, потврди дека ќе се сретне со претседателот на Соединетите Американски Држави, Доналд Трамп, за време на Генералното собрание на ОН, кое ќе се одржи во Њујорк од 21 до 24 септември.

Во својата изјава за време на средбата со новинарите, Зеленски прецизираше дека за време на престојот во Њујорк ќе има серија билатерални разговори, вклучувајќи ја и планираната средба со претседателот на САД, објави „Украинска правда“.

Претседателот на Украина, исто така, ја спомена можноста за посебна средба меѓу првите дами на Украина и САД, Олена Зеленска и Меланија Трамп , која ќе биде посветена на хуманитарни прашања, особено теми поврзани со децата.

– Бизнис, технологија, одбрана, „бизнис со минерали“. Ова ќе биде комбинирано со голем економски состанок. И состанок со претседателот на Соединетите Американски Држави. Исто така, најверојатно, средба на првите дами на Украина и Америка за хуманитарни прашања, за деца – рече Зеленски.

Тој исто така истакна дека Трамп очекува посилни чекори од Европа во врска со санкциите против Русија.

– Секако, ние ја поддржуваме цела Европа да воведе санкции и да ја заостри царинската политика против земјите што купуваат енергетски ресурси од Русија. Но, поврзувањето на сето ова значи забавување на притисокот врз (рускиот претседател Владимир) Путин. Подготвени сме да се сретнеме со Путин. Разговарав за тоа. И билатерално и трилатерално. Тој не е подготвен – рече Зеленски.

Шумскиот пожар во округот Аксу во Анталија (Турција) е ставен под контрола, а поради претпазливост синоќа биле евакуирани гости од неколку хотели.

Пожарот избувнал околу 21 часот синоќа. Засега не е утврден причинителот, јавува TRT Haberler.

Поради силен ветер, пожарот брзо се проширил и зафатил голема територија. Противпожарни екипи веднаш биле испратени на терен.

Belek Antalya turizminin kalbi
Şu an cayır cayır yanıyor#Antalya #yangın #yangınvar #Belek #cumartesi #FileninEfeleri #SONDAKİKA pic.twitter.com/5gOyDuHPa9

— Muallime (@FatosGzde) September 20, 2025

Гувернерот на Анталија, Хулуси Шахин, рече дека веројатно пожарот избувнал кога земјоделци изгореле отпад близу шумата. Напомена дека пожарот се случил на атрактивна туристичка локација — на границата помеѓу Аксу и Серик, спроти хотели и голф терени. Тој апелираше до граѓаните да бидат особено внимателни во периодот на силни ветрови.

Пожар избувнал и синоќа во округот Алиефенди, близу летувалиштето Аланија. Локалните власти во петок најавиле евакуација на 150 куќи во околината, каде пожарот зафатил пет окрузи.

Alanya saatlerdir yanıyor yeterli müdahaleler yapılmadı yangın söndürme ucaklari gelmedi koskoca bir şehir kaderine terk edildi gündem dahi olamadık… #yangın #alanya #antalya pic.twitter.com/s2NHY7pwOG

— Legitv7 (@Legitv7) September 19, 2025

Според податоци од Генералната дирекција за шумарство, шумски пожари има и во провинциите Мугла и Ајдн.

Во гаснењето на пожарите се вклучени вкупно 14 авиони, 20 хеликоптери и повеќе од 800 лица.