Свет
Помпео ја повика Северна Кореја да го следи примерот на Виетнам

Американскиот државен секретар, Мајк Помпео ја повика денеска Северна Кореја да го следи примерот на Виетнам, кога е во прашање надминување на непријателството со Соединетите Американски Држави.
Помпео побара од севернокорејскиот лидер, Ким Џонг-ун да се угледа на чудотворниот економски раст на Виетнам што се случи по унапредувањето на врските со САД, додавајќи дека Америка ги почитува ветувањата дадени кон некогашните непријатели.
Тој рече дека искуството на Виетнам од нормализирањето на односите со САД во 1995 година, треба да биде доказ за Северна Кореја дека просперитетот и партнерството со САД се можни после децениска недоверба.
Изјавата на Помпео следи по коментарот на севернокорејското министерство за надворешни работи дека разговорите со државниот секретар на САД се за жалење и ги обвини САД дека поставуваат еднострани барања за денуклеаризација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Седумгодишно дете се удави во Грција: уапсени се родителите

Родителите на седумгодишно дете се уапсени од страна на грчката крајбрежна стража под обвинение за изложување на малолетник на опасност, а досието за случајот веќе е испратено до надлежниот обвинител, јавуваат тамошните медиуми.
Седумгодишното дете инаку француски државјанин според последните информации, носело маска за пливање и пловело во водата, без да се движи, а неговите родители првично мислеле дека само си игра но подоцна забележале дека не реагира. Капачи, спасители на EKAB се упатиле кон местото на настанот, но и покрај нивните напори, детето починало. Според написите во тамошните медиуми детето наводно јадело храна два часа пред да влезе во водата, пишува „Неакрити“.
Според официјалното соопштение на Крајбрежната стража „вчера напладне, Пристанишната управа на Ираклион беше информирана дека 7-годишен странец (француски државјанин) е извлечен во несвест од плажата Маде во општина Малевизи.
Во написите се наведува дека 7-годишниот Французин бил на Крит со своите родители на неколкудневен одмор. Вчера, тие отишле како семејство на плажата Маде за да се искапат попладне.
Во еден момент, 7-годишникот ја изгубил свеста додека пливал, а спасувачот го лоцирал и го извлекол од морето. Со извршување на кардиопулмонална реанимација врз него, тој бил вратен во живот и со амбулантно возило на EKAB бил транспортиран во болница.
За инцидентот е наредена обдукција за да се разјаснат причините за неговата смрт.
Регион
Скокнал од карпа висока 17 метри: германски турист повреден додека скокал во морето во Хрватска

Напливот на адреналин речиси довел до трагедија на една од плажите во Хрватска, но поради брзата интервенција на надлежните служби, германски турист, кој бил повреден додека скокал во морето, бил спасен, пренесуваат медиумите во регионот.
Инцидентот се случил во средата доцна попладне, на плажа во Хрватска. За да му се помогне што побрзо на туристот на непристапниот терен, на плажата слетал хеликоптер, пишува „Нови лист“.
Повредениот турист бил префрлен со хеликоптер во болница и, според последните информации, неговиот живот е надвор од опасност.
Вистинската драма на популарната плажа ја виделе капачите.
Пет туристи решија да скокнат во морето од карпа висока 17 метри, која во Брсеч се нарекува Лозаров столб.
Првиот скок, иако многу ризичен, помина без проблем, но за време на вториот скок, еден од нив се повреди и му беше потребна медицинска помош, раскажуваат тие.
Благодарение на извонредната координација на службите за итни случаи, за кратко време пристигнаа и пожарникари од Опатската противпожарна станица, а повредениот турист беше спасен.
Фото: принтскрин
Свет
Фон дер Лајен: ЕУ можеби ќе мора да го намали нивото на отвореност кон увозот од Кина

Претседателката на Европската комисија, Урсула фон дер Лајен, денес изјави дека Европската Унија можеби ќе мора да го намали нивото на отвореност кон увозот од Кина доколку Пекинг не воведе рамнотежа во трговските односи и додаде дека кинеските лидери почнале да го разгледуваат ова прашање и изразиле подготвеност да поддржат поголема потрошувачка.
„За разлика од другите големи пазари, Европа го држи својот пазар отворен за кинески стоки. Ова ја одразува нашата долгогодишна посветеност на трговијата базирана на правила. Сепак, Кина не возвраќа на оваа отвореност“, изјави фон дер Лајен за новинарите по состанокот со кинеските лидери во Пекинг, според Ројтерс.
Самитот Кина-ЕУ се одржува во Пекинг и, според официјалните лица, тоа е клучна можност за продлабочување на стратешката соработка, промовирање на меѓусебно корисни односи и обезбедување глобална безбедност и стабилност, по повод 50-годишнината од воспоставувањето дипломатски односи меѓу Кина и Европската Унија, пренесува Танјуг.