Свет
Федерика Могерини обвинета за измама и корупција
Поранешната шефица за надворешна политика на ЕУ, Федерика Могерини, и уште две лица се официјално обвинети за измама во јавните набавки и за корупција, судир на интереси и кршење професионална тајна, соопшти денеска Канцеларијата на европскиот јавен обвинител (EPPO).
Тројцата вчера беа приведени како дел од истрагата за измама на ЕУ и сега се ослободени во исчекување понатамошна истрага, соопшти EPPO додавајќи дека не се смета оти се изложени на ризик од бегство.
Другите двајца осомничени се висок член на персоналот на Колеџот на Европа во Бриж и висок функционер на Европската комисија. Три извори изјавија за „Ројтерс“ дека еден од приведените е високиот дипломат на ЕУ, Стефано Санино. Ниту Могерини ниту Санино не беше достапен за коментар, објави „Ројтерс“.
Федерика Могерини беше потпретседателка на Европската комисија и висок претставник за надворешна политика и безбедност од 2014 до 2019 година, а од 2020 година е ректор на Колеџот на Европа.
Стефано Санино е еден од најискусните европски дипломати. Тој беше генерален секретар на Европската служба за надворешни активности (EEAS) од 2021 година до оваа година кога ја презеде генералната дирекција на Комисијата за Блискиот Исток, Северна Африка и Заливот.
„Сите лица се сметаат за невини сè додека не се докаже нивната вина од страна на надлежните белгиски судови“, нагласи EPPO.
Белгиската полиција ги претресе просториите на ЕЕАС и Колеџот на Европа во Бриж на барање на EPPO поради сомнение дека престижната постдипломска високообразовна институција добила однапред информации за натпревар за обука на дипломати.
Истрагата се спроведува во врска со проектот „Дипломатска академија на Европската Унија, деветмесечна програма за обука за помлади дипломати во земјите членки“, која Европската служба за надворешни работи (ЕЕАС) му ја додели на Колеџот на Европа во Бриж во периодот 2021 – 2022 година.
Истрагата се обидува да утврди дали Колеџот на Европа, елитна образовна институција, каде што се образоваат многу службеници на ЕУ, бил однапред информиран за критериумите за избор во постапката за конкурс и дали претставниците на Колеџот имале доволно причини да веруваат дека ќе им биде доделена имплементацијата на проектот пред официјалното објавување на конкурсот.
Могерини и Санино, двајцата италијански државјани, се добро познати во дипломатските кругови во Брисел, а веста за нивното притворање предизвика шок во заедницата на ЕУ.
„Политико“ пишува дека скандалот ја става претседателката на ЕК, Урсула фон дер Лајен, соочена со најголемиот предизвик во мандатот – истрага за измама, во која се вклучени две високи личности во Брисел, што се заканува да ескалира во целосна криза.
Точно една година од нејзиниот втор мандат, Фон дер Лајен, која веќе се соочува со прашања за нејзината посветеност на транспарентноста, сега мора да најде начин да докаже дека не е вклучена во скандал што датира од нејзините рани години на функцијата, истакнува „Политико“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж е застрелан откако се обидел нелегално да влезе во имотот на Трамп во Флорида
Mаж е убиен откако се обидел нелегално да влезе во имотот на Трамп во Флорида, објави Скај њуз.
Како што објавија разузнавачките служби, мажот на околу 20-годишна возраст бил застрелан околу 1:30 часот наутро.
Идентитетот на осомничениот сè уште е непознат, а обезбедувањето го забележало човекот на северната порта од имотот.
Носел оружје кое личело на пушка и канта со гориво.
Ниеден агент не е повреден.
Во тек се истраги за идентитетот на човекот и неговиот мотив за делото.
Иако Трамп често го поминува викендот на својот имот, во моментот на инцидентот тој бил во Белата куќа, во Вашингтон, а со него била и сопругата Меланија Трамп.
Свет
Гласањето за трговскиот договор ЕУ–САД може да се одложи поради хаосот со тарифите
Претседателот на Комитетот за меѓународна трговија на Европскиот парламент, Бернд Ланге, предложи одложување на гласањето за трговскиот договор меѓу ЕУ и САД, кое беше планирано за следната недела. Тој истакна дека условите и правната основа на договорот се променети поради неодамнешните американски тарифни мерки.
Ланге оцени дека американската администрација создала „тарифен хаос“ со привремените тарифи на претседателот Доналд Трамп, кои првично беа 10%, а потоа беа зголемени на 15%.
Од партијата Зелени во ЕУ исто така побараа пауза во гласањето додека не се разјаснат сите детали.
Договорот, кој беше постигнат минатото лето, предвидува ЕУ да ги укине царините на многу американски производи, додека САД би вовеле тарифа од 15% на поголемиот дел од европскиот извоз. Намалените царини од ЕУ треба да бидат одобрени од владите на земјите-членки и од Европскиот парламент.
Европскиот парламент минатиот месец привремено ја стопираше работата на договорот поради барањето на Трамп за припојување на Гренланд и заканите со царини кон европските сојузници, но подоцна беше одлучено дека договорот ќе биде ставен на гласање крајот на февруари.
Регион
(Видео) Повторно драма на Јахорина: дете висеше од жичара
На Јахорина се случи вистинска драма кога едно дете висеше од жичара.
Како што известува порталот „Drinainfo“, благодарение на брзата реакција на присутните, детето успешно беше спуштено на земја.
На објавеното видео се гледа дека две лица го држат детето кое висеше од седиштето, додека присутните трчаат да му помогнат безбедно да стигне до земјата.
Засега не е познато дали детето е повредено.
Да потсетиме, пред четири дена на Јахорина дете падна од жичара и со повреди на ногата беше пренесено во болница.

