Свет
Поранешниот полицаец призна вина за скратување на граѓанските права на Џорџ Флојд
![](https://makfax.com.mk/wp-content/uploads/2020/06/200529132040-01-derek-chauvin-screengrab-exlarge-169.jpg)
Поранешниот полицаец од Минеаполис, Дерек Човин, денеска пред сојузниот суд во Минесота призна дека му ги прекршил граѓанските права на Афроамериканецот Џорџ Флојд при апсењето, што заврши со негова смрт, со тоа менувајќи ја неговата изјава од септември кога рече дека не се чувствува виновен по таа точка од обвинението.
На 45-годишниот Човин му се заканува максимална казна доживотен затвор иако обвинителите би можеле да побараат и полесна казна бидејќи тој ја призна вината.
Човин од државниот суд е веќе осуден на 22 и пол години затвор за убиството на Флојд во 2020 година.
Човин и уште тројца полицајци, Томас Лејн, Џ. Александар Куенг и Ту Тао, го уапсија Флојд под сомнение дека користел фалсификувана банкнота од 20 долари.
Лејн, Куенг и Тао се обвинети пред државниот суд за помагање во убиството и нивното судење треба да почне во март.
Освен на државно ниво, сите четворица се обвинети и на сојузно ниво под сомнежи дека на Флојд му ги скратиле неговите граѓански права бидејќи не му укажеле медицинска помош.
Човин на федерално ниво е обвинет и за кршење на правото на Флојд да не биде неоправдано приведен со употреба на прекумерна сила. Тао и Куенг се обвинети на федерално ниво дека го прекршиле правото на Флојд да не биде неоправдано приведен, со тоа што не интервенирале и не го оттргнале Човин додека клечел врз вратот на жртвата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Тинејџер се качил на вагон во Белград, го удрила струја и се здобил со тешки изгореници
![](https://makfax.com.mk/wp-content/uploads/2025/02/voz-struja.jpg)
Момче (15) е тешко повредено откако на железничка станица во Белград го удрило струен удар.
„Телеграф“ јавува дека момчето се качило на возот за да се фотографира.
Со него имало уште двајца 15-годишници кои биле сведоци на несреќата, но како што пишува „Телеграф“, тие не се качиле на вагоните.
Тинејџерот е во многу тешка состојба, се здобил со тешки изгореници по целото тело. Итно бил пренесен во болница и е на респиратор.
Регион
Уште еден силен земјотрес со јачина од 5 степени го погоди Санторини, драмата продолжува: се тресеше во текот на ноќта
![](https://makfax.com.mk/wp-content/uploads/2025/02/Screenshot-2025-02-12-105241.jpg)
Пет земјотреси ја погодија областа меѓу Аморгос и Санторини во текот на ноќта, соопшти Геодинамичкиот институт на Националната опсерваторија во Атина.
Најсилниот земјотрес со јачина од пет степени според Рихтеровата скала се случи утринава во 3 часот и 14 минути на 24 километри југоисточно од Аморгос, пишува „Катимерини“.
Потоа следеа уште четири помали земјотреси со јачина од 4, 4,6, 4 и 4,1, кои беа регистрирани во периодот од 3,35 до 4,23 часот.
Во 6:21 часот е регистриран уште еден земјотрес со јачина од 4,1 степени на 230 километри југоисточно од Атина.
Оваа серија земјотреси е дел од тековната сеизмичка активност која започна на почетокот на февруари.
Од 1 февруари, повеќе од 1.100 земјотреси се регистрирани во регионот на Киклади, од кои најсилниот бил со јачина од 5,3 степени според Рихтеровата скала.
Поради континуираната сеизмичка активност, училиштата на Санторини, Анафи, Аморгос и Јос се повторно затворени оваа недела.
Научниците продолжуваат да предупредуваат дека сеизмичката активност може да продолжи со месеци и дека не ја исклучуваат можноста за голем земјотрес, како и помали вулкански ерупции во областите Неа Камени или Колумба.
Свет
(Видео) Воз и камион се судрија во Германија, десетици повредени, најмалку еден загинат
![](https://makfax.com.mk/wp-content/uploads/2025/02/voz-kamion.jpg)
Најмалку едно лице загина, а 25 се повредени во судир на брз воз и камион во Хамбург, Германија.
Во несреќата шест лица се тешко повредени, соопшти германската полиција.
Како што пренесува германскиот весник „Билд“, еден од патниците во возот бил германскиот телевизиски комичар Бернхард Хокер (54), кој во несреќата се здобил со полесни повреди.
Според извештаите, возот во кој се наоѓале 291 патник се судрил со камион кој превезувал делови од шините.
Иако се уште не е позната точната причина за несреќата, очевидци изјавија дека камионот се обидел да го помине железничкиот премин токму во моментот кога се затвориле бариерите, оставајќи го задниот дел од камионот на шините.
Повредените патници се евакуирани и транспортирани со автобуси до блиската станица.
Повредениот сопатник имал 55 години и починал на местото на настанот.
Причината за несреќата се уште е нејасна, а возачот на камионот е приведен на распит.
Според информациите од федералната полиција, несреќата се случила и покрај итното сопирање на возот.
Полицијата и спасувачките служби распоредија хеликоптер за да помогне во евакуацијата на повредените.