Данијела Ѓорѓевиќ, бабата на пронајденото девојче Дуња Марковиќ, денеска изјави дека на тоа место никогаш не се случило вакво исчезнување на дете и дека верува дека некој го зел девојчето и го вратил на местото каде што е пронајдено.

„Утрово заклучив дека детето е пронајдено толку блиску што се сомневам дека прво било однесено па донесено тука и оставено.

Мислам дека се исплашиле и го вратиле детето“, рекла Ѓорѓевиќ.

Таа им се заблагодари на полицијата и на луѓето за укажаната помош за што поскоро да му се помогне на девојчето. „Не можев да верувам дека ја нема, особено цела ноќ.

„Има само две години, не зборува многу, не ја ни научивме да зборува толку“, изјави Ѓорѓевиќ.

Двегодишната Дуња Марковиќ, која исчезна во понеделникот во Уб, утрово е пронајдена во свесна и комуникациска состојба и пренесена на преглед во болница.

Девојчето го пронашло куче трагач од планинската спасувачка служба на оддалеченост од околу два до три километри од куќата, пренесува Танјуг.

Американскиот претседател Доналд Трамп не мораше долго да чека одговор од Канада по неговата одлука да воведе царина од 25 отсто на увозот од северниот сосед.

Имено, премиерот на Онтарио Даг Форд изјави дека е подготвен да престане да извезува струја во САД „со насмевка на лицето“, објави „Хил“.

„Доколку сакаат да се обидат да го уништат Онтарио, јас ќе направам се, вклучително и прекинување на нивното снабдување со енергија и ќе го сторам тоа со насмевка на лицето“, рече Форд на рударски саем во Торонто, објави Торонто Сан.

Ontario Conservative Premier Doug Ford Just said Canada is prepared to make electricity unaffordable for Americans by cutting off energy supplies to the U.S. in response to Trump’s tariffs:

"I will do anything , including cutting off their energy, with a smile on my face." pic.twitter.com/DzTWUx5n2A

— PoliticsVideoChannel (@politvidchannel) March 4, 2025

Форд ја потврди својата подготвеност да одговори со одмазднички царини, нагласувајќи дека САД се главен купувач на канадската електрична енергија.

„Тие зависат од нашата енергија. Тие треба да ја почувствуваат болката. Ако сакаат да одат против нас, ние ќе возвратиме двојно посилно“, рече тој.

САД се најголемиот увозник на електрична енергија од Канада. Во текот на 2023 година, Канада извезла 38 милиони мегавати електрична енергија во САД. Според извештајот на канадските медиуми, Форд рече дека ќе возврати „долар за долар“ со воведување царини „Токму тоа ќе го направиме“, рече премиерот на Онтарио.

Форд сугерираше дека федералните и провинциските влади се обединети во нивниот пристап во борбата против американските царини.

Папата Франциско добро се одмори во текот на ноќта, соопшти денеска Ватикан, откако 88-годишниот папа имаше респираторни проблеми еден ден претходно додека се бори со билатерална пневмонија во болница. Франциско е во римската болница Гемели од 14 февруари, а вчера имаше две епизоди на акутна респираторна инсуфициенција, соопшти Ватикан.

Морале да го поврзат на неинвазивна механичка вентилација за да му помогнат полесно да дише. „Папата спиеше цела ноќ и продолжува да се одмора“, објави накратко Ватикан. Целосните медицински информации за состојбата на Папата се очекуваат вечерва.

Папата Франциско не е виден во јавноста откако беше примен во болница, што е негово најдолго отсуство откако го започна својот понтификат во 2013 година, а неговите лекари не кажаа колку долго би можело да трае неговото лекување.

Вчерашното влошување следеше по неколкудневните релативно оптимистички извештаи за неговата состојба. Ватикан соопшти дека двете респираторни епизоди биле предизвикани од акумулација на ендобронхијална слуз. Папата доживеа и бронхоспазам, сличен на напад на астма, поради што лекарите беа принудени да направат две бронхоскопии за да ги прегледаат неговите дишни патишта.

Сè уште треба да се внимава во однос на прогнозата, соопшти денеска Ватикан, што значи дека сè уште не е надвор од животна опасност. Анонимен претставник на Ватикан изјави дека крвната слика на папата Франциско вчера била стабилна. Лекарите на папата веруваат дека респираторната епизода е дел од нормалниот одговор во борбата против инфекцијата, додаде официјалниот претставник.