Свет
Порноактерката Сторми Даниелс ќе објави книга за аферата со Трамп
![](https://makfax.com.mk/wp-content/uploads/2018/09/srtormi-dniels.jpg)
Сторми Даниелс, американската порноактерка која тврди дека имала афера со претседателот на САД, Доналд Трамп, вчера изјави дека ќе ги објави своите мемоари со наслов „Целосно разоткривање“.
Даниелс, чие вистинското име е Стефанс Клифорд, во американското ток-шоу The View најави дека книгата ќе биде објавена на 2 октомври.
Таа стана позната по тврдењата дека во 2006 година имала афера со Трамп и дека ѝ била платена голема сума за воопшто да не зборува за таа ситуација.
Поранешниот адвокат на Трамп, Мајкл Коен, неодамна потврди дека се согласил да плати 130.000 американски долари пред претседателските избори во 2016 година во замена за молкот на Даниелс за наводните односи со Трамп.
Според нејзиниот издавач, Даниелс во книгата зборува за тоа како почнала да работи во порно индустријата и ги опишува настаните што довеле до тајниот договор, како и обидите за заплашување.
Трамп и натаму ја негира аферата со Даниелс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.