Свет
Порoшенко: Путин е луд манијак 22 години
Поранешниот претседател на Украина, Петро Порошенко, зборуваше за „Н1“ за последните напади на Киев, кои резултираа со губење на електрична енергија во голем дел од градот.
Тој ги повика западните сојузници да продолжат да ѝ помагаат на Украина.
„Украина е под руски напад осум години, плаќа висока цена да се врати под закрила на европското семејство. Денеска е 250. ден од руската инвазија и утринава цела Украина ја разбуди звукот на повеќе од 50 ракети и проектили што ја погодија критичната инфраструктура и цивилните објекти“, изјави Порошенко за N1.
Порошенко посочува дека дури 60 отсто од Киев останал без струја, а најголемиот дел од градот исто така бил без вода.
„Луѓето во Европа имаат привилегија да пијат кафе наутро со кроасан, а украинските деца и семејствата мора да останат во темни соби, станови без вода, со голема опасност да бидат убиени од руски манијак“, вели тој, додавајќи дека Украина не се плаши од уцена на рускиот претседател Владимир Путин.
„Кога Путин ја уценува Европа и светот, ние не се плашиме од уцена; тој ги уценува цените на храната, го блокира протокот на гас и нафта во Европа, се заканува со нуклеарно оружје, ја напаѓа нуклеарната централа во Запорожје. Ве потсетувам како Путин го започна својот мандат во 2000. Нападна цивилна зграда, уби стотици Руси, само затоа што сакаше да си го подигне рејтингот. Ова е демонстрација дека Путин е луд манијак 22 години“, вели поранешниот украински претседател.
„Украинците се нескротливи и сите ние мора да го осудиме тоа што се случува. Свикуваме вонреден состанок на Советот за безбедност на ОН и Путин за краток период треба да се појави зад решетки во Хаг на меѓународниот суд.
„Повеќе од 35 отсто од енергетската инфраструктура беше уништена, но го изненадивме светот бидејќи Путин проблемот со енергијата и храната го претвори во оружје. Украина е подготвена. Ниту една земја во Европа не може да опстане под овие услови, но ќе успееме бидејќи за нас слободата, демократијата и враќањето во европското семејство е поважно од недостатокот на струја. Подобро е да се биде во темнина отколку да се биде роб. Ова е само уште еден доказ дека Украина е најеврооптимистичката нација “, рече Порошенко.
Порошенко смета дека руската агресија не може да трае и додава дека Украина смета на помошта на своите сојузници од Западот.
Порошенко наведува дека сега е важно да има генератори и трансформатори за енергетската инфраструктура.
„Истрелаа голем број ракети кон инфраструктурата, ни требаат голем број резервни делови. Ви благодариме за оружјето, но сега ни треба енергетска помош. Кога го слушате Путин, не верувајте му и не плашете се“, додаде тој.
„Тешко е да се најде компромис, Путин сака да нè убие. Единствениот начин да се запре војната и да се преговара е Русија да ја напушти нашата земја. Инструментот за запирање на војната е депутинизација, депутинизација на светот, Европа, вклучително и проруски партии, новинари, невладини организации затоа што тој сака да искористи се за да ја нападне демократијата. Она што сега и треба на Украина е мир преку победа“, изјави Порошенко за N1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.