Свет
Постојат силни индиции дека убиецот на 4 лица во трамвајот во Утрехт имал терористички мотив
Холандските обвинители денеска соопштија дека имаат силни индиции оти човекот обвинет за убиство на четворица патници во трамвај во централниот град Утрехт во март имал терористички мотиви, пренесува „Спутник“.
Според обвинителите, 37-годишниот Ѓокмен Танис, роден во Турција, оставил рачно напишано писмо во својот автомобил, во кое пишува: „Го правам ова за мојата религија- убивате муслимани и сакате да ни ја одземете религијата, но нема да успеете, Алах е голем”.
Обвинителите понатаму рекоа дека нивните сомневања произлегуваат од две изјави на Танис пред да одбие понатаму да зборуваа. Официјалните лица, сепак, не дадоа никакви информации за изјавите.
Пукањето се случи на 18 март во трамвај во централен Утрехт. Првично, турската новинска агенција „Анадолија“ објави дека осомничениот имал расправија со член на семејството.
Сепак, следниот ден холандските власти рекоа дека сериозно ја разгледуваат можноста за терористички мотиви зад овој инцидент.
Танис, кој беше уапсен неколку часа по инцидентот, ја презеде одговорноста за нападот и рече дека дејствувал сам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.