Свет
Преговорите за иранската нуклеарна програма без конкретен резултат

Новата седма рунда преговори за договорот за иранската нуклеарна програма во Виена заврши без приближување на ставовите, но со договор да продолжи кон средината на следната недела.
„Ни претстојат уште многу предизвици“, нагласи преговарачот од ЕУ, Енрике Мора.
Тој во изјава за новинарите додаде дека не останува уште многу време, а има многу работа, предупредувајќи дека времето за преговори не е неограничено.
Дипломатите од Франција, Германија и од Британија изразија разочарување и загриженост бидејќи Иран предложи промена на текстот од претходните шест рунди разговори.
Пред пет месеци Иран ги прекина преговорите и оттогаш продолжи да ја развива својата нуклеарна програма, се жалат западните дипломати.
Кинескиот амбасадор при ОН во Виена, Ванг Џун, за новинарите изјави дека преговарачите ќе ја продолжат својата работа во Виена кон средината на следната недела, а според него, разговорите би можеле да продолжат во вторник или среда.
Тој додаде дека делегациите сега мора да се вратат во своите престолнини и да одржат политички разговори.
Кинескиот амбасадор разговорите во Виена ги оцени како умерено продуктивни.
Иран на разговорите во Виена, први по претседателските избори во земјата, дојде со целосно нов преговарачки тим, кој се сретна со речиси сите преговарачки делегации.
Сепак, немаше директни разговори со САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.