Свет
Пред да биде киднапиран со сопругата и децата, Израелец испратил очајни пораки до својата сестра

Сестра на заложник на Хамас се присети на очајниот разговор на „ВатсАп“ со него кога милитантите упаднаа во неговиот кибуц.
Офри Бибас Леви, чиј брат Јарден Бибас, неговата сопруга Шири и двете деца беа киднапирани од групата, рече дека прво испратил порака за да му каже на своето семејство да оди во безбедна соба. Поради тоа што се на границата со Газа, ракетните напади се редовна појава, објасни таа. Но, подоцна слушнале дека Хамас упаднал во кибуцот, пукајќи во цивили и палејќи куќи.
Нејзиниот брат и напишал: „Се трудиме децата да бидат тивки, но тешко е, тие се бебиња“.
Му реков да се погрижи децата да молчат. Тој рече: „Се трудиме, но тешко е. Тие се бебиња’. Потоа рече дека може да слушне многу пукотници пред нивната куќа и терористи кои врескаат на арапски“, ја започна својата потресна приказна за Скај њуз, Офри Бибас Леви.
Во пораките се збогувал со сестра си
„Повторно, им реков да молчат. А потоа тој рече: „Потресен сум. Се чувствувам како да е готово“, исто така рече и: „Те сакам“.
Му испратив порака: „Молчи… Не кажувај го тоа. Не кажувај збогум“, раскажа таа.
Десет минути подоцна, нејзиниот брат напишал дека Хамас доаѓа, а нејзиното семејство никогаш повеќе не слушнало за нив, рече Бибас Леви.
Тие не знаат каква е нивната судбина
Таа рече дека од фотографиите и видеата објавени од Хамас открила дека се заробени, но нивната судбина допрва ќе се знае.
„Не знаеме ништо за тоа каде биле чувани, дали бебињата имаат храна… не знаеме дали биле мачени, не знаеме ништо.
На прашањето дали ослободувањето на двајцата заложници во текот на викендот и дава надеж, Бибас Леви рече дека чувствува „измешани емоции“.
„Секако дека сме среќни поради нив, но сето тоа е дел од пропагандата на Хамас. Мислам дека тоа не е чекор кон некаков вид на преговори.
За тоа каква ќе биде нејзината порака до милитантите на Хамас кои го држат нејзиното семејство во заложништво, таа рече:
„Чувајте ги на безбедно, ги сакаме, ни недостигаат, сакаме да се вратат“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) „Таа е неверојатна, ама не сакам да влезам во неволја“- Трамп за сопругата на британскиот премиер

Американскиот претседател Доналд Трамп упати пофалби за Викторија Стармер, сопругата на британскиот премиер Кир Стармер, за време на средбата на двајцата државници во Тернбери, Шкотска.
Иако звукот од гајдите го надвладеа Трамп, се слушна како американскиот претседател вели: „Сакаме да го усреќиме премиерот.“
Говорејќи за Викторија Стармер, Трамп додаде:
„Таа е почитувана личност низ целите Соединети Американски Држави. Не знам што работи тој, но таа е многу почитувана, подеднакво почитувана како и тој. Не сакам да кажам повеќе, ќе влезам во неволја. Но, таа е многу, таа е прекрасна жена и многу е почитувана“, пренесува Express.
🚨🇬🇧🇺🇸 Trump welcomes Britains most hated Prime Minister ever & all round Global Communist Keir Starmer along with his estranged Wife to his Residence in Turnberry, Scotland pic.twitter.com/3T9a4oB4hh
— Concerned Citizen (@BGatesIsaPyscho) July 28, 2025
По долгиот разговор помеѓу премиерот и претседателот на врвот од скалите, Трамп се сврти да одговори на новинарските прашања додека гајдите продолжија да свират гласно.
Меѓу другото, едно прашање се однесуваше на царините на виски.
„Ќе разговараме за тоа, не знаев дека вискито е проблем. Не сум голем љубител на виски, но можеби треба да бидам“, рече Трамп.
За време на кратката средба пред официјалниот разговор, лидерите се осврнаа на теми од нелегална миграција до војната во Газа.
Свет
Американскиот потпретседател: Бајден, Обама и Буш го прикриваа случајот Епштајн

Американскиот потпретседател Џеј Ди Венс денес изјави дека претседателот Доналд Трамп сака целосна транспарентност во случајот со Џефри Епштајн.
Тој додаде дека поранешните претседатели Џо Бајден, Барак Обама и Џорџ В. Буш „го прикриле овој случај“.
„Претседателот (Трамп) му наложи на државниот обвинител да ги објави сите веродостојни информации и, искрено, да пронајде дополнителни веродостојни информации поврзани со случајот Џефри Епштајн. Тој е неверојатно транспарентен во врска со овие работи, но дел од тоа бара време“, изјави Венс при обраќање во Кантон, Охајо, пренесува „Си-ен-ен“.
Венс додаде дека „постојано“ е во контакт со државната обвинителка Пем Бонди, која во моментов, како што рече, „вредно работи на ова прашање“.
Тој посочи дека администрациите на Обама и Буш биле „млаки“ во однос на Епштајн, кого го нарече посрамен финансиски магнат и „педофилски олош“.
„Ниту целосно го истражија случајот, ниту покажаа некакво вистинско интересирање за него, а сега Доналд Трамп бара од своето Министерство за правда да покаже целосна транспарентност – и некако тоа станува критика за Трамп, наместо за Обама и Буш“, рече Венс.
Во времето на администрацијата на Буш, американскиот обвинител Алекс Акоста – кој подоцна служеше и во првата администрација на Трамп како министер за труд – одби да го гони Епштајн, што му овозможи да избегне федерални обвиненија.
Свет
Трамп тврди: Моето претседателство спречи шест големи војни

Американскиот претседател, Доналд Трамп, изјави дека неговото присуство во Белата куќа, односно тоа што е на позицијата претседател на САД, спречило избувнување на шест големи војни низ целиот свет, вклучувајќи и потенцијален вооружен конфликт меѓу Индија и Пакистан.
„Да не бев тука, ќе имавте шест големи војни во моментов. Индија ќе се бореше против Пакистан“, рече Трамп во Шкотска, пред средбата со британскиот премиер Кир Стармер, тврдејќи дека неговата администрација одиграла клучна улога во деескалацијата на кризите во неколку глобални жаришта, пишува Гардијан.
Како пример, тој го наведе спорот меѓу Тајланд и Камбоџа, за кој посочи дека благодарение на неговата интервенција, вклучително и заканата за прекин на трговските преговори, е постигнато примирје.
Трамп, исто така, посочи на придонесот на неговата администрација за намалување на тензиите и поддршка на мировните напори меѓу Руанда и Демократска Република Конго.