Свет
Премиерката на Нов Зеланд го прекрши правилото за да се фотографира со обожавателите

Премиерката на Нов Зеланд, Џасинда Ардерн, се најде под удар на јавноста откако го прекрши правилото за социјална дистанца за да се фотографира со обожавателите за време на кампањата.
Ардерн минатата недела беше на еден универзитет како дел од кампањата како лидер на Лабуристичката партија на претстојните избори.
Жителите на Нов Зеланд ќе излезат на гласање на 17 октомври, откако пандемијата на коронавирус ја принуди владата да ги одложи изборите за еден месец.
Сепак, за време на кампањата, премиерката го наруши социјалното растојание и се фотографираше со обожавателите, пренесува News.com.au.
Селфито вклучува најмалку 17 лица заедно со премиерката, а никој не носел маска.
Hospitality businesses can’t make money at Level 2 because of single server and social distancing rules. Meanwhile, the person responsible for the rules is self-serving and not social distancing. pic.twitter.com/4HUMKJNkU4
— David Seymour (@dbseymour) September 18, 2020
Тековните ограничувања значат дека жителите на Нов Зеланд одржуваат растојание од два метра со цел да спречат ширење на коронавирусот.
Премиерката била опкружена со маса приврзаници заминувајќи од Универзитетот, а откако наводно побарала простор, се согласила да направи селфи со нив.
“I’ve acknowledged it was the wrong thing, I shouldn’t have taken a selfie, you know I’m not going to defend it” @jacindaardern @TheAMShowNZ #selfiegate #nzpol pic.twitter.com/tDJnObxuqC
— The Orwellian ?? (@TheOrwellianNZ) September 21, 2020
Ардерн се извини за селфито, велејќи дека тоа било „погрешна работа“.
Како што рече, требало да ги замоли луѓето да се држат на растојание едни од други, но признава дека погрешила и дека и е жал поради тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Градоначалникот на Лондон му одговори на Трамп: Тој е мизогинист, расист, сексист

Градоначалникот на Лондон, Садик Кан, возврати на најновите критики на американскиот претседател Доналд Трамп, нарекувајќи го „расист, сексист, мизогинист“ и „исламофоб“, објави Скај њуз.
Кан рече дека „живее бесплатно“ во главата на Трамп откако американскиот претседател го искористи својот говор пред Генералното собрание на ОН во вторникот за да ја критикува Велика Британија, со посебен фокус на Лондон, според медиумот.
Трамп продолжи со своите долгогодишни критики кон Кан, велејќи дека главниот град на Велика Британија го води „ужасен градоначалник“ кој го „променил“ градот.
„Имате ужасен градоначалник“
„Го гледам Лондон, каде што имате ужасен градоначалник, ужасен, ужасен градоначалник. И градот се промени, толку многу се промени“, рече Трамп: „Сега сакаат да воведат шеријатски закон. Но, вие сте во друга земја, не можете да го направите тоа“.
Замолен да ги коментира нападите на американскиот претседател, Кан рече: „Мислам дека претседателот Трамп покажа дека е расист, дека е сексист, дека е мизогинист и дека е исламофоб“. Тој продолжи велејќи дека јавноста треба „да се праша што е тоа со овој муслимански градоначалник кој раководи со либерален, мултикултурен, прогресивен и успешен град што го прави да изгледа како да живее во главата на Доналд Трамп бесплатно“.
Трамп, исто така, го обвини Кан за порастот на криминалот во Лондон, за кој тврди дека „се зголемил нагло“, и го нарече „катастрофа“ за имиграцијата. Овие коментари, дадени во претседателскиот авион Ер Форс Уан на враќање кон Вашингтон, предизвикаа остра реакција од канцеларијата на градоначалникот на Лондон.
„Лондон е побезбеден од американските градови“
„Лондон е најголемиот град во светот, побезбеден од големите американски градови и ние сме воодушевени што го поздравуваме рекордниот број американски граѓани кои се преселуваат тука“, рече портпаролот на Кан.
Фото: принтскрин
Свет
Авионот со шпанската министерка за одбрана го изгуби ГПС-сигналот

Воениот авион што ја превезуваше шпанската министерка за одбрана Маргарита Роблес утрово доживеа нарушување на глобалниот систем за позиционирање – ГСП-сигналот додека беше на пат кон Литванија, објавија шпанските власти.
Инцидентот се случил додека шпанскиот авион летал во близина на руската енклава Калининград, објави „Скај њуз“.
Авионот на претседателката на Европската комисија, Урсула фон дер Лајен, исто така имал проблеми со ГСП-сигналот на 1 септември за време на летот кон Бугарија, според написите.
„Можеме да потврдиме дека имало ГСП-блокирање, но авионот безбедно слета во Бугарија. Добивме информации од бугарските власти дека се сомневаат оти тоа се должи на очигледно руско блокирање“, рече тогаш портпаролот на ЕУ.
Фото: принтскрин
Свет
(Видео) Свлечишта, поплави, изолирани села во делови од Италија

Во италијанскиот регион Комо обилните дождови предизвикаа свлечишта и поплави, кои го погодија и центарот на градот Комо, објавува денес „Анса“.
Le immagini dal drone dell'enorme voragine che si è aperta lungo la Sp38, tra Cantù e Alzate Brianza, dopo la forte ondata di maltempo che si è abbattuta sulla provincia di Como nella giornata di lunedì 22 settembre. pic.twitter.com/IPzODbMqtv
— Local Team (@localteamit) September 23, 2025
Сериозни поплави беа пријавени по полноќ во центарот на градот, каде што локалната полиција ги затвори брегот на езерото и другите главни патишта, кои беа затрупани со кал и остатоци.
🚨 Yesterday France, now it's Italy. Violent storms hit Lombardy near Lake Como, destroying several homes in Blevio.
📹 Anna Graziapic.twitter.com/r02RxzKWLo
— Volcaholic 🌋 (@volcaholic1) September 22, 2025
Ситуацијата е повторно критична во некои општини на брегот на езерото, кои веќе беа погодени во претходните часови, почнувајќи од Фаџето Лари и Блеви на источниот брег на езерото Комо, кои беа погодени од поплави, до Блеви, каде што ново свлечиште изолира неколку села, од кои триесетина луѓе беа раселени.
Пожарникарите одговорија на стотици повици, а ситуацијата е критична на сите патишта во оваа покраина.
Фото: принтскрин