Свет
Премиерот на Ирак информира за апсењето на бандата на смртта во Басра

Ирачкиот премиер и врховен командант на вооружените сили, Мустафа ал-Кадими, вчера информира за апсење на т.н. банда на смртта за која се верува дека е одговорна за убиството на активисти и новинари во градот Басра за време на антивладините протести во 2019 година, пренесува „Мидл Ист монитор“.
„Смртоносната банда, која го преплаши нашиот народ во Басра и посеа смрт на нејзините улици и уништи многубројни животи, падна во рацете на хероите на нашите безбедносни сили во рамките на подготовките за фер и јавно судење“, напиша Ал-Кадими на „Твитер“ додавајќи дека сторителите што извршиле убиства ќе бидат казнети и правдата ќе надвладее.
The death squad which terrorised our people in Basra, and killed innocents, are now in the hands of our heroic forces, on their way to a fair trial.
We got the killers of Jinan and Abdulsamad, and we will get the killers of Reham, Hosham, and all others.
Justice will not sleep.— Mustafa Al-Kadhimi مصطفى الكاظمي (@MAKadhimi) February 14, 2021
На крајот на минатиот месец Ал-Кадими вети дека ќе ги казни сите оние што биле вмешани во пролевање ирачка крв, вклучувајќи ги и оние што учествувале во убиството на антивладините демонстранти во октомври 2019 година.
Според официјалните процени, околу 565 Ирачани се убиени во текот на протестите вклучувајќи и безбедносни службеници. Демонстрантите бараа подобрување на услугите, отворање работни места и ставање крај на политичката корупција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.
Свет
Повеќе од 40 повредени во масовниот руски напад врз Киев, меѓу оние кои починаа има и дете

Украина соопшти дека најмалку четири лица се убиени, а 13 други се ранети во главниот град Киев за време на голем руски напад врз земјата во текот на ноќта.
„Според ажурираните податоци, досега 13 лица се повредени (вклучувајќи едно дете) и четворица починаа (вклучувајќи едно дете) како резултат на нападот врз Киев“, изјави Тимур Ткаченко, началник на Воената администрација на градот Киев, на Телеграм.
Ткаченко додаде дека е предизвикана штета на неколку станбени и нестанбени згради во областите Дарницки, Свјатошински, Соломијански, Холосиевски и Днепровски, вклучувајќи го и кардиолошкиот институт. Гувернерот на регионот Киев, Микола Калашник, изјави дека најмалку 28 лица, меѓу кои и три деца, се повредени во регионот околу главниот град.
„Четири лица се хоспитализирани во регионалните болници, тројца возрасни и едно дете. Сите се хоспитализирани во умерено сериозна состојба“, додаде Калашник.
Украинските воздухопловни сили тврдат дека воздушната одбрана соборила 568 од 595 дронови, како и 43 од 48 различни видови ракети лансирани од Русија преку ноќ, а главна цел бил Киев.