Свет
Претседателски избори на Исланд, тесна трка меѓу три жени
Исланд денеска го избираасвојот седми претседател, а се очекува тесна трка меѓу три жени, пишува германската агенција ДПА.
Исклучително популарниот претседател Гудни Јоханесон повторно не се кандидираше. Тој ја извршуваше таа функција од 2016 година, а беше реизбран во 2020 година кога освои 92 отсто од гласовите.
Поранешната премиерка Катрин Јакобсдотир е една од фаворитите. Таа поднесе оставка во април за да се кандидира за претседателската функција.
Голема поддршка имаат и Хала Томасдотир, претприемачка кој исто така се кандидираше во 2016 година и Хала Хрунд Логадотир, експерт за заштита на животната средина и професор од Универзитетот Харвард.
Неодамнешната анкета објавена од дневниот весник Моргунбладид покажа дека Јакобсдотир води со 26 отсто поддршка од гласачите, следена од Томасдотир со 24 отсто, а 19 отсто велат дека ја поддржуваат Логадотир.
На претседателските избори има вкупно 12 кандидати. Претседателот има претежно церемонијална улога, но може да стави вето на законите и да распишува референдуми. Изборните резултати се очекуваат утре рано наутро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Папата Франциско повторно е тешко настинат: „Ве молам простете ми, тешко ми е да зборувам“
Папата Франциско не ја прочита својата порака до аџиите на денешната општа аудиенција поради силната настинка.
Франциско (88) во последните две години неколку пати страдаше од грип и поврзани респираторни проблеми. „Ве молам простете ми, но со толку лоша настинка, тешко ми е да зборувам“, накратко рекол Франциско.
Подготвената порака на присутните им ја прочитал еден од неговите помошници. Иако зборуваше малку, папата остана присутен во текот на целочасовната аудиенција.
Покрај респираторните проблеми, Папата има тешкотии и во движењето поради болните колена, а неодамна двапати падна во својата резиденција во Ватикан, при што во декември го повреди образот, а овој месец раката.
Свет
(Видео) Еден убиен, петмина повредени во пукање во Охајо, напаѓачот е во бегство
Вооружен напаѓач уби едно лице и рани пет во вторникот во зградата на магацин во Њу Албани, соопштија градските власти.
Напаѓачот е идентификуван и полицијата „работи на фаќање на осомничениот“, се вели во соопштението на градската управа на Њу Албани. Сите вработени се евакуирани од магацинот, се додава.
BREAKING: “Active shooter situation at KDC/One” – New Albany PD
Police say there are multiple victims and several people transported to the hospital.
The suspect or suspects are unknown at this time, according to police. They’re asking people to stay away from the area. pic.twitter.com/WxMwSULp8r
— Isabelle Hanson (@IsabelleWSYX6) February 5, 2025
Инцидентот се чини дека е „насочен тип на напад“, изјави началникот на полицијата во Њу Албани, Грег Џонс, за „Ен-би-си 4“, без да даде детали.
Тој додаде дека пред пукањето немало расправија, а не се соопштува ниту мотив.
На местото на настанот е пронајдено огнено оружје, се вели во извештајот.
Петмина повредени се пренесени во болница.
Свет
(Фото) 70% од Газа е уништена
Газа претрпе огромно уништување во текот на 15-те месеци војна.
Повеќе од 46.000 Палестинци се убиени, според Министерството за здравство на Хамас, а голем дел од инфраструктурата е целосно срамнет со земја во израелските воздушни напади.
Сателитскиот центар на Обединетите нации (UNOSAT) објави дека 70% од сите згради во Газа се уништени или оштетени, а 68% од патната мрежа во појасот е оштетена или уништена.
Податоците од здравствениот систем покажуваат дека половина од болниците во Газа се затворени, додека останатите се само делумно функционални – што значи дека многу од оние кои се уште се отворени немаат капацитет да лекуваат хронични болести и сериозни повреди.