Свет
Пригожин им се налути на Русите и им порача да прекинат да лажат

Борбите за Бахмут траат осми месец. Во време на голема украинска контраофанзива, која ослободи огромна територија во близина на Харков, Бахмут беше познат како единственото место каде што Русите напредуваа.
Уште тогаш се очекуваше падот на градот, а во неколку наврати Евгениј Пригожин, шефот на Вагнер кој е задолжен за овој град, изјави дека освојувањето на градот е само прашање на денови.
Сепак, тоа се уште не се случило. Иако Украинците се притиснати во западните делови на градот, во последните денови се случија неколку значајни работи.
Во неколку наврати, Украинците изведуваа помали, локализирани контранапади кои беа успешни. Во текот на изминатите четири дена, руските сили во неред се повлекоа од своите позиции на јужното крило на Бахмут, објави во саботата британското Министерство за одбрана.
По тоа повлекување, украинските сили повратија најмалку еден километар територија. Москва во петокот призна дека нејзините сили се повлекле северно од Бахмут по нова офанзива, за што шефот на приватната армија на Вагнер, Евгениј Пригожин рече дека е пораз.
Тој обвинини дека не испратиле доволно муниција во Бахмут. Во неколку наврати, изразил страв дека неговите сили ќе бидат отсечени во случај на украински контранапад, бидејќи не можел да смета на редовните руски сили.
Последниве денови Пригожин не го крие својот гнев и практично секојдневно има гневни испади во кои ги обвинува Русите за се и сешто. И вчера ги повтори обвинувањата дека редовните руски сили се предале и побегнале и на тој начин им дозволиле на Украинците кај Бахмут да заземат повисоки и подобри позиции.
Пригожин вели дека за целосно да го освои Бахмут, Вагнер требало да окупира околу 20 високи згради.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.