Свет
Пригожин погребан во тајност: шефот на „Вагнер“ закопан во неговиот роден град

Зад затворени врати во Санкт Петербург се одржа „проштална церемонија“ за шефот на платеничката група „Вагнер“, Евгениј Пригожин, кој загина во авионска несреќа минатата недела, соопштија неговите портпароли.
„Оние кои сакаат да се збогуваат со водачот треба да одат на гробиштата Пороховска во Санкт Петербург, неговиот роден град“, се вели во соопштението.
Претходните извештаи на медиумите за погребот споменуваа други гробишта во градот како можни места за погребување на Пригожин.
Претходно беше објавено дека Владимир Путин не планира да присуствува на погребот на Пригожин, изјави портпаролот на Кремљ, Дмитриј Песков.
Тој им рече на новинарите дека Кремљ не знаел за планираните погреби, велејќи дека тоа е семејна работа, пренесе „Ројтерс“.
Рускиот истражен комитет во неделата потврди дека Пригожин е меѓу луѓето кои загинаа во авионската несреќа минатата среда. Комитетот во соопштението наведува дека по вештачењето, сите 10 тела пронајдени на местото на настанот се идентификувани.
Авион кој летал од Москва за Санкт Петербург се урна во средата вечерта во областа Твер. Сите 10 луѓе во авионот загинаа.
Пригожин (62) водеше бунт против руското воено раководство на 23 и 24 јуни.
Медиумите поврзани со „Вагнер“ побрзаа да сугерираат дека руски противвоздушен проектил го соборил авионот. Кремљ ги демантираше обвинувањата оценувајќи ги како шпекулации.
Лидерот на Вагнер, Евгениј Пригожин и стана познат на светската јавност по улогата на неговата платеничка група во војната во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белорусија испраќа рекордни количини бензин во Русија

Белорускиот железнички извоз на бензин во Русија се зголеми за четири пати во септември во однос на претходниот месец, бидејќи Москва се справува со недостиг на гориво предизвикан од украинските напади врз нејзината енергетска инфраструктура, објавија извори од индустријата синоќа, објави „Ројтерс“.
Неколку руски региони беа принудени да воведат мерки за штедење и привремено да ги замрзнат цените на горивата во последните недели. Причината е недостигот на популарни видови бензин предизвикан од напади со беспилотни летала насочени кон рафинерии и други енергетски објекти.
Како одговор, Москва, исто така, го ограничи извозот на бензин и дизел. Ова не е првпат Русија да се потпира на соседна Белорусија, таа, исто така, го зголеми увозот на гориво минатата година за да го покрие недостигот на пазарот.
Според извори, пратките на бензин со железница од белоруските рафинерии до рускиот домашен пазар минатиот месец достигнаа 49.000 метрички тони, што е еквивалентно на 14.500 барели дневно. Заедно со бензинот, испораките на дизел во септември изнесуваа 33.000 тони.
Свет
Киев бесен на Меркел: „Зборовите на поранешната канцеларка се неприфатливи“

Киев остро реагираше на тврдењата на поранешната германска канцеларка Ангела Меркел дека Полска и балтичките земји ги саботирале обидите за решавање на украинскиот конфликт во 2021 година, што, како што изјави таа, индиректно придонело за почетокот на „Новата светска војна“, објавува Политико.
Меркел во интервју изјави дека Франција и Германија потоа предложиле воспоставување нов формат за преговори со Русија, кој би ги заменил договорите од Минск, но Варшава и балтичките престолнини одбиле да ја поддржат иницијативата.
Таа проценка предизвика негодување во Киев, каде што висок украински функционер, според Политико, рекол дека зборовите на поранешната канцеларка се „неприфатливи и, искрено, одвратни“.
Во истото интервју, поранешната германска канцеларка, исто така, оцени дека обвинувањето дека унгарскиот премиер Виктор Орбан е „тројански коњ“ на рускиот претседател Владимир Путин во рамките на Европската Унија е „глупост“, посочувајќи на потребата да се запрат меѓусебните обвинувања во рамките на ЕУ и да се обнови дипломатскиот дијалог.
Фото: принтскрин
Свет
Светската здравствена организација тестира смртоносен сируп против кашлица

Светската здравствена организација (СЗО) побара информации од Индија за тоа дали сирупот против кашлица поврзан со смртни случаи кај деца во земјата е извезен во други земји, соопшти денес агенцијата.
СЗО изјави за Ројтерс дека ќе разгледа издавање глобално предупредување за медицински производ во врска со сирупот Колдриф откако ќе добие официјални информации од Њу Делхи, објави Ројтерс.
Според информациите од локалните власти, најмалку 17 деца под петгодишна возраст починале во текот на изминатиот месец откако консумирале сируп што содржел високи концентрации на токсичното соединение диетилен гликол, речиси 500 пати над законската граница.
Фото: принтскрин