Свет
Продолжуваат нападите на бродови во Црвеното Море, Американците соборија четири дрона
Американските воени сили соборија четири беспилотни летала кои се движеа во правец на американски разурнувач во Црвеното Море и беа лансирани од областа на Јемен под контрола на проиранските Хути, а три цивилни танкери беа цел на беспилотни летала, од кои два беа истрелани од Јемен, а еден од Иран.
Централната команда на американските поморски сили одговори на повиците за помош од два брода кои беа нападнати, се вели во соопштението на CENTCOM на платформата „Икс“.
Танкер за хемикалии и нафта со норвешко знаме пријавил дека бил промашен од беспилотно летало, а танкер за сурова нафта со индиско знаме во Габон пријавил дека бил погоден, се вели во соопштението на американската Централна команда.
Две противбродски балистички ракети беа истрелани на меѓународни бродски ленти во јужниот дел на Црвеното Море од областите во Јемен контролирани од Хутите.
„Ова се 14-ти и 15-ти напади на милитантите Хути врз комерцијални бродови од 17 октомври“, напиша ЦЕНТКОМ.
САД започнаа заедничка патролна операција со други земји во водите на Црвеното Море
Хутите, кои контролираат голем дел од Јемен, со недели ја нарушуваат светската трговија со напаѓање бродови што минуваат низ теснецот Баб ал-Мандаб на јужниот крај на Црвеното Море, како што велат, како одговор на израелската војна во Газа.
Британската Агенција за поморски трговски операции претходно објави дека дрон експлодирал во близина на брод во теснецот Баб ал-Мандаб, 45 наутички милји југозападно од Салиф, Јемен.
Соединетите држави ја започнаа операцијата „Гардијан за просперитет“ пред три дена, велејќи дека повеќе од десет земји се согласиле да учествуваат во напорите, кои ќе вклучуваат заеднички патроли во водите на Црвеното Море во близина на Јемен.
САД: Дрон од Иран погоди танкер во Индискиот Океан
Американското Министерство за одбрана соопшти дека беспилотното летало лансирано од Иран удрило во танкер со хемикалии во Индискиот Океан рано во саботата.
Инцидентите укажуваат на ескалација на регионалните тензии и нов ризик за водните патишта по нападот на Хамас врз Израел на 7 октомври. Иранската влада и нејзините сојузнички милитантни сили во Јемен јавно ја критикуваа воената операција на израелската влада во Газа, во која загинаа повеќе од 20.000 палестински граѓани.
Во соопштението на Пентагон се наведува дека овој напад е „седми ирански напад врз трговски бродови од 2021 година“. Во нападот нема жртви, а краткотрајниот пожар е изгаснат. Инцидентот се случил на само 200 наутички милји од брегот на Индија.
„Бродот е поврзан со Израел“
Според поморската безбедносна фирма Ambrey, бродот е „поврзан со Израел“ и плови меѓу Саудиска Арабија и Индија, а Wall Street Journal тврди дека холандската компанија која управува со MV Chem Pluto е поврзана со израелската бродска компанија Idan Ofer.
Индиската морнарица испрати авион и воен брод за да му помогнат на MV Chem Pluto. Портпаролот на иранската делегација во Обединетите нации не одговори веднаш на барањето за коментар.
Во ноември, израелски товарен брод исто така беше оштетен во напад со дрон во Индискиот Океан, за што Вашингтон го обвини Иран.
Големите бродски компании ги пренасочуваат своите бродови поради нападот на Црвеното Море
Нападите на комерцијалните бродови од почетокот на војната меѓу Израел и Хамас на 7 октомври ги поттикнаа големите бродски компании да ги пренасочат своите бродови во јужниот дел на Африка и покрај повисоките трошоци за гориво за долгите патувања.
Во саботата, функционерот на Иранската револуционерна гарда Мохамад Реза Нагди предупреди дека другите водни патишта ќе станат непроодни доколку продолжи војната меѓу Израел и Хамас.
„Со продолжувањето на злосторствата, Америка и нејзините сојузници мора да очекуваат раѓање на нови сили на отпорот и затворање на водните патишта“, рече претставникот, цитиран од иранската новинска агенција Тасним. „Наскоро ќе мора да очекуваат затворање на Средоземното Море, Гибралтар и другите водни патишта“, предупреди тој.
Црвеното Море е „автопат“ што го поврзува Медитеранот со Индискиот Океан, а со тоа и Европа со Азија. Низ него секоја година поминуваат околу 20.000 бродови преку Суецкиот канал, што претставува околу 40 отсто од светската трговија.
Белата куќа го обвинува Иран дека е вклучен во планирањето на нападите на Хутите обезбедувајќи им „софистицирана воена опрема“ и „разузнавачка помош“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Џеј Ди Венс: Ако војната не престане, Украинците ќе изгубат
Потпретседателот на САД, Џеј Ди Венс во поткаст зборуваше за неодамнешната средба на американскиот претседател Доналд Трамп со украинскиот претседател Володимир Зеленски.
Трамп и Зеленски се сретнаа во Ватикан за време на погребот на папата, нивна прва средба лице в лице откако Трамп се врати во Белата куќа и претходната средба во Овалната соба, на која присуствуваше и Венс.
Коментирајќи го моменталниот тек на преговорите за евентуален крај на војната во Украина, Венс истакна дека разговорите се во полн ек, но дека се тешки и неизвесни.
„Понекогаш сте фрустрирани од Украинците, понекогаш сте фрустрирани од Русите, тоа е природата на преговорите. Но, претседателот Трамп не ни дозволува да кренеме раце и да се откажеме. Тој нè принудува да се вратиме на масата за преговори и да најдеме решение“, рече Венс.
Според него, најголемиот напредок досега е фактот што и Русија и Украина отворено разговараат за условите под кои би го прекинале конфликтот, иако нивните барања сè уште значително се разликуваат.
Vance: Ukraine will not defeat Russia if the war drags on.
There’s a weird idea in the media that Russia will just collapse and Ukraine will take everything back. That’s not the reality we live in. 1/ pic.twitter.com/o5LEros6YW
— Tymofiy Mylovanov (@Mylovanov) April 29, 2025
„Токму тоа е работата на дипломатијата – да се обиде да ги зближи двете страни кои бараат различни работи. Не можам да гарантирам дека ќе успееме, но денес сум поголем оптимист отколку што бев пред две недели, а тогаш бев поголем оптимист отколку што бев пред два месеци“, рече Венс.
Потпретседателот истакна дека дипломатијата користи комбинација од притисок, награди и закани, но дека целта е јасна: „Да се запре војната што се заканува да се претвори во катастрофа од уште поголеми размери“.
Тој, исто така, предупреди за можните последици од продолжувањето на војната: „Ако ова не се запре, Украинците нема да победат, туку ќе изгубат. Медиумите создаваат илузија дека, ако војната продолжи, Русија едноставно ќе се распадне, а Украина ќе ги врати сите свои територии. Тоа не е реалност.“
Тој додаде дека војната би можела да предизвика „демографски колапс во обете земји“, милиони нови жртви и, во најлош случај, „ескалација во нуклеарен конфликт“.
„Мора да престане. Тоа е официјална политика на оваа администрација. Претседателот Трамп бара од сите нас, вклучително и мене лично, да работиме дење и ноќе на ова“, заклучи Венс.
Свет
Кина ги укинува царините за увоз на етан од САД
Кина ја укина царината од 125 проценти за увоз на етан од Соединетите Американски Држави, која беше воведена претходно овој месец, дознава Ројтерс од два извори запознаени со ситуацијата.
Оваа одлука ќе го намали притисокот врз кинеските компании кои увезуваат американски етан за потребите на петрохемиската индустрија и ќе овозможи понатамошен пласман на овој природен гас, според Ројтерс.
Меѓу кинеските увозници на етан се „Сателит Кемикал“, „СП Кемикалс“, „Синопек“, „Санџијанг Фајн Кемикал“ и „Ванхуа Кемикал Груп“, додека клучните американски извозници се „Ентерпрајз Продактс Партнерс“ и „Енерџи Трансфер“.
Според американската Администрација за енергетски информации (EIA), Кина купува речиси половина од целиот извоз на етан од САД.
Кина претходно овој месец ги зголеми царините за увоз на американски производи, вклучувајќи го и етанот, на 125 проценти како одговор на одлуката на американскиот претседател Доналд Трамп да воведе дополнителни царини за кинески стоки.
Изворите велат дека царинската давачка за етан е укината во последните неколку дена.
Европа
(Видео) Пукање во Шведска, најмалку тројца убиени
Најмалку три лица се убиени во пукотница во фризерски салон во градот Упсала, потврди шведската полиција. Полицијата соопшти дека добила повеќе пријави од граѓани кои пријавиле истрели во близина на плоштадот Ваксала во центарот на градот.
Пукањето се случило во пресрет на Валпургиската ноќ, традиционален пролетен фестивал кој привлекува голем број луѓе на улиците секоја година. Според полицијата, неколку лица биле пронајдени со повреди што укажуваат на прострелни рани.
Shocking news from Uppsala-Sweden
Multiple fatalities in a shooting at Vaksala Square. Police confirm several injured, TV4 reports more victims deceased. Serious incident unfolding. #UppsalaShooting pic.twitter.com/nGPTd05Tmw— Niyak Ghorbani (نیاک) (@GhorbaniiNiyak) April 29, 2025
Шведските медиуми јавуваат дека маскираниот убиец избегал со електричен скутер и дека е во тек голема потрага, вклучувајќи го и учеството на полициски хеликоптер.
Голем дел од областа е ограден, а истрагата е во тек. Портпаролот на полицијата, Магнус Јансон Кларин, за локалните медиуми изјави дека добиле повеќе пријави за истрели во областа.
Идентитетите на жртвите и напаѓачот засега не се познати, ниту пак мотивот за нападот.
(Видео) Запален домот на Александар Пандов: Нема да не запрат и нема да не поколебаат
Директорот на Управата за извршување на санкции, Александар Пандов на социјалните мрежи објави дека му бил запален домот. „Ова е...
Мицевски: Интерпелацијата за министерот Тошковски не доби поддршка
„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ. „Потребна е...
(Видео) Петровска: Тошковски ја контаминираше истрагата за Кочани
„Трагедијата во Кочани точно е дека е резултат на системски пропусти, ама системот, колеги, има име и презиме или имиња...
(Видео) Меџити: И покрај нашите понуди тие одлучија да бидат заедно со ДУИ и со Ахмети, Таравари има пофалби за владеењето на ДУИ, а избега од тоа владеење
Првиот заменик претседател на Владата и министер за животна средина и просторно планирање Изет Меџити на прес-конференција извести дека вечерва...
Родителите на загинатите му кажаа на Тошковски дека не му веруваат и прашаа зошто обвинетите кои се во домашен притвор шетаат по улици
Родителите на загинатите во Кочани успеаја да го извадат надвор министерот за внатрешни работи, Панче Тошковски откога јавно му порачаа...
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
(Видео) Јанчев: Дискотеката без мака работела 13 години, Тошковски да сакал, ќе ја затворел
Работата на министерот за внатрешни работи, Панче Тошковски, кој на оваа функција е повеќе од една година, денес е на...
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност
„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“,...
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може...
Македонија е тажна приказна, а Црна Гора е најблислку до членство во ЕУ, рече Марта Кос
Црна Гора останува најверојатната кандидатка од регионот на Западен Балкан, кој може да стане нова членка на Европската Унија за...
ОПМ: Треба алатка за споредување на цените на производите за граѓаните да знаат каде може да ги купат поевтино, објавените списоци не се доволни
По објавувањето на списоците со цени на сите производи во маркетите, неопходно е да се направи нова алатка, која на...
Зеленски: Путин сака примирје само за време на неговата парада
Украинскиот претседател Володимир Зеленски изјави дека светот не сака да чека до 8 мај за најавеното примирје на рускиот претседател...
ВМРО-ДПМНЕ до Бујар Османи: Единствениот свет во кој е ДУИ е светот на корупцијата
Дали Бујар Османи го презеде лидерското место во ДУИ, а Али Ахмети се повлече? Дали станува збор за внатрепартиски договор,...
СДСМ: Дали градоначалникот Стефковски се јавувал во МВР за ослободување на својот брат?
Додека јавноста реагира за скандалот со братот на градоначалникот Бобан Стефковски, кој дивееше на скопските улици, а беше ослободен од...
Победа на либералите во Канада
Канадската Либерална партија, предводена од премиерот Марк Карни, е на добар пат да победи на федералните избори, велат канадските медиуми,...
Шпанија и Португалија повторно имаат струја
Елекетричната енергија е обновена речиси целосно низ Шпанија и Португалија по вчерашниот масовен прекин што предизвика хаос во двете земји....
„Марш за ангелите“ – семејствата на жртвите во пожарот во Кочани на протест во Скопје
Семејствата на загинатите во трагичниот пожар во Кочани за денеска најавија протестен „Марш за ангелите“ во Скопје. „Ние заслужуваме одговори,...
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Гаши засега ќе се воздржи од коментари за претседателката на Антикорупциска
Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на...
