Свет
Протести против задолжителна вакцинација – камионџии ја блокираа Отава

Протестите против задолжителната вакцинација на возачите на камиони кои ја минуваат канадско-американската граница ја блокираа Отава втор ден по ред, а илјадници граѓани се приклучија на таканаречениот „Конвој на слободата“.
Полицијата соопшти дека ги истражува незаконските активности на некои студенти од протестот, вклучително и истакнувањето на знамињата со свастика.
Началникот на Генералштабот за одбрана, генерал Вејн Ер, исто така, ги осуди постапките на демонстрантите и рече дека е згрозен од снимката на која се гледа гола жена како танцува на гробот на непознат херој.
Во соопштението од полицијата се наведува дека во моментов се водат повеќе истраги поради сквернавење на неколку споменици во главниот град, закани кон полицајци и оштетување на градски возила.
Возачите на камиони сè уште ги блокираат улиците околу канадскиот парламент во Отава, а градоначалникот Џим Вотсон рече дека некои од нив го малтретирале персоналот на една менза и побарале да им даваат бесплатни оброци, бидејќи не смеат да влезат во ресторани бидејќи одбиваат да носат маски.
Канадскиот премиер Џастин Трудо и членовите на неговото семејство поради безбедносни причини биле принудени да го напуштат својот дом во Отава и биле префрлени на непозната локација.
Според официјалните податоци, околу 90 отсто од 120.000 возачи на камиони кои ја минуваат канадско-американската граница се вакцинирани, што е многу повеќе од националниот просек од 79 отсто, но демонстрантите велат дека ќе продолжат со протестите додека не се укине задолжителната вакцинација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Авионот со шпанската министерка за одбрана го изгуби ГПС-сигналот

Воениот авион што ја превезуваше шпанската министерка за одбрана Маргарита Роблес утрово доживеа нарушување на глобалниот систем за позиционирање – ГСП-сигналот додека беше на пат кон Литванија, објавија шпанските власти.
Инцидентот се случил додека шпанскиот авион летал во близина на руската енклава Калининград, објави „Скај њуз“.
Авионот на претседателката на Европската комисија, Урсула фон дер Лајен, исто така имал проблеми со ГСП-сигналот на 1 септември за време на летот кон Бугарија, според написите.
„Можеме да потврдиме дека имало ГСП-блокирање, но авионот безбедно слета во Бугарија. Добивме информации од бугарските власти дека се сомневаат оти тоа се должи на очигледно руско блокирање“, рече тогаш портпаролот на ЕУ.
Фото: принтскрин
Свет
(Видео) Свлечишта, поплави, изолирани села во делови од Италија

Во италијанскиот регион Комо обилните дождови предизвикаа свлечишта и поплави, кои го погодија и центарот на градот Комо, објавува денес „Анса“.
Le immagini dal drone dell'enorme voragine che si è aperta lungo la Sp38, tra Cantù e Alzate Brianza, dopo la forte ondata di maltempo che si è abbattuta sulla provincia di Como nella giornata di lunedì 22 settembre. pic.twitter.com/IPzODbMqtv
— Local Team (@localteamit) September 23, 2025
Сериозни поплави беа пријавени по полноќ во центарот на градот, каде што локалната полиција ги затвори брегот на езерото и другите главни патишта, кои беа затрупани со кал и остатоци.
🚨 Yesterday France, now it's Italy. Violent storms hit Lombardy near Lake Como, destroying several homes in Blevio.
📹 Anna Graziapic.twitter.com/r02RxzKWLo
— Volcaholic 🌋 (@volcaholic1) September 22, 2025
Ситуацијата е повторно критична во некои општини на брегот на езерото, кои веќе беа погодени во претходните часови, почнувајќи од Фаџето Лари и Блеви на источниот брег на езерото Комо, кои беа погодени од поплави, до Блеви, каде што ново свлечиште изолира неколку села, од кои триесетина луѓе беа раселени.
Пожарникарите одговорија на стотици повици, а ситуацијата е критична на сите патишта во оваа покраина.
Фото: принтскрин
Свет
Меланија Трамп одбила средба со сопругата на Зеленски

Сопругата на американскиот претседател Доналд Трамп, Меланија, одбила официјално да се сретне со првата дама на Украина, Олена Зеленска, за време на нејзиниот престој во Њујорк, пренесуваат медиумите.
Како што објави Марко Бекман, виш советник на сопругата на американскиот претседател, Меланија Трамп ќе ја поздрави Зеленска од учтивост, но без формална средба.
„Зеленска неколкупати стапи во контакт со Меланија за да организира средба. Но, нема да има билатерална средба, ништо официјално. Бидејќи нашата прва дама е многу љубезна, таа денес ќе ѝ се јави и ќе ја поздрави. Но, нема да има суштински разговор, нема средба“, рече Бекман.
Одлуката на Меланија Трамп се толкува како сигнал за дистанцирање од раководството на Киев во чувствителен момент за американско-украинските односи.
Фото: принтскрин