Свет
Путин: Експлозијата на мостот на Крим е терористички напад на украинските специјални служби

Руските власти не се сомневаат дека инцидентот на мостот на Крим е терористички напад врз критична цивилна инфраструктура, изјави денеска рускиот претседател Владимир Путин, обвинувајќи ги за овој чин украинските специјални служби.
– Како што штотуку објавивте, нема сомнеж. Станува збор за терористички чин чија цел е уништување на критичната цивилна инфраструктура на Руската Федерација – рече тој на средбата со шефот на рускиот истражен комитет Александар Бастрикин, пренесе ТАСС.
Путин рече дека извршители и нарачатели на експлозијата биле специјалните служби на Украина, додека истражителите утврдиле дека сопственик на камионот во кој се наоѓал експлозивот бил жител на Краснодарската територија, пренесува Риа Новости.
Претседателот на Истражниот комитет тогаш најави поведување на кривична постапка по написот „тероризам“.
Тој го информираше шефот на државата и за идентитетот на осомничените кои учествувале во подготовката на бомбашкиот напад.
Безбедносните камери го покажуваат моментот на експлозијата на мостот на Крим.
Да потсетиме, на 8 октомври рано наутро одекна експлозија на камион на мостот на Крим, по што се запалија седум цистерни со гориво од воз кој се движеше по железничкиот дел од мостот.
Од експлозијата делумно пропаднале две коловозни ленти, додека потпорите не се оштетени.
Во експлозијата загинаа три лица – патници од автомобилот што бил до камионот.
Истиот ден на мостот беше обновен сообраќајот, но само за автомобили.
Малку подоцна беше обновен и железничкиот сообраќај.
Сепак, камионите и автобусите мора да го користат траектот, што е само привремена мерка, како што најави шефот на Кримската област Сергеј Аксјоносв,пренесе Блиц.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) „Постапките на Трамп убиваат, а љубовта спасува животи“, кажаа на Парадата на гордоста во Амстердам

Околу 80 шарени бродови за Парадата на гордоста пловеа низ каналите на Амстердам на крајот од седумдневната прослава на ЛГБТК+ заедницата во градот.
Иако поворката не е политичка, учесниците ја искористија можноста да ги критикуваат конфликтите што беснеат низ целиот свет и бројните светски лидери за нивните негативни ставови кон правата на ЛГБТК + заедницата, пренесува Ројтерс.
Палестински знамиња беа видени и во толпата, а холандската полиција уапси четворица активисти кои скокнаа во водата и оштетија брод на Букинг во знак на протест против тоа што им беше понуден сместување во населбите окупирани од Израел.
Учесниците на парадата го критикуваа и американскиот претседател Доналд Трамп, чија администрација спроведе антитранс политики и ги намали средствата за меѓународни програми за помош, што ги загрози напорите за превенција од ХИВ во Африка.
На еден од бродовите беа прикажани лажни гробишта и порака „Постапките на Трамп убиваат. Љубовта спасува животи“.
Свет
(Видео) МААЕ: Експлозии и чад во близина на нуклеарната централа Запорожје

Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и видел чад што доаѓа од блиската локација.
Нуклеарната централа објави дека еден од нејзините помошни објекти бил нападнат денес, според соопштението, објави Ројтерс.
Се нагласува дека помошниот објект се наоѓа на 1.200 метри од нуклеарната централа.
Претставниците на електраната претходно денес објавија дека гранатирањето од страна на украинските вооружени сили предизвикало локализиран пожар во индустриската зона во близина на нуклеарната централа Запорожје.
🔴 UKRAINE :📹 AN AUXILIARY FACILITY OF UKRAINE'S ZAPORIZHZHIA NUCLEAR POWER PLANT (ZNPP) WAS HIT
ZNPP is Europe's largest nuclear plant, under Russian control since 2022
The IAEA reported its team at Zaporizhzhia Nuclear Power Plant heard… pic.twitter.com/MSeeXGYnlh
— LW World News 🌍 (@LW_WorldNews) August 2, 2025
Како што е соопштено, нема закана за безбедното работење на нуклеарната централа.
Се наведува дека зрачењето измерено во индустрискиот комплекс на електраната и во зоната на набљудување било „во границите на природните вредности“.
Во соопштението стои дека за време на гаснењето на пожарот, рускиот спасувачки тим бил нападнат од дрон на украинските вооружени сили и дека во нападот немало жртви.
Свет
Хамас: Разоружување само ако има независна палестинска држава

Палестинската милитантна група Хамас изјави дека нема да го положи оружјето сè додека не се воспостави независна палестинска држава.
Во соопштението, Хамас наведува дека не може да се откаже од вооружениот отпор сè додека не се воспостави целосно враќање на палестинските национални права, од кои најважно е воспоставувањето независна, целосно суверена палестинска држава со Ерусалим како главен град, пренесува Ројтерс.
Индиректните преговори меѓу Хамас и Израел, со цел постигнување 60-дневно примирје во војната во Газа и договор за ослободување на заложниците, минатата недела дојдоа во ќорсокак откако делегациите на САД и Израел се повлекоа од разговорите во Доха, Катар.
Во тоа време, американскиот специјален претставник Стив Виткоф го обвини Хамас дека преговара без вистинска желба за договор.