Свет
Путин и Ердоган разговараа за ситуацијата во Украина и Сирија

Турскиот претседател Реџеп Таип Ердоган и рускиот претседтал Владимир Путин денеска телефонски разговарале за ситуацијата во Украина и црноморската иницијатива за извоз на жито, соопшти прес-службата на турскиот претседател.
Во соопштението се наведува дека Ердоган му се заблагодарил на Путин за неговиот придонес во изградбата на нуклеарната централа Акују во Турција.
„За време на разговорот беа оценети и настаните во руско-украинската војна и работата во контекст на договорот за жито. Ердоган најави можност за работа на нови иницијативи во рамките на предложената работна група“, се наведува во соопштението.
Ердоган и Путин разговараа и за последните случувања во Сирија.
Турскиот претседател се заблагодари на Русија за помошта во изградбата на нуклеарната централа Акују во јужна Турција за време на телефонскиот разговор во четвртокот, соопшти кабинетот на турскиот претседател.
„Претседателот Ердоган му се заблагодари на рускиот претседател Путин за помошта во изградбата на нуклеарната централа Акују, каде што денеска ќе се одржи церемонијата за испорака на нуклеарно гориво“, соопштија од кабинетот на турскиот претседател.
Рускиот претседател му посака на Ердоган брзо закрепнување, соопшти кабинетот на турскиот претседател, откако вчера откажа изборни активности поради здравствени проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Свет
Данска го повика на разговор американскиот амбасадор по извештајот за спроведувањето на операцијата за влијание во Гренланд

Министерот за надворешни работи на Данска го повика на разговори највисокиот американски дипломат во земјата откога главниот радиодифузер на земјата објави во средата дека најмалку три лица поврзани со американскиот претседател Доналд Трамп спроведуваат тајни операции за влијание на Гренланд.
Јавниот радиодифузер DR објави во средата дека владини и безбедносни извори, кои не ги именува, како и неидентификувани извори на Гренланд и САД, веруваат дека најмалку тројца Американци поврзани со Трамп спроведуваат тајни операции за влијание на таа територија.
Се вели дека нивната приказна се базира на информации од вкупно осум извори, кои веруваат дека целта е да се ослабат односите со Данска од самото гренландско општество.
Данската телевизија објави дека не може да разјасни дали Американците работеле по сопствена иницијатива или по наредба на некој друг.
„Свесни сме дека странските актери продолжуваат да покажуваат интерес за Гренланд и неговата позиција во Кралството Данска“, рече данскиот министер за надворешни работи, Ларс Локе Расмусен.
Тој го изјави ова во соопштение испратено од неговото министерство по е-пошта.
„Затоа, не е изненадувачки ако во иднина доживееме надворешни обиди да влијаат врз иднината на Кралството. Секој обид за мешање во внатрешните работи на Кралството, секако, ќе биде неприфатлив“, рече Расмусен.
„Во таа насока го замолив Министерството за надворешни работи да го покани вршителот на должноста амбасадор на САД на состанок во Министерството“, рече министерот.
Тој додаде дека соработката меѓу владите на Данска и Гренланд е „тесна и заснована на меѓусебна доверба“.
Фото: принтскрин
Свет
Кина ќе претстави ново оружје против беспилотни летала

На 3 септември во Пекинг, на парадата по повод 80-годишнината од крајот на Втората светска војна, Кина за прв пат ќе претстави ново микробраново оружје дизајнирано за борба против беспилотни летала.
Три системи од типот микробраново оружје со голема моќност (HPM) ќе бидат прикажани на плоштадот Тјенанмен.
Станува збор за инсталации кои емитуваат силни импулси и на тој начин ефикасно ја онеспособуваат електрониката на беспилотните летала.
Според достапните податоци, овие уреди можат да уништат роеви беспилотни летала на растојание од неколку стотици метри, а нивната примарна намена е блиска одбрана на воените бази и клучната инфраструктура од масовни напади од евтини беспилотни летала.
Извештаите од тестовите за слични технологии беа објавени во јануари оваа година, што укажува дека Кина го забрзала развојот на нова генерација оружје насочено кон електронско војување.
Во јуни, кинеските медиуми објавија и за создавање графитна ракета, специјален проектил наменет за уништување на електричните мрежи. Содржи 90 цилиндрични подмуниции кои, кога ќе ја погодат целта, ослободуваат јаглеродни нишки и предизвикуваат краток спој во високонапонските системи.
Фото: принтскрин